ಕೋವಿಡ್‌: ಉಡುಪಿಯ ವ್ಯಕ್ತಿ ಸಾವು

ಉಡುಪಿಯ 63, ಕುಂದಾಪುರದ 23, ಕಾರ್ಕಳದ 14 ಹಾಗೂ ಬೇರೆ ಜಿಲ್ಲೆಯ ಒಬ್ಬರಿಗೆ ಸೋಂಕು ಖಚಿತವಾಗಿದ್ದು, ಇವರಲ್ಲಿ 42 ಮಹಿಳೆಯರು, 55 ಪುರುಷರಿದ್ದಾರೆ. 41 ಮಂದಿಗೆ ಸೋಂಕಿನ ಲಕ್ಷಣಗಳು ಕಾಣಿಸಿಕೊಂಡಿದ್ದರೆ, 60 ಸೋಂಕಿತರಲ್ಲಿ ಲಕ್ಷಣಗಳು ಕಂಡುಬಂದಿಲ್ಲ. ಆಸ್ಪತ್ರೆಗಳಲ್ಲಿ 15, ಹೋಂ ಐಸೊಲೇಷನ್‌ನಲ್ಲಿ 86 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಒಟ್ಟು ಸೋಂಕಿತ ಪ್ರಕರಣಗಳ ಸಂಖ್ಯೆ 26,470ಕ್ಕೆ ಏರಿಕೆಯಾಗಿದ್ದು, 591 ಸಕ್ರಿಯ ಸೋಂಕಿತರು ಇದ್ದಾರೆ. 25,686 ಮಂದಿ ಗುಣಮುಖರಾಗಿದ್ದಾರೆ.

ಜಿಲ್ಲೆಯಲ್ಲಿ ಇದುವರೆಗೂ 1,57,051 ಮಂದಿಗೆ ಕೋವಿಡ್‌ ಮೊದಲ ಡೋಸ್ ಲಸಿಕೆ ಹಾಕಲಾಗಿದ್ದು, 26343 ಮಂದಿಗೆ 2ನೇ ಡೋಸ್‌ ಹಾಕಲಾಗಿದೆ.