ಶಿರಸಿ: ಮಹಿಳೆಯೊಬ್ಬರ ಗರ್ಭಕೋಶದಲ್ಲಿ ಬೆಳೆದಿದ್ದ ಆರು ಕೆ.ಜಿ ತೂಕದ ಗಡ್ಡೆಯನ್ನು ಇಲ್ಲಿನ ವೈದ್ಯರು ಶಸ್ತ್ರಚಿಕಿತ್ಸೆ ಮೂಲಕ ಹೊರ ತೆಗೆದಿದ್ದಾರೆ.
ಹಾನಗಲ್ನ ಯಶೋದಾ ಎನ್ನುವವರು ಹೊಟ್ಟೆ ನೋವಿನ ಕಾರಣಕ್ಕೆ ಇಲ್ಲಿನ ಪಂಡಿತ ಸಾರ್ವಜನಿಕ ಆಸ್ಪತ್ರೆಗೆ ದಾಖಲಾಗಿದ್ದರು. ಸ್ಕ್ಯಾನಿಂಗ್ ಮೂಲಕ ಪರೀಕ್ಷಿಸಿದಾಗ ಗರ್ಭಕೋಶದಲ್ಲಿ ಗಡ್ಡೆಯಲ್ಲಿ ಬೆಳೆದಿರುವುದು ವೈದ್ಯರ ಗಮನಕ್ಕೆ ಬಂದಿದೆ.
ಡಾ. ಮಹೇಶ ಭಟ್ಟ ಅವರು ಅರವಳಿಕೆ ತಜ್ಞೆ ಡಾ.ಪದ್ಮಿನಿ, ನರ್ಸ್ಗಳಾದ ಸುಶೀಲಾ ಉಡುಪ, ಸುಜಾತಾ ಶೆಟ್ಟಿ, ಸಹಾಯಕ ನರಸಿಂಹ ಅವರ ಸಹಕಾರದಲ್ಲಿ ಶನಿವಾರ ಒಂದೂವರೆ ತಾಸು ಶಸ್ತ್ರಚಿಕಿತ್ಸೆ ನಡೆಸಿ, ಮಹಿಳೆಯ ಗರ್ಭಕೋಶದಲ್ಲಿದ್ದ ಗಡ್ಡೆಯನ್ನು ಹೊರತೆಗೆದರು.