ಕನಕಪುರ: ವಕೀಲರ ಸಂಘದ ತಾಲ್ಲೂಕು ಘಟಕದ ಪದಾಧಿಕಾರಿಗಳ ಆಯ್ಕೆಗಾಗಿ ನಡೆದ ಚುನಾವಣೆಯಲ್ಲಿ ಹಿಂದಿನ ಅವಧಿಯ ಅಧ್ಯಕ್ಷರಾಗಿದ್ದ ಕೆ.ಎಸ್.ಗಿರಿಧರ್ ಅವರ ನೇತೃತ್ವದ ತಂಡ ಗೆಲುವು ಸಾಧಿಸಿತು.
ಸಂಘದ ಆವರಣದಲ್ಲಿ ಶನಿವಾರ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷ ಸ್ಥಾನದ ಎಸ್.ವಿ.ವೀರಪ್ಪ ಅವರಿಗೆ 85, ಪ್ರತಿಸ್ಪರ್ಧಿ ಕೆ.ಮಾದೇಗೌಡ ಅವರಿಗೆ 53 ಮತಗಳು ಲಭಿಸಿ, 2 ಮತಗಳು ತಿರಸ್ಕೃತಗೊಂಡವು. 32 ಮತಗಳ ಅಂತರದಿಂದ ಎಸ್.ವಿ.ವೀರಪ್ಪ ಗೆಲುವು ಸಾಧಿಸಿದರು.
ಉಪಾಧ್ಯಕ್ಷ ಸ್ಥಾನದ ಟಿ.ಕೆ.ರವಿಗೆ 93, ಪ್ರತಿಸ್ಪರ್ಧಿ ಎ.ಗೋವಿಂದರಾಜುಗೆ 45, ಡಿ.ಕೆಂಪೇಗೌಡ ಅವರಿಗೆ 2 ಮತಗಳು ಲಭಿಸಿದವು. 48 ಮತಗಳ ಅಂತರದಿಂದ ಟಿ.ಕೆ.ರವಿ ಜಯಗಳಿಸಿದರು.
ಕಾರ್ಯದರ್ಶಿ ಸ್ಥಾನಕ್ಕೆ ಸ್ಪರ್ಧಿಸಿದ್ದ ವೈರಮುಡಿಗೆ 82 ಮತ, ಪಿ.ಶಿವರುದ್ರಯ್ಯಗೆ 57 ಮತ,1 ಮತ ತಿರಸ್ಕೃತಗೊಂಡು 25 ಮತಗಳ ಅಂತರದಿಂದ ವೈರಮುಡಿ ಗೆಲುವು ಸಾಧಿಸಿದರು.
ಖಜಾಂಚಿ ಸ್ಥಾನದ ಸಿದ್ದರಾಜುಗೆ 74, ಸಾಗರ್ ಟಿ.ಎಸ್ಗೆ 65 ಮತ, 1 ಮತ ತಿರಸ್ಕೃತಗೊಂಡು ಸಿದ್ದರಾಜು 19 ಮತಗಳನ್ನು ಹೆಚ್ಚಿಗೆ ಪಡೆದು ಜಯಸಾಧಿಸಿದರು.
ಚುನಾವಣೆಯಲ್ಲಿ 143 ಮತಗಳಿದ್ದು, ಅವುಗಳಲ್ಲಿ 140 ಮತಗಳು ಮಾತ್ರ ಚಲಾವಣೆಗೊಂಡು, ಮೂವರು ಮತದಾನ ಮಾಡದೆ ದೂರ ಉಳಿದಿದ್ದರು. ರೂರಲ್ ಪದವಿಪೂರ್ವ ಕಾಲೇಜಿನ ಅಧೀಕ್ಷಕ ಡಿ. ರಾಜು ಚುನಾವಣೆ ನಡೆಸಿಕೊಟ್ಟರು.