ಇಲ್ಲಿನ ನಗರಸಭೆಯ ಆವರಣದಲ್ಲಿ ₹ 10 ಲಕ್ಷ ವೆಚ್ಚದಲ್ಲಿ ನಿರ್ಮಿಸಿರುವ ವಾಣಿಜ್ಯ ಮಳಿಗೆಯಿದೆ. ನಗರದ ಹಸಿ ತ್ಯಾಜ್ಯಗಳಿಂದ ಉತ್ಪಾದಿಸುವ ಎರೆಹುಳು ಗೊಬ್ಬರವನ್ನು ಇಲ್ಲಿ ಮಾರಾಟ ಮಾಡಲಾಗುತ್ತದೆ. ಕಳೆದ ಎರಡು ವರ್ಷಗಳಿಂದ ಇದು ಗೊಬ್ಬರ ಮಾರಾಟ ಕೇಂದ್ರವಾಗಿ ಕಾರ್ಯನಿರ್ವಹಿಸುತ್ತಿದೆ. ಪ್ರತಿದಿನ ಇಲ್ಲಿ ₹ 100ರಿಂದ ₹ 120ರವರೆಗೆ ಗೊಬ್ಬರ ಮಾರಾಟದಿಂದ ಆದಾಯ ಸಿಗುತ್ತದೆ. ವಹಿವಾಟು ನೋಡಿಕೊಳ್ಳಲು ಒಬ್ಬರು ಸಿಬ್ಬಂದಿ ಇದ್ದಾರೆ. ಈ ಸಿಬ್ಬಂದಿಯ ವೇತನ ಹಾಗೂ ಕಟ್ಟಡದ ನಿರ್ವಹಣೆ ಸೇರಿ ತಿಂಗಳಿಗೆ ಸುಮಾರು ₹ 18ಸಾವಿರ ಖರ್ಚು ಬರುತ್ತದೆ.