ಕೂಡ್ಲಿಗಿ: ಸಿಲಿಂಡರ್ ಸ್ಫೋಟ, ಇಬ್ಬರು ಯುವಕರ ಸಾವು

ಶಿವಪ್ಪ(28) ಹಾಗೂ ಶ್ರೀಕಾಂತ್(23) ಮೃತರು.

ಸಂಕ್ಲಾಪುರ ಗ್ರಾಮದ ಹೊರಗಡೆ ನಿಂಗನಹಳ್ಳಿ ಮೊಂಡ ಬೋರಯ್ಯ ಎಂಬುವವರ ಎಗ್ ರೈಸ್ ಅಂಗಡಿಯಲ್ಲಿ ಮೊದಲು ಶಾರ್ಟ್ ಸರ್ಕ್ಯೂಟ್‌ನಿಂದ ಬೆಂಕಿ ಹೊತ್ತಿಕೊಂಡಿದೆ. ಬೆಂಕಿ ನಂದಿಸುವ ಕೆಲಸದಲ್ಲಿ ಗ್ರಾಮಸ್ಥರು ತೊಡಗಿದ್ದಾಗ ಸಿಲಿಂಡರ್ ಸ್ಫೋಟವಾಗಿದೆ. ಸ್ಥಳದಲ್ಲಿದ್ದ ಶಿವಪ್ಪ, ಶ್ರೀಕಾಂತ್ ಅವರಿಗೆ ಗಂಭೀರ ಸ್ವರೂಪದ ಗಾಯಗಳಾಗಿ ಮೃತಪಟ್ಟಿದ್ದಾರೆ.

ಸಿಪಿಐ ವಸಂತ ಅಸೋದೆ, ಗುಡೇಕೋಟೆ ಠಾಣೆಯ ಪಿಎಸ್‍ಐ ಶಾಂತಕುಮಾರ್ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.