ತುಮಕೂರು: ಗ್ರಾಮಾಂತರದಲ್ಲಿ ಗರಿಷ್ಠ ಮತದಾನ; ನಗರದಲ್ಲಿ ಕನಿಷ್ಠ

ಮಂಗಳವಾರ, ಮೇ 21, 2019
24 °C
ಲೋಕಸಭಾ ಕ್ಷೇತ್ರ: 120 ಲೈಂಗಿಕ ಅಲ್ಪಸಂಖ್ಯಾತರ ಪೈಕಿ ಮತದಾನ ಮಾಡಿದವರು 14 ಮಂದಿ ಮಾತ್ರ

ತುಮಕೂರು: ಗ್ರಾಮಾಂತರದಲ್ಲಿ ಗರಿಷ್ಠ ಮತದಾನ; ನಗರದಲ್ಲಿ ಕನಿಷ್ಠ

Published:
Updated:

ತುಮಕೂರು: ಈ ಬಾರಿ ತುಮಕೂರು ಲೋಕಸಭಾ ಕ್ಷೇತ್ರದಲ್ಲಿ 4.51ರಷ್ಟು ಹೆಚ್ಚು ಮತದಾನವಾಗಿದೆ. ಕಳೆದ ಬಾರಿಗೆ ಶೇ 72.50 ರಷ್ಟು ಮತದಾನವಾಗಿತ್ತು. ಈ ಬಾರಿ ಶೇ 77.03ರಷ್ಟು ಮತದಾನವಾಗಿದೆ. ಹಿಂದಿನ ಬಾರಿಗೆ ಹೋಲಿಸಿದರೆ ಮತದಾನ ಪ್ರಮಾಣ ಸ್ವಲ್ಪ ಹೆಚ್ಚಳವಾಗಿದೆ.

ಗುರುವಾರ ನಡೆದ ಚುನಾವಣೆಯಲ್ಲಿ ಇಡೀ ಕ್ಷೇತ್ರದಲ್ಲಿ ತುಮಕೂರು ಗ್ರಾಮಾಂತರ ವಿಧಾನ ಸಭಾ ಕ್ಷೇತ್ರದಲ್ಲಿ ಶೇ 81.87 ರಷ್ಟು ಮತದಾನ ದಾಖಲಾಗುವ ಮೂಲಕ ಮೊದಲ ಸ್ಥಾನದಲ್ಲಿದೆ. ಅತೀ ಕನಿಷ್ಠ ಮತದಾನ ಶೇ 65.42ರಷ್ಟು ತುಮಕೂರು ನಗರ ವಿಧಾನ ಸಭಾ ಕ್ಷೇತ್ರದಲ್ಲಾಗಿದ್ದು, ಗರಿಷ್ಠ ಮತ್ತು ಕನಿಷ್ಠ ಮತದಾನ ದಾಖಲಾದ ಈ ಎರಡೂ ಕ್ಷೇತ್ರಗಳೂ ತುಮಕೂರು ತಾಲ್ಲೂಕಿನದ್ದೇ ಆಗಿವೆ.

ಕ್ಷೇತ್ರದ 8 ವಿಧಾನ ಸಭಾ ಕ್ಷೇತ್ರಗಳಲ್ಲಿ ಬೆಳಿಗ್ಗೆ 9 ಗಂಟೆಗೆ ಶೇ 7.39, 11ಕ್ಕೆ 22.51, 3 ಗಂಟೆಗೆ 54.88, 5 ಗಂಟೆಗೆ 70.28 ಹಾಗೂ 6 ಗಂಟೆಗೆ ಶೇ 77.03 ಮತದಾನ ಆಗಿದ್ದು, ಆರಂಭದಿಂದಲೂ ತುಮಕೂರು ಗ್ರಾಮಾಂತರ ಕ್ಷೇತ್ರದಲ್ಲಿ ಮತದಾನ ಚುರುಕು ಪಡೆದುಕೊಂಡಿತ್ತು.

ತುಮಕೂರು ಲೋಕಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ 8,03,006 ಪುರುಷ, 8,04,874 ಮಹಿಳಾ ಮತ್ತು 120 ಲೈಂಗಿಕ ಅಲ್ಪಸಂಖ್ಯಾತರು ಸೇರಿ ಒಟ್ಟು 16.08 ಲಕ್ಷ ಮತದಾರರಿದ್ದಾರೆ. ಇವರಿಗೆ ಮತದಾನಕ್ಕಾಗಿ ಜಿಲ್ಲಾ ಚುನಾವಣಾಧಿಕಾರಿ ಕಚೇರಿ 2684 ಮತಗಟ್ಟೆಗಳನ್ನು ಸಜ್ಜುಗೊಳಿಸಿತ್ತು. ಕ್ಷೇತ್ರದಲ್ಲಿನ ಒಟ್ಟು ಮತದಾರರ ಪೈಕಿ 6,29,248 ಪುರುಷ, 6,09,362 ಮಹಿಳಾ ಮತ್ತು 14 ಲೈಂಗಿಕ ಅಲ್ಪಸಂಖ್ಯಾತ ಮತದಾರರು ಮತ ಚಲಾಯಿಸಿದ್ದಾರೆ.

2014ರಲ್ಲಿ ಲೈಂಗಿಕ ಅಲ್ಪಸಂಖ್ಯಾತ ಮತದಾರರು 118 ಮಂದಿ ಇದ್ದರು. ಇದರಲ್ಲಿ 12 ಮಂದಿ ಮತ ಚಲಾಯಿಸಿದ್ದರು. ಈ ಬಾರಿ ಕ್ಷೇತ್ರದಲ್ಲಿ 120 ಲೈಂಗಿಕ ಅಲ್ಪಸಂಖ್ಯಾತ ಮತದಾರರಿದ್ದು, ಇದರಲ್ಲಿ 14 ಮಂದಿ ಮಾತ್ರ ಮತ ಚಲಾಯಿಸಿದ್ದಾರೆ.

ಕ್ಷೇತ್ರದ ಹಿಂದಿನ ಮತ್ತು ಇಂದಿನ ಮತದಾರರ ವಿವರ

ಕ್ಷೇತ್ರ          2014            2019
ಚಿಕ್ಕನಾಯಕನಹಳ್ಳಿ 72.59 78.12
ತಿಪಟೂರು 74.18 80.27
ತುರುವೇಕೆರೆ 69.96 80.00
ತುಮಕೂರುನಗರ 63.11 65.42
ತುಮಕೂರು ಗ್ರಾಮಾಂತರ 78.07 81.87
ಕೊರಟಗೆರೆ 76.89 79.67
ಗುಬ್ಬಿ 77.30 80.29
ಮಧುಗಿರಿ 70.59 74.38

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !