<p><strong>ದಾಂಡೇಲಿ</strong>: ಇಲ್ಲಿನ ಬಂಬೂಗೇಟ್ ಸಮೀಪದ ನಿವಾಸಿ, ಬಡ ಕುಟುಂಬದ ಪದ್ಮಾವತಿ ಮಾದಿಗ ಅವರು ಸಿವಿಲ್ ನ್ಯಾಯಾಧೀಶ ಹುದ್ದೆಗೆ ಆಯ್ಕೆಯಾಗಿದ್ದಾರೆ. ಪದ್ಮಾವತಿ ಅವರ ಕುಟುಂಬವು ಬದುಕಿಗೆ ಚಮ್ಮಾರಿಕೆ ವೃತ್ತಿಯನ್ನು ಅವಲಂಬಿಸಿದೆ.</p>.<p>ಬಂಬೂಗೇಟ್ ಸಮೀಪ ಚಿಕ್ಕ ಮನೆಯಲ್ಲಿ ವಾಸವಿರುವ ಈ ಕುಟುಂಬಕ್ಕೆ ತಂದೆ ನಾಗಪ್ಪ ಚಮ್ಮಾರಿಕೆ ವೃತ್ತಿಯಿಂದ ಗಳಿಸುವ ಆದಾಯ ನಿರ್ವಹಣೆಗೆ ಆಸರೆಯಾಗಿತ್ತು. ಐದು ವರ್ಷಗಳ ಹಿಂದೆ ಅನಾರೋಗ್ಯ ದಿಂದ ನಾಗಪ್ಪ ಮೃತಪಟ್ಟ ಬಳಿಕ ಕುಟುಂಬದ ಆರ್ಥಿಕ ಪರಿಸ್ಥಿತಿ ಬಿಗಡಾಯಿಸಿತು. ಇಂತಹ ಕಷ್ಟದಲ್ಲೂ ಪದ್ಮಾವತಿ ಓದಿ ಸಾಧನೆ ಮಾಡಿದ್ದಾರೆ.</p>.<p>ಕನ್ನಡ ಮಾಧ್ಯಮದಲ್ಲಿ ವ್ಯಾಸಂಗ ಮಾಡಿರುವ ಪದ್ಮಾವತಿ ಅವರು ಬಂಗೂರುನಗರ ಪದವಿ ಕಾಲೇಜಿನಲ್ಲಿ ಬಿ.ಕಾಂ ಪದವಿ ಮುಗಿಸಿ, ಬೈಲಹೊಂಗಲದಲ್ಲಿ ಕಾನೂನು ಪದವಿಯನ್ನು ಪಡೆದಿದ್ದರು. ಸದ್ಯ ಹಳಿಯಾಳದಲ್ಲಿ ವಕೀಲರಾಗಿದ್ದರು.</p>.<p>‘ಸಣ್ಣ ಪುಟ್ಟ ಕೆಲಸ ಮಾಡುತ್ತಲೇ ಕಾನೂನು ಪದವಿಯನ್ನು ಪೂರೈಸಿದೆ. ಕಾನೂನು ಓದಿಗೆ ಆರ್ಥಿಕ ಕಷ್ಟವಿದ್ದರೂ, ನನ್ನ ಸಹೋದರರು ಚಮ್ಮಾರಿಕೆ ವೃತ್ತಿಯಿಂದ ಗಳಿಸಿದ ಹಣದಿಂದ ಕುಟುಂಬ ನಿರ್ವಹಣೆಯ ಜೊತೆಗೆ ನನ್ನ ಓದಿಗೂ ನೆರವಾದರು’ ಎಂದು ಪದ್ಮಾವತಿ ಮಾದಿಗ ಹೇಳಿದರು.</p>.<p>‘ನ್ಯಾಯಾಧೀಶ ಹುದ್ದೆಯ ಪರೀಕ್ಷೆಯ ಓದಿನಲ್ಲಿ ಅಖಿಲ ಭಾರತ ವಕೀಲರ ಒಕ್ಕೂಟ (ಎಐಎಲ್ಯು) ನಡೆಸಿದ ಆನ್ಲೈನ್ ತರಬೇತಿ ಪ್ರಯೋಜನವಾಯಿತು. ಕೀಳರಿಮೆಯಿಂದ ಹೊರಬಂದು ಸಮಾಜ ಗುರುತಿಸುವಂತಹ ಸಾಧನೆಯನ್ನು ಮಾಡಬೇಕು ಎನ್ನುವ ತುಡಿತ ಈ ಸಾಧನೆಗೆ ಪ್ರೇರಣೆಯಾಯಿತು’ ಎಂದರು.