ಲಿಂಗಸುಗೂರು: ಮೂರು ದಶಕ ಕಳೆದರೂ ಕಾಲುವೆಗೆ ಹರಿಯದ ನೀರು

ಬಲದಂಡೆ ಮುಖ್ಯ ಕಾಲುವೆ ಮತ್ತು ವಿತರಣಾ ನಾಲೆಗಳ ಅಧುನೀಕರಣ ಕಾಮಗಾರಿಗೆ 2019ರಲ್ಲಿ ಟೆಂಡರ್ ಹಂತದಲ್ಲಿ ಲೋಕಾಯುಕ್ತಕ್ಕೆ ದೂರು ಸಲ್ಲಿಕೆಯಾಗಿತ್ತು. 2020ರಲ್ಲಿ ಮುಖ್ಯ ಕಾಲುವೆ ಆಧುನೀಕರಣಕ್ಕೆ ₹980ಕೋಟಿ ವಿತರಣಾ ಮತ್ತು ಹೊಲಗಾಲುವೆಗೆ ₹1444ಕೋಟಿ ವೆಚ್ಚದ ಕಾಮಗಾರಿಯನ್ನು ಪ್ರತ್ಯೇಕ ಗುತ್ತಿಗೆದಾರರಿಗೆ ನೀಡಲಾಯಿತು. ಆಧುನೀಕರಣದ ಕ್ರಿಯಾ ಯೋಜನೆಯಲ್ಲಿ ಬ್ಲಾಸ್ಟಿಂಗ್‍ಗೆ ₹ 99 ಕೋಟಿ 65ಲಕ್ಷ ಕ್ಯೂಬಿಕ್‍ ಮೀಟರ್ ಮರಮ್ ಗೆ ₹ 420ಕೋಟಿ ಹಣ ದುರ್ಬಳಕೆ ಮಾಡಲಾಗಿದೆ ಎಂದು ಆರೋಪಿಸಿ ಲೋಕಾಯುಕ್ತ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಕೃಷ್ಣಾ ಮೇಲ್ದಂಡೆ ಯೋಜನೆಯ ಮುಖ್ಯ ಎಂಜಿನಿಯರ್‌ಗೆ ಕರ್ನಾಟಕ ರಾಜ್ಯ ರೈತ ಸಂಘದ ರಾಜ್ಯ ಉಪಾಧ್ಯಕ್ಷ ಲಕ್ಷ್ಮೀಕಾಂತ ಪಾಟೀಲ ದೂರು ನೀಡಿದರು. ಇಂದಿಗೂ ತನಿಖೆಗಳು ಮುಂದುವರೆದಿದೆ. ಅಂದಿನ ಶಾಸಕ ಡಿ.ಎಸ್‍ ಹೂಲಗೇರಿ ಕೃಷ್ಣಾ ಭೀಮ ಅಚ್ಚುಕಟ್ಟು ಪ್ರದೇಶದ ರೈತ ಸಂಘದ ರಾಜ್ಯ ಘಟಕ ಅಧ್ಯಕ್ಷ ಅಮರೇಶ ಅಂಬಿಗೇರ ಸಮಾಜ ಚಿಂತಕ ಶರಣಪ್ಪ ಮೇಟಿ ಸಿಪಿಐಎಂಎಲ್‍ ರೆಡ್‍ ಸ್ಟಾರ್ ರಾಜ್ಯಾಧ್ಯಕ್ಷ ಮಾನಸಯ್ಯ ಆರ್. ಸೇರಿದಂತೆ ಇತರರು ಅಂದಾಜು ವೆಚ್ಚ ಸಮಿತಿ ಲೋಕಾಯುಕ್ತ ಸರ್ಕಾರದ ಪ್ರಧಾನ ಕಾರ್ಯದರ್ಶಿ ಕೇಂದ್ರದ ನೀರಾವರಿ ಸಚಿವರು ಸೇರಿದಂತೆ ಕೃಷ್ಣಾ ಮೇಲ್ದಂಡೆ ಯೋಜನೆ ಜಾಗೃತ ದಳಕ್ಕೆ ಲಿಖಿತ ದೂರು ಸಲ್ಲಿಸಿದ್ದಾರೆ.