ದೂರು ಸಲ್ಲಿಸಲು ಹೂಡಿಕೆದಾರರ ಸಿದ್ಧತೆ

ಗುರುವಾರ , ಜೂಲೈ 18, 2019
23 °C
ಬೆಂಗಳೂರಿನ ‘ಐಎಂಎ’ ಮಾದರಿ ವಂಚನೆ ಪ್ರಕರಣ; ತುಮಕೂರಿನ ಈಜಿಮೈಂಡ್ ಮಾರ್ಕೆಟಿಂಗ್ ಇಂಡಿಯಾ ಕಂಪನಿ ವಿರುದ್ಧ ಆಕ್ರೋಶ

ದೂರು ಸಲ್ಲಿಸಲು ಹೂಡಿಕೆದಾರರ ಸಿದ್ಧತೆ

Published:
Updated:
Prajavani

ತುಮಕೂರು: ಬೆಂಗಳೂರಿನ ಐಎಂಎ (ಐ ಮಾನಿಟರಿ ಅಡ್ವೈಸರಿ) ಕಂಪನಿ ಮಾದರಿಯಲ್ಲಿ ಜನರಿಂದ ₹ 500 ಕೋಟಿಗೂ ಅಧಿಕ ಹಣ ಹೂಡಿಕೆ ಮಾಡಿಸಿಕೊಂಡು ವಂಚಿಸಿದೆ ಎಂಬ ಆರೋಪಕ್ಕೆ ಗುರಿಯಾಗಿರುವ ನಗರದ ಈಜಿಮೈಂಡ್ ಮಾರ್ಕೆಟಿಂಗ್ ಇಂಡಿಯಾ ಪ್ರೈವೇಟ್‌ ಲಿಮಿಟೆಡ್‌ ಹೆಸರಿನ ಕಂಪನಿ ವಿರುದ್ಧ ಪೊಲೀಸರಿಗೆ ದೂರು ನೀಡಲು ಕೆಲ ಹೂಡಿಕೆದಾರರು ಮುಂದಾಗಿದ್ದಾರೆ.

‘ಶುಕ್ರವಾರ ರಾತ್ರಿ ಪೊಲೀಸರು ಹೂಡಿಕೆದಾರರಿಂದ ಮಾಹಿತಿ ಪಡೆದಿದ್ದರು. ದೂರು ನೀಡಿದರೆ ಮುಂದಿನ ಕ್ರಮ ಜರುಗಿಸುವುದಾಗಿ ಹೇಳಿದ್ದರು. ಹೀಗಾಗಿ, ದೂರು ನೀಡಲು ದಾಖಲೆ ಸಿದ್ಧಪಡಿಸಿಕೊಳ್ಳಲಾಗಿದೆ. ಅಂದಾಜು 50 ಹೂಡಿಕೆದಾರರು ಪೊಲೀಸರಿಗೆ ದೂರು ನೀಡಲು ಮುಂದಾಗಿದ್ದಾರೆ’ ಎಂದು ಮುಸ್ಲಿಂ ಸಮುದಾಯದ ಮುಖಂಡ ನಿಸಾರ್ ಅಹಮ್ಮದ್ ‘ಪ್ರಜಾವಾಣಿ’ಗೆ ತಿಳಿಸಿದರು.

ಡಿವೈಎಸ್ಪಿ ಹೇಳಿಕೆ: ‘ಶುಕ್ರವಾರ ಹೂಡಿಕೆದಾರರೊಂದಿಗೆ ಪ್ರಕರಣ ಕುರಿತು ಚರ್ಚಿಸಲಾಗಿತ್ತು. ಶನಿವಾರ ದೂರು ನೀಡುವುದಾಗಿ ಹೇಳಿದ್ದರು. ಆದರೆ, ಸಂಜೆಯವರೆಗೂ ದೂರು ದಾಖಲಾಗಿಲ್ಲ’ ಎಂದು ತುಮಕೂರು ನಗರ ಡಿವೈಎಸ್ಪಿ ತಿಪ್ಪೇಸ್ವಾಮಿ ಹೇಳಿದರು.

ತೆರೆಯದ ಕಚೇರಿ: ಶುಕ್ರವಾರ ಸಂಜೆ ಕಂಪನಿ ಮುಂದೆ ಜಮಾಯಿಸಿದ್ದ ಹೂಡಿಕೆದಾರರು ಅಳಲು ತೋಡಿಕೊಂಡಿದ್ದರು. ಶನಿವಾರ ಈ ಕಂಪನಿ ಕಚೇರಿ ಬಳಿ ಯಾವೊಬ್ಬ ಹೂಡಿಕೆದಾರರು ಬಂದಿರಲಿಲ್ಲ. ಕಚೇರಿಗೆ ಬೀಗ ಹಾಕಲಾಗಿತ್ತು. ಪೊಲೀಸರೂ ಕಚೇರಿ ಬಳಿ ತೆರಳಿ ಮತ್ತೆ ಯಾರಾದರೂ ಹೂಡಿಕೆದಾರರು ಬಂದಿದ್ದಾರಾ ಎಂಬುದನ್ನು ಪರಿಶೀಲಿಸಿದರು.

ಮತ್ತೊಂದೆಡೆ ಹೂಡಿಕೆದಾರರು ಪೊಲೀಸರಿಗೆ ದೂರು ಸಲ್ಲಿಸದಂತೆ ಕಂಪನಿಯ ಪರವಾಗಿರುವವರ ಒಂದು ಗುಂಪು ಮನವೊಲಿಸುವ ಯತ್ನ ನಡೆಸುತ್ತಿದೆ ಎಂದು ತಿಳಿದುಬಂದಿದೆ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !