ಚಿರತೆ ಪ್ರತ್ಯಕ್ಷ: ಮೂವರಿಗೆ ಪರಚಿ ಪರಾರಿ

ತಾಲ್ಲೂಕಿನ ಹುಲಿಕುಂಟೆ ವ್ಯಾಪ್ತಿಯ ಗುಂಡನಪಾಳ್ಯ ಗ್ರಾಮದ ಕಾಮರಾಜು ಎಂಬುವರಿಗೆ ಸೇರಿದ ಅಡಕೆ ತೋಟದಲ್ಲಿ ಗುರುವಾರ ಬೆಳಿಗ್ಗೆ ಚಿರತೆ ಕಾಣಿಸಿಕೊಂಡಿದೆ.

ಈ ಸಂದರ್ಭದಲ್ಲಿ ಅಟ್ಟಿಸಲು ಹೋದ ಮೂರು ಜನ ಯುವಕರ ಮೇಲೆ ದಾಳಿ ನಡೆಸಿದ್ದು, ಪರಚಿದ ಗಾಯಗಳಾಗಿದೆ. ಗ್ರಾಮದ ಶ್ರೀಧರ, ಹರೀಶ್ ಬಾಬು, ನಟರಾಜು ಗಾಯಗೊಂಡವರು.

ಈ ಸಂದರ್ಭದಲ್ಲಿ ಸ್ಥಳದಲ್ಲಿ ಇದ್ದ ಅರಣ್ಯ ಇಲಾಖೆ ಜೀಪ್ ಡ್ರೈವರ್ ವೇಣುಗೋಪಾಲ್ ಎಂಬುವರಿಗೂ ತರಚಿದ ಗಾಯಗಳಾಗಿದೆ. ಸಾರ್ವಜನಿಕರ ಕೂಗಾಟದಿಂದ ಅಲ್ಲಿಂದ ಪರಾರಿಯಾಗಿದೆ.

ಸಾರ್ವಜನಿಕರು ಎಚ್ಚರಿಕೆಯಿಂದ ಇರಬೇಕು ಎಂದು ಅರಣ್ಯಾಧಿಕಾರಿಗಳು ಮನವಿ ಮಾಡಿದ್ದಾರೆ. ಸ್ಥಳಕ್ಕೆ ಅರಣ್ಯ ಅಧಿಕಾರಿ ಸತೀಶ್ ಚಂದ್ರ, ಸಿಪಿಐ ಎಫ್.ಕೆ. ನದಾಫ್ ಭೇಟಿ ನೀಡಿದ್ದರು.