ಡಿಜಿಟಲ್‌ ಪಾವತಿ; ಹೆಚ್ಚಿನ ಜಾಗೃತಿ ಅವಶ್ಯ: ಜಿಲ್ಲಾಧಿಕಾರಿ ಡಾ.ಕೆ.ರಾಕೇಶ್ ಕುಮಾರ

7
ನಗರದ ಬಾಲಭವನದಲ್ಲಿ ಏರ್ಪಡಿಸಿದ್ದ ಡಿಜಿಟಲ್ ಪಾವತಿ ಮೇಳ

ಡಿಜಿಟಲ್‌ ಪಾವತಿ; ಹೆಚ್ಚಿನ ಜಾಗೃತಿ ಅವಶ್ಯ: ಜಿಲ್ಲಾಧಿಕಾರಿ ಡಾ.ಕೆ.ರಾಕೇಶ್ ಕುಮಾರ

Published:
Updated:
Deccan Herald

ತುಮಕೂರು: ‘ದೇಶದಲ್ಲಿ ಈಗ ಶೇ 90 ರಷ್ಟು ಜನರು ಹಣಕಾಸು ವ್ಯವಹಾರ ಮಾಡುತ್ತಿದ್ದು, ಬಹಳಷ್ಟು ಜನರು ಡಿಜಿಟಲ್‌ ಪಾವತಿ ವಿಧಾನದಿಂದ ದೂರವಿದ್ದಾರೆ. ಈ ಕುರಿತು ಇನ್ನೂ ಹೆಚ್ಚಿನ ಜಾಗೃತಿ ಮೂಡಿಸಬೇಕು’ ಎಂದು ಜಿಲ್ಲಾಧಿಕಾರಿ ಡಾ.ಕೆ.ರಾಕೇಶ್‌ಕುಮಾರ್ ತಿಳಿಸಿದರು.

ನಗರದ ಜಿಲ್ಲಾ ಬಾಲಭವನದಲ್ಲಿ ದೂರಸಂಪರ್ಕ ಇಲಾಖೆಯ ಸಂವಹನ ಸಚಿವಾಲಯ, ಬೆಂಗಳೂರಿನ ಲೆಕ್ಕ ಸಂವಹನ ನಿಯಂತ್ರಣ ಕಚೇರಿ, ಸ್ಮಾರ್ಟ್ ಸಿಟಿ ಲಿಮಿಟೆಡ್, ಭಾರತದ ರಾಷ್ಟ್ರೀಯ ಪಾವತಿ ನಿಗಮ (ಎನ್‌ಪಿಸಿಐ) ಹಾಗೂ ವಿವಿಧ ಬ್ಯಾಂಕುಗಳ ಆಶ್ರಯದಲ್ಲಿ ಆಯೋಜಿಸಿದ್ದ ’ಡಿಜಿಟಲ್ ಪಾವತಿ ಮೇಳ’ವನ್ನು ಉದ್ಘಾಟಿಸಿ ಮಾತನಾಡಿದರು.

‘ಕಾಗದ ರಹಿತ ಉದ್ದೇಶದಿಂದ ಕೇಂದ್ರ ಸರ್ಕಾರ ಡಿಜಿಟಲ್‌ ಇಂಡಿಯಾ ಪಾವತಿ ಯೋಜನೆಯನ್ನು ಜಾರಿಗೆ ತಂದಿದ್ದು, ಪ್ರಚಾರ ಹಾಗೂ ಅರಿವಿನ ಕೊರತೆಯಿಂದ ಪ್ರಯೋಜನವಾಗಿಲ್ಲ. ಹೀಗಾಗಿ, ಸರ್ಕಾರದ ಯೋಜನೆಗಳನ್ನು ಸಾರ್ವಜನಿಕರು ಸದುಪಯೋಗಪಡಿಸಿಕೊಳ್ಳಬೇಕು’ ಎಂದು ಸಲಹೆ ನೀಡಿದರು.

’ರಾಜ್ಯದಲ್ಲಿ 7 ನಗರಗಳು ಸ್ಮಾರ್ಟ್ ಸಿಟಿ ಯೋಜನೆಗೆ ಆಯ್ಕೆಯಾಗಿದ್ದು, ಎಲ್ಲ ಜಿಲ್ಲೆಗಳಲ್ಲಿ ಈ ಮೇಳವನ್ನು ನಡೆಸಲಾಗುತ್ತದೆ. ಈ ನಿಟ್ಟಿನಲ್ಲಿ ಡಿಜಿಟಲ್ ಪಾವತಿ ಕುರಿತು ಸಾರ್ವಜನಿಕರು, ವ್ಯಾಪಾರಿಗಳು ಹಾಗೂ ಟೆಲಿಕಾಂ ವಿತರಕರಿಗೆ ಅರಿವು ಮೂಡಿಸುವ ಉದ್ದೇಶವಾಗಿದೆ’ ಎಂದು ಹೇಳಿದರು.