</p>.<p>‘ಮನೆಯ ಆರ್ಥಿಕ ಪರಿಸ್ಥಿತಿಯನ್ನು ಸುಧಾರಿಸಲು, ನ್ಯಾಯಾಧೀಶೆ ಆಗುವ ಕನಸನ್ನು ಹಂಚಿಕೊಂಡಿದ್ದರು. ಪರೀಕ್ಷೆಗೆ ಬೇಕಾದ ಸಹಾಯ ಮಾಡಿದ್ದೇನೆ. ಪರೀಕ್ಷೆಗಾಗಿ ತುಂಬಾ ಶ್ರಮ ಪಟ್ಟಿದ್ದಾರೆ’ ಎಂದು ವಕೀಲೆ ರತ್ನದೀಪ ಎನ್.ಎಂ ಹೇಳಿದರು.</p>.<div><blockquote>ತಳ ಸಮುದಾಯದ ಸಮಸ್ಯೆ ಮತ್ತು ಸವಾಲುಗಳ ಬಗ್ಗೆ ಬೆಳಕು ಚೆಲ್ಲುವ ಗುರಿಯಿದೆ. ಸಮಾಜದ ಶ್ರೇಯೋಭಿವೃದ್ಧಿಗಾಗಿ ಕೆಲಸ ಮಾಡುವೆ </blockquote><span class="attribution">ಪದ್ಮಾವತಿ ಮಾದಿಗ ಸಿವಿಲ್ ನ್ಯಾಯಾಧೀಶೆ</span></div>
<p><strong>ದಾಂಡೇಲಿ</strong>: ಇಲ್ಲಿನ ಬಂಬೂಗೇಟ್ ಸಮೀಪದ ನಿವಾಸಿ, ಬಡ ಕುಟುಂಬದ ಪದ್ಮಾವತಿ ಮಾದಿಗ ಅವರು ಸಿವಿಲ್ ನ್ಯಾಯಾಧೀಶ ಹುದ್ದೆಗೆ ಆಯ್ಕೆಯಾಗಿದ್ದಾರೆ. ಪದ್ಮಾವತಿ ಅವರ ಕುಟುಂಬವು ಬದುಕಿಗೆ ಚಮ್ಮಾರಿಕೆ ವೃತ್ತಿಯನ್ನು ಅವಲಂಬಿಸಿದೆ.</p>.<p>ಬಂಬೂಗೇಟ್ ಸಮೀಪ ಚಿಕ್ಕ ಮನೆಯಲ್ಲಿ ವಾಸವಿರುವ ಈ ಕುಟುಂಬಕ್ಕೆ ತಂದೆ ನಾಗಪ್ಪ ಚಮ್ಮಾರಿಕೆ ವೃತ್ತಿಯಿಂದ ಗಳಿಸುವ ಆದಾಯ ನಿರ್ವಹಣೆಗೆ ಆಸರೆಯಾಗಿತ್ತು. ಐದು ವರ್ಷಗಳ ಹಿಂದೆ ಅನಾರೋಗ್ಯ ದಿಂದ ನಾಗಪ್ಪ ಮೃತಪಟ್ಟ ಬಳಿಕ ಕುಟುಂಬದ ಆರ್ಥಿಕ ಪರಿಸ್ಥಿತಿ ಬಿಗಡಾಯಿಸಿತು. ಇಂತಹ ಕಷ್ಟದಲ್ಲೂ ಪದ್ಮಾವತಿ ಓದಿ ಸಾಧನೆ ಮಾಡಿದ್ದಾರೆ.</p>.<p>ಕನ್ನಡ ಮಾಧ್ಯಮದಲ್ಲಿ ವ್ಯಾಸಂಗ ಮಾಡಿರುವ ಪದ್ಮಾವತಿ ಅವರು ಬಂಗೂರುನಗರ ಪದವಿ ಕಾಲೇಜಿನಲ್ಲಿ ಬಿ.ಕಾಂ ಪದವಿ ಮುಗಿಸಿ, ಬೈಲಹೊಂಗಲದಲ್ಲಿ ಕಾನೂನು ಪದವಿಯನ್ನು ಪಡೆದಿದ್ದರು. ಸದ್ಯ ಹಳಿಯಾಳದಲ್ಲಿ ವಕೀಲರಾಗಿದ್ದರು.</p>.<p>‘ಸಣ್ಣ ಪುಟ್ಟ ಕೆಲಸ ಮಾಡುತ್ತಲೇ ಕಾನೂನು ಪದವಿಯನ್ನು ಪೂರೈಸಿದೆ. ಕಾನೂನು ಓದಿಗೆ ಆರ್ಥಿಕ ಕಷ್ಟವಿದ್ದರೂ, ನನ್ನ ಸಹೋದರರು ಚಮ್ಮಾರಿಕೆ ವೃತ್ತಿಯಿಂದ ಗಳಿಸಿದ ಹಣದಿಂದ ಕುಟುಂಬ ನಿರ್ವಹಣೆಯ ಜೊತೆಗೆ ನನ್ನ ಓದಿಗೂ ನೆರವಾದರು’ ಎಂದು ಪದ್ಮಾವತಿ ಮಾದಿಗ ಹೇಳಿದರು.</p>.<p>‘ನ್ಯಾಯಾಧೀಶ ಹುದ್ದೆಯ ಪರೀಕ್ಷೆಯ ಓದಿನಲ್ಲಿ ಅಖಿಲ ಭಾರತ ವಕೀಲರ ಒಕ್ಕೂಟ (ಎಐಎಲ್ಯು) ನಡೆಸಿದ ಆನ್ಲೈನ್ ತರಬೇತಿ ಪ್ರಯೋಜನವಾಯಿತು. ಕೀಳರಿಮೆಯಿಂದ ಹೊರಬಂದು ಸಮಾಜ ಗುರುತಿಸುವಂತಹ ಸಾಧನೆಯನ್ನು ಮಾಡಬೇಕು ಎನ್ನುವ ತುಡಿತ ಈ ಸಾಧನೆಗೆ ಪ್ರೇರಣೆಯಾಯಿತು’ ಎಂದರು.</p>.<p>‘ಮನೆಯ ಆರ್ಥಿಕ ಪರಿಸ್ಥಿತಿಯನ್ನು ಸುಧಾರಿಸಲು, ನ್ಯಾಯಾಧೀಶೆ ಆಗುವ ಕನಸನ್ನು ಹಂಚಿಕೊಂಡಿದ್ದರು. ಪರೀಕ್ಷೆಗೆ ಬೇಕಾದ ಸಹಾಯ ಮಾಡಿದ್ದೇನೆ. ಪರೀಕ್ಷೆಗಾಗಿ ತುಂಬಾ ಶ್ರಮ ಪಟ್ಟಿದ್ದಾರೆ’ ಎಂದು ವಕೀಲೆ ರತ್ನದೀಪ ಎನ್.ಎಂ ಹೇಳಿದರು.</p>.<div><blockquote>ತಳ ಸಮುದಾಯದ ಸಮಸ್ಯೆ ಮತ್ತು ಸವಾಲುಗಳ ಬಗ್ಗೆ ಬೆಳಕು ಚೆಲ್ಲುವ ಗುರಿಯಿದೆ. ಸಮಾಜದ ಶ್ರೇಯೋಭಿವೃದ್ಧಿಗಾಗಿ ಕೆಲಸ ಮಾಡುವೆ </blockquote><span class="attribution">ಪದ್ಮಾವತಿ ಮಾದಿಗ ಸಿವಿಲ್ ನ್ಯಾಯಾಧೀಶೆ</span></div>