ಸರ್ಕಾರಿ ಶಾಲೆಗೆ ಸೇರಿದ ಜಮೀನನ್ನು ಬಳಸಿಕೊಂಡು ಕೇವಲ ₹ 5 ಲಕ್ಷ ವೆಚ್ಚದಲ್ಲಿ ಈ ಕ್ರೀಡಾಂಗಣವನ್ನು ವಿನ್ಯಾಸಗೊಳಿಸಲಾಗಿದೆ. ಶಾಲೆಯೊಂದರ ವಿದ್ಯಾರ್ಥಿಗಳ ಕ್ರೀಡಾಭ್ಯಾಸಕ್ಕೆ ಬೇಕಾದ ಸೌಕರ್ಯಗಳಿವೆ. ಗುಂಪು ಕ್ರೀಡೆಗಳಾದ ವಾಲಿಬಾಲ್, ಕಬಡ್ಡಿ, ಬ್ಯಾಡ್ಮಿಂಟನ್‌, ಕೊಕ್ಕೊ ಅಂಗಣಗಳಿವೆ. ಜೊತೆಗೆ ಅಥ್ಲೆಟಿಕ್‌ ಅಭ್ಯಾಸಕ್ಕೆ ಅನುಕೂಲ ಆಗುವಂತೆ 100 ಮೀ. ಓಟದ ಟ್ರ್ಯಾಕ್‌, ಲಾಂಗ್‌ ಜಂಪ್‌ ಅಂಕಣ ಇದೆ. ಜೊತೆಗೆ ಕ್ರೀಡಾಂಗಣಕ್ಕೆ ಹೊಂದಿಕೊಂಡಂತೆ ಸಮುದಾಯ ಶೌಚಾಲಯ ಸಹ ನಿರ್ಮಾಣ ಆಗಿದೆ. ಇದರೊಟ್ಟಿಗೆ ನರೇಗಾ ಅಡಿ ಶಾಲೆಗೆ ಮಳೆನೀರು ಸಂಗ್ರಹ ವ್ಯವಸ್ಥೆ ಸಹ ಮಾಡಲಾಗಿದೆ.
