ರಾಮನಗರ ತಾಲ್ಲೂಕಿನ ಕೈಲಾಂಚ ಹೋಬಳಿಯಾದ್ಯಂತ ಬಿರುಗಾಳಿ ಸಹಿತ ಹೆಚ್ಚು ಮಳೆಯಾಗಿದೆ. ಕೈಲಾಂಚ ಸುತ್ತಮುತ್ತ 85 ಮಿಲಿಮೀಟರ್ನಷ್ಟು ಮಳೆ ಸುರಿದಿದೆ. ಹುಣಸನಹಳ್ಳಿ, ಕೂನಗಲ್, ಕೆ.ಪಿ. ದೊಡ್ಡಿ, ಗೌಡಯ್ಯನ ದೊಡ್ಡಿ ಭಾಗದಲ್ಲಿ ಹೆಚ್ಚು ಮಳೆಯಾಗಿದ್ದು, ಇದರಿಂದಾಗಿ ಜಮೀನಿನಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ನೀರು ನಿಂತಿತ್ತು. ಹುಣಸನಹಳ್ಳಿ, ಕೂನಗಲ್ ಸುತ್ತಮತ್ತ ಅಲ್ಲಲ್ಲಿ ತೆಂಗು, ನೀಲಗಿರಿ ಮರಗಳು, ವಿದ್ಯುತ್ ಕಂಬಗಳು ಉರುಳಿ ಬಿದ್ದಿವೆ. ಎತ್ತರಕ್ಕೆ ಬೆಳೆದಿದ್ದ ಜೋಳ ನೆಲಕ್ಕೆ ಒರಗಿದೆ. ತಗ್ಗಿನಲ್ಲಿರುವ ಹೊಲಗಳಿಗೆ ನೀರು ನುಗ್ಗಿದ್ದು, ಬುಧವಾರ ಮಧ್ಯಾಹ್ನವಾದರೂ ಹೊಲದಲ್ಲಿ ನೀರು ನಿಂತಿತ್ತು.