25 ವರ್ಷಗಳಿಂದ ನಾನು ಈ ಪ್ರದೇಶದಲ್ಲಿ ವಾಸಿಸುತ್ತಿದ್ದೇನೆ. ಗಿರಿನಗರ ಬಹುತೇಕ ಅಭಿವೃದ್ಧಿ ಹೊಂದಿದೆ. ರಸ್ತೆ, ಬಸ್ ಸಂಪರ್ಕ, ಉತ್ತಮ ವಾತಾವರಣ, ಆಟದ ಮೈದಾನಗಳು... ಹೀಗೆ ಸಕಲ ರೀತಿಯಿಂದಲೂ ಉತ್ತಮ ವ್ಯವಸ್ಥೆ ಮಾಡಲಾಗಿದೆ. ಈ ಕ್ಷೇತ್ರದ ಶಾಸಕ ಹಾಗೂ ಪಾಲಿಕೆ ಸದಸ್ಯ... ಇಲ್ಲಿಯೇ ಇರುವುದರಿಂದ ಏನಾದರೂ ಸಮಸ್ಯೆ ಇದ್ದರೆ ನೇರವಾಗಿ ಸಂಪರ್ಕಿಸಲು ಸಾಧ್ಯವಾಗುತ್ತದೆ. ಗಿರಿನಗರ 3ನೇ ಹಂತದಲ್ಲಿ ರಸ್ತೆಗಳಿಗೆ ಡಾಂಬರೀಕರಣ ಆಗಬೇಕು. ಗಿರಿನಗರದ ಬಳಿಯ ಚಾಮುಂಡಿನಗರ ಹಾಗೂ ಈರಣ್ಣ ನಗರ ಕೊಳೆಗೇರಿ ಪ್ರದೇಶಗಳ ಅಭಿವೃದ್ಧಿಗೆ ಕೊಂಚ ಶ್ರಮವಹಿಸಬೇಕಿದೆ.