ಕೊಡಿಗೇನಹಳ್ಳಿ ಹೋಬಳಿಯ ಹಲವು ಗ್ರಾಮಗಳಲ್ಲಿ ಶುದ್ಧ ಕುಡಿಯುವ ನೀರಿನ ಘಟಕಗಳಿಗೆ ನೀರಿಲ್ಲದೆ ಕೆಲವನ್ನು ನಿಲ್ಲಿಸಲಾಗಿದೆ. ಇನ್ನು ಕೆಲವು ಘಟಕಗಳಿಗೆ ಬರುವ ನೀರು ಗಡುಸು ನೀರಾಗಿದೆ. ಆ ಕಾರಣಕ್ಕೆ ಘಟಕಗಳು ಬಂದ್ ಆಗುತ್ತಿವೆ. ಸರ್ಕಾರ ನಿಯಮಾವಳಿಗಳ ಪ್ರಕಾರ ನೀರಿನಲ್ಲಿ ಗಡುಸುತನದ ಪ್ರಮಾಣ 1,200 ಇರಬೇಕು. ಆದರೆ ಚಿಕ್ಕಮಾಲೂರು ಗ್ರಾಮ ಪಂಚಾಯಿತಿಗೆ ಸೇರಿರುವ ತಿಗಳರಹಳ್ಳಿ ಗ್ರಾಮದ ಘಟಕದಲ್ಲಿ 3 ಸಾವಿರ ಮತ್ತು ಕಾಳೇನಹಳ್ಳಿ ಗ್ರಾಮದ ಘಟಕದಲ್ಲಿ 2,200 ಇದೆ. ಆ ಕಾರಣಕ್ಕೆ ಇವುಗಳನ್ನು ಮುಚ್ಚಲಾಗಿದೆ.