ಅಂತರರಾಷ್ಟ್ರೀಯ ಯೋಗ ಸ್ಪರ್ಧೆಗೆ ಆಯ್ಕೆ

ಶಿವಮೊಗ್ಗದಲ್ಲಿ ವರ್ಷಿಣಿ ಯೋಗ ಎಜುಕೇಷನ್ ಮತ್ತು ಸಾಂಸ್ಕೃತಿಕ ಕ್ರೀಡಾ ಟ್ರಸ್ಟ್ ವತಿಯಿಂದ ಈಚೆಗೆ ಆಯೋಜಿಸಿದ್ದ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ವೈಷ್ಣವಿ ಸತೀಶ್, ವೇದಾಂತ, ಬಿ.ಎಂ. ಸ್ವಾತಿ, ಪುನರ್ವಸು ಅವರು ಪ್ರಥಮ ಸ್ಥಾನ ಗಳಿಸಿ ಈ ಸಾಧನೆ ಮಾಡಿದ್ದಾರೆ.

ಎಂಟು ವರ್ಷದ ವಿಭಾಗದಲ್ಲಿ ವೈಷ್ಣವಿ ಸತೀಶ್ ಪ್ರಥಮ ಸ್ಥಾನ, 11 ವರ್ಷದ ವಿಭಾಗದಲ್ಲಿ ವೇದಾಂತ ಹಾಗೂ 14 ವರ್ಷದ ವಿಭಾಗದಲ್ಲಿ ಬಿ.ಎಂ. ಸ್ವಾತಿ ಪ್ರಥಮ ಸ್ಥಾನ ಪಡೆದು ತಲಾ ₹ 10 ಸಾವಿರ ನಗದು ಬಹುಮಾನ ಹಾಗೂ 20 ರಿಂದ 25 ವರ್ಷದ ವಯೋಮಿತಿಯಲ್ಲಿ ಪುನರ್ವಸು ಚಾಂಪಿಯನ್ ಆಫ್ ಚಾಂಪಿಯನ್ ಆಗಿ ₹ 30 ಸಾವಿರ ನಗದು ಬಹುಮಾನ ಪಡೆದುಕೊಂಡಿದ್ದಾರೆ.

ಮೇ 23ರಿಂದ 25ರವರೆಗೆ ಸಿಂಗಪುರದಲ್ಲಿ ಅಂತರ ರಾಷ್ಟ್ರೀಯ ಮಟ್ಟದ ಯೋಗ ಸ್ಪರ್ಧೆ ನಡೆಯಲಿದೆ ಎಂದು ಯೋಗ ಕೇಂದ್ರದ ಶಿಕ್ಷಕಿ ಗೀತಾ ವೆಂಕಟೇಶ್ ತಿಳಿಸಿದ್ದಾರೆ.