ಕಲಾವಿದ ಸಚಿನ್ ವರ್ಣೇಕರ್ ಪರಿಶ್ರಮ: ಚಿನ್ನ, ಬೆಳ್ಳಿಯಲ್ಲಿ ಅರಳಿದ ರಾಮಮಂದಿರ ಮಾದರಿ

ಸೂಕ್ಷ್ಮ ಕಲಾಕೃತಿ (ಮೈಕ್ರೋ ಆರ್ಟ್ಸ್) ಮಾದರಿ ತಯಾರಿಕೆ ಕಲಾವಿದ, ನಗರದ ಸಚಿನ್ ಎಂ. ವರ್ಣೇಕರ್ ಅವರು ಅಯೋಧ್ಯೆಯ ರಾಮಮಂದಿರ ಮಾದರಿಗಳನ್ನು ತಯಾರಿಸಿದ್ದಾರೆ. 140 ಗ್ರಾಂ ತೂಕ, 6 ಇಂಚು ಉದ್ದ, 4 ಇಂಚು ಅಗಲ ಹಾಗೂ 5.5 ಇಂಚು ಎತ್ತರದ ಎರಡು ರಾಮಮಂದಿರ ಮಾದರಿ ತಯಾರಿಸಿದ್ದಾರೆ. ಚಿನ್ನ ಮತ್ತು ಬೆಳ್ಳಿ ಬಳಸಿ ಆಕರ್ಷಕವಾದ ಮಾದರಿ ಸಿದ್ಧಪಡಿಸಿದ್ದಾರೆ. 

ಇವರು ಈ ಹಿಂದೆ ಚಿನ್ನ ಮತ್ತು ಬೆಳ್ಳಿ ಬಳಸಿ ಹಲವಾರು ಸೂಕ್ಷ್ಮ ಕಲಾಕೃತಿಗಳನ್ನು ರಚಿಸಿದ್ದಾರೆ. ಕೆಲವು ಕಲಾಕೃತಿಗಳನ್ನು ಧರ್ಮಸ್ಥಳ ವಸ್ತು ಸಂಗ್ರಹಾಲಯದಲ್ಲಿ ಇರಿಸಲಾಗಿದೆ.