ಚಾಮುಂಡಿಬೆಟ್ಟ: ಸರ್ಕಾರಿ ಶಾಲೆಯಲ್ಲಿ ಪುಂಡರ ಹಾವಳಿ

7

ಚಾಮುಂಡಿಬೆಟ್ಟ: ಸರ್ಕಾರಿ ಶಾಲೆಯಲ್ಲಿ ಪುಂಡರ ಹಾವಳಿ

Published:
Updated:

ಮೈಸೂರು: ಚಾಮುಂಡಿಬೆಟ್ಟದ ಸರ್ಕಾರಿ ಪ್ರಾಥಮಿಕ ಶಾಲೆಯ ಚಾವಣಿಯ ಹೆಂಚುಗಳನ್ನು ತೆಗೆದು ಬುಧವಾರ ರಾತ್ರಿ ಒಳಗಿಳಿದ ಪುಂಡರು ₹ 2.5 ಲಕ್ಷ ಬೆಲೆ ಬಾಳುವ ಪುಸ್ತಕಗಳನ್ನು ಚಿಲ್ಲಾಪಿಲ್ಲಿ ಮಾಡಿದ್ದಾರೆ. ಪೀಠೋಪಕರಣಗಳನ್ನು ಧ್ವಂಸಗೊಳಿಸಿದ್ದಾರೆ.

ವಿದ್ಯುತ್‌ ದೀಪಗಳನ್ನು ಒಡೆದು ಹಾಕಿರುವ ದುಷ್ಕರ್ಮಿಗಳು ಯಾವುದೇ ವಸ್ತುಗಳನ್ನು ಕಳವು ಮಾಡಿಲ್ಲ. ಗುರುವಾರ ಶಿಕ್ಷಕರು ಶಾಲೆಯ ಬಾಗಿಲು ತೆರೆದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಬಳಿಕ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಶಾಲಾ ಕೊಠಡಿಯ ಒಳಗೆ ಕಾಲಿಡಲು ಆಗದ ರೀತಿಯಲ್ಲಿ ವಸ್ತುಗಳನ್ನು ಅಸ್ತವ್ಯಸ್ತವಾಗಿ ಹರಡಿದ್ದರಿಂದ ಆವರಣದ ಮೈದಾನದಲ್ಲಿ ಬೋಧನಾ ಚಟುವಟಿಕೆಗಳು ನಡೆದವು. ಎರಡು ವರ್ಷದ ಹಿಂದೆಯೂ ಶಾಲೆಯಲ್ಲಿ ಇದೇ ರೀತಿ ಆಗಿತ್ತು. ಕೆ.ಆರ್.ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮಾನಸಿಕ ಅಸ್ವಸ್ಥರು, ಮದ್ಯಸೇವಿಸಿದ ಪುಂಡರು ಈ ದುಷ್ಕೃತ್ಯ ಮಾಡಿರುವ ಸಾಧ್ಯತೆ ಇದೆ. ಕಳ್ಳರಾಗಿದ್ದರೆ ಮುಖ್ಯ ಶಿಕ್ಷಕರ ಬೀರು, ಡ್ರಾಯರ್‌ನ್ನು ಒಡೆಯಬೇಕಿತ್ತು. ಅದೂ ಸರ್ಕಾರಿ ಶಾಲೆಯಲ್ಲಿ ಕಳ್ಳರು ಕಳವು ಮಾಡುವುದಿಲ್ಲ. ಶಾಲೆಯ ಮೇಲಿನ ದ್ವೇಷದಿಂದಲೂ ಈ ರೀತಿ ಮಾಡಿರುವ ಸಾಧ್ಯತೆ ಇದೆ. ಎಲ್ಲ ಆಯಾಮಗಳಿಂದ ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

1957ರಲ್ಲಿ ಆರಂಭವಾದ ಶಾಲೆಯಲ್ಲಿ ಒಂದರಿಂದ 7ನೇ ತರಗತಿಯವರೆಗೆ 48 ಮಂದಿ ವಿದ್ಯಾರ್ಥಿಗಳಿದ್ದಾರೆ. ಶಾಲೆಗೆ ಇಬ್ಬರು ಶಿಕ್ಷಕರಿದ್ದು, ಒಬ್ಬರು ಅತಿಥಿ ಶಿಕ್ಷಕರೂ ಇದ್ದಾರೆ.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !