ಕವಿತಾಳ: ವಿದ್ಯುತ್‌ ಶಾರ್ಟ್‌ ಸರ್ಕೀಟ್‌ನಿಂದ ಬಟ್ಟೆ ಅಂಗಡಿಯಲ್ಲಿ ಬೆಂಕಿ ಕಾಣಿಸಿಕೊಂಡ ಪರಿಣಾಮ ಎಂಬ್ರಾಯಡರಿ ಮಷೀನ್‌ ಮತ್ತು ರೇಷ್ಮೆ ಸೀರೆಗಳು ಸೇರಿದಂತೆ ಬಟ್ಟೆಗಳು ಸಂಪೂರ್ಣ ಸುಟ್ಟಿವೆ.
ಪಟ್ಟಣದ ಪಿ.ವಿ. ಕಲೆಕ್ಷನ್‌ ಬಟ್ಟೆ ಅಂಗಡಿಯಲ್ಲಿ ಸೋಮವಾರ ತಡರಾತ್ರಿ ಘಟನೆ ಸಂಭವಿಸಿದ್ದು, ಮಂಗಳವಾರ ಬೆಳಿಗ್ಗೆ ಬಂದು ಅಂಗಡಿ ತೆರೆದಾಗ ಬೆಂಕಿ ಕಂಡುಬಂದಿದೆ. ಅಂದಾಜು ₹10 ಲಕ್ಷ ನಷ್ಟ ಸಂಭವಿಸಿದೆ. ಸ್ಥಳೀಯರು ಬೆಂಕಿ ನಂದಿಸಿದ್ದಾರೆ ಎಂದು ಅಂಗಡಿ ಮಾಲೀಕ ಪ್ರದೀಪಕುಮಾರ ಇಲ್ಲೂರು ತಿಳಿಸಿದರು.
ಕವಿತಾಳ ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.