ಬೆಂಗಳೂರಿನ ಲೆಕ್ಕ ಸಂವಹನ ನಿಯಂತ್ರಣ ಕಚೇರಿಯ ನಿಯಂತ್ರಕ ಎ.ಜ್ಞಾನಶೇಖರನ್ ಮಾತನಾಡಿ,’ ಡಿಜಿಟಲ್‌ ಪಾವತಿ ಮೇಳವು ಮೊಟ್ಟಮೊದಲ ಮೇಳ ತುಮಕೂರಿನಲ್ಲಿ ನಡೆಸುತ್ತಿದೆ. ಡಿಜಿಟಲ್‌ ಪಾವತಿಯಿಂದ ವ್ಯವಹಾರವು ಸರಳವಾಗಿದೆ. ಇದರ ಪ್ರಯೋಜನ ಪಡೆಯಬೇಕು’ ಎಂದು ತಿಳಿಸಿದರು.

ಜಂಟಿ ಲೆಕ್ಕ ಸಂವಹನ ನಿಯಂತ್ರಕಿ ಡಾ.ಆರ್.ಡಿ.ರಶ್ಮಿ ಮಾತನಾಡಿ, ’ಆಧುನಿಕ ಕಾಲಕ್ಕೆ ತಕ್ಕಂತೆ ನಾವು ಬದಲಾಗಬೇಕು. ಇಂದು 5ಜಿ ಜನರೇಷನ್‌ಲ್ಲಿರುವುದರಿಂದ ಪ್ರತಿಯೊಬ್ಬರೂ ನಗದು ರಹಿತ ವ್ಯವಹಾರದಿಂದ ಡಿಜಿಟಲ್‌ ಪೇಮೆಂಟ್‌ ಮಾಡುವುದನ್ನು ಕಲಿಯಬೇಕು. ಜೊತೆಗೆ ವ್ಯಾಪಾರಿಗಳು ಆನ್‌ಲೈನ್ ಮೂಲಕ ಟೆಲಿಕಾಂ ರೀಚಾರ್ಜ್ ಸೇವೆ ಒದಗಿಸುವುದರೊಂದಿಗೆ ಇತರೆ ಸೇವೆಯನ್ನು ಗ್ರಾಹಕರಿಗೆ ಒದಗಿಸಬೇಕು’ ಎಂದರು.

ಜಿಲ್ಲಾ ಪಂಚಾಯತ್‌ ಮುಖ್ಯಕಾರ್ಯನಿರ್ವಾಹಣಾಧಿಕಾರಿ ಅನೀಸ್‌ ಕಣ್ಮಣಿ ಜಾಯ್‌, ಜಂಟಿ ಸಂವಹನ ನಿಯಂತ್ರಕಿ ಎಸ್.ಅರುಳ್‌ಮತಿ, ಎ.ಎನ್.ತಮ್ಮಯ್ಯ ಇದ್ದರು.

ಮೇಳದಲ್ಲಿ ಭಾಗವಹಿಸಿದ್ದ ಕಂಪನಿಗಳು: ಪ್ರಯುಕ್ತ ಪಾಲಿಕೆ, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಏರ್‌ಟೆಲ್, ಡೊಕೊಮೊ, ರಿಲಾಯನ್ಸ್, ವಿಜಯ ಬ್ಯಾಂಕ್, ಸಿಂಡಿಕೇಟ್ ಬ್ಯಾಂಕ್, ಜಿಯೊ ಹಾಗೂ ಮುನಿಸಿಲ್‌ ಪೇಮೆಂಟ್‌ ಆನ್‌ ಪೇಟಿಮ್‌ ಕಂಪನಿಗಳು ಮಳಿಗೆಗಳಲ್ಲಿ ಕಂಪನಿ ಪ್ರತಿನಿಧಿಗಳು ಸಾರ್ವಜನಿಕರಿಗೆ ಡಿಜಿಟಲ್ ಪೇಮೆಂಟ್ ಪ್ರಯೋಜನಗಳ ಬಗ್ಗೆ ಅರಿವು ಮೂಡಿಸಲಾಯಿತು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !