ಜಪಾನಿಸ್ ರೆಡ್ ಡೈಮಂಡ್ ಪೇರು ಬೆಳೆದು ಲಾಭ ಕಂಡ ತಿಕೋಟಾ ರೈತ

ತಿಕೋಟಾ : ದ್ರಾಕ್ಷಿ, ದಾಳಿಂಬೆ ಬೆಳೆಯುವ ಗರಸು ನೆಲ ಹಾಗೂ ಮಡ್ಡಿ ಜಮೀನಿನಲ್ಲಿ ‘ಜಪಾನಿಸ್ ರೆಡ್ ಡೈಮಂಡ್’ ಎಂಬ ವಿಶೇಷ ತಳಿಯ ಪೇರು ಬೆಳೆಯುವಲ್ಲಿ ತಾಲ್ಲೂಕಿನ ಬಾಬಾನಗರ ಗ್ರಾಮದ ಬಾಹುಬಲಿ ಭೀಮನಗೌಡ ಆಯತವಾಡ ರೈತನ ಯಶಸ್ವಿಯಾಗಿದ್ದಾರೆ.

. ಆಯತವಾಡ ತಮ್ಮ 14 ಎಕರೆ ಜಮೀನಿನಲ್ಲಿ ದ್ರಾಕ್ಷಿ, ದಾಳಿಂಬೆ ಹಾಗೂ ಇತರೆ ಬೆಳೆಗಳ ಜೊತೆ ಒಂದೂವರೆ ಎಕರೆ ಜಮೀನಿನಲ್ಲಿ ಗುಜರಾತ್ನಿಂದ ವಿಶೇಷ ತಳಿಯ ಪೇರು ಸಸಿಗಳನ್ನು ತಂದಿದ್ದಾರೆ. ಒಂದು ಸಸಿಗೆ ₹130 ರಂತೆ ಖರೀದಿಸಿ ಸಾಗಾಣಿಕೆ ವೆಚ್ಚ ಸೇರಿ ₹150 ಖರ್ಚು ಮಾಡಿ, ಒಟ್ಟು ಒಂದು ಸಾವಿರ ಸಸಿಯನ್ನು ಖರೀದಿಸಿದ್ದಾರೆ.

. ₹1.5 ಲಕ್ಷ ಸಸಿಗಳಿಗೆ ಹಾಗೂ ₹50 ಸಾವಿರ ಹನಿ ನೀರಾವರಿ ಹಾಗೂ ಕೂಲಿಕಾರರ ವೆಚ್ಚ ಸೇರಿ ಒಟ್ಟು ₹2 ಲಕ್ಷ ಖರ್ಚು ಮಾಡಿ, ಸಸಿ ನಾಟಿ ಮಾಡಿದ್ದಾರೆ. ಗಿಡದಿಂದ ಗಿಡಕ್ಕೆ 6 ಅಡಿ, ಸಾಲಿನಿಂದ ಸಾಲಿಗೆ 10 ಅಡಿ ನಾಟಿ ಮಾಡಿ ಹನಿ ನೀರಾವರಿ ಅಳವಡಿಸಿ, 6 ಅಡಿಯ ದ್ರಾಕ್ಷಿಯ ಕಲ್ಲು ಹಾಗೂ ತಂತಿ ಕಟ್ಟಿದ್ದಾರೆ.

. ಸಸಿ ನೆಟ್ಟು 8 ತಿಂಗಳಿಗೆ ಹೂವು, ಮಿಡಿ ಬರಪೂರ ಬಂದಿದೆ. ಸದ್ಯ 14 ತಿಂಗಳಿಗೆ ಅಂದರೆ ಹೂವು ಹಿಡಿದು 6 ತಿಂಗಳಿಗೆ 12 ಟನ್ ಪೇರು ಬೆಳೆದಿದೆ. ಪ್ರತಿ ಕಾಯಿಗೂ ಸುರಕ್ಷಾ ಕವರ್ ಅಳವಡಿಸಿದ್ದಾರೆ. ಇದರಿಂದ ಕಾಯಿಗೆ ಯಾವುದೇ ಹುಳುವಿನ ಹಾನಿಯಾಗದೇ ರುಚಿಕರವಾದ, ಮೃದುವಾದ ಫಲ ಬಂದಿದೆ. ದೇಶದ ರಾಜಧಾನಿ ದೆಹಲಿ ಮಾರುಕಟ್ಟೆಗೆ ಪೇರು ರವಾನೆ ಮಾಡಿದ್ದಾರೆ.

. ‘ಕೆ.ಜಿಗೆ ₹95 ರಿಂದ ₹150ರ ವರೆಗೆ ದರ ದೊರೆತು ಖರ್ಚು ವೆಚ್ಚ ತೆಗೆದು ₹10 ಲಕ್ಷ ಆದಾಯ ಮೊದಲ ವರ್ಷದ ಮೊದಲ ಬೆಳೆಯಿಂದಲೇ ಕೈ ಸೇರಿದೆ. ಆರು ತಿಂಗಳ ನಂತರ ಎರಡನೇ ಕೊಯ್ಲು ಬರಲಿದ್ದು, ₹20 ಲಕ್ಷಕ್ಕೂ ಅಧಿಕ ಆದಾಯ ಬರುವ ನೀರಿಕ್ಷೆ ಇದೆ’ ಎಂದು ರೈತ ಬಾಹುಬಲಿ ‘ಪ್ರಜಾವಾಣಿ’ಗೆ ತಿಳಿಸಿದರು.

. ನೀರಾವರಿ ಸಮೃದ್ಧಿ: ಎರಡು ಕೊಳವೆಬಾವಿ, ಒಂದು ಕೃಷಿ ಹೊಂಡ ಇದ್ದು, ಸಚಿವ ಎಂ.ಬಿ.ಪಾಟೀಲರು ಮಾಡಿದ ನೀರಾವರಿ ಯೋಜನೆಯಿಂದ ಈ ಭಾಗದಲ್ಲಿ ಅಂತರ್ಜಲಮಟ್ಟ ಹೆಚ್ಚಾಗಿದ್ದರಿಂದ ಕೊಳವೆಬಾವಿಗಳಿಂದ ಬರಪೂರ ನೀರು ಬರುತ್ತಿವೆ ಎನ್ನುತ್ತಾರೆ ರೈತ ಬಾಹುಬಲಿ.

. ಆರೋಗ್ಯಕ್ಕೆ ಹಿತ: ಈ ಜಪಾನಿಸ್ ರೆಡ್ ಡೈಮಂಡ್ ಪೇರು ಸೇವನೆಯಿಂದ ಆರೋಗ್ಯಕ್ಕೆ ಒಳ್ಳೆಯದು, ಮಧುಮೇಹ ಇರುವವರಿಗೆ ಹಾಗೂ ಜೀರ್ಣಕ್ರಿಯೆಗೆ ಈ ಹಣ್ಣು ಸಹಕಾರಿಯಾಗಲಿದೆ. ವಿಟಿಮಿನ್ ‘ಸಿ’ ಪೋಷಕಾಂಶ ದೊರೆತು ರೋಗ ನಿರೋಧಕ ಶಕ್ತಿ ಹೆಚ್ಚಿಸುವುದು ಎನ್ನಲಾಗುತ್ತಿದೆ.

–––

ದ್ರಾಕ್ಷಿ ಬೆಳೆಗೆ ಖರ್ಚು ವೆಚ್ಚ ಜಾಸ್ತಿ ಆದಾಯ ಕಡಿಮೆ. ಈ ಪೇರು ಬೆಳೆಗೆ ಖರ್ಚು ಕಡಿಮೆ ಆದಾಯ ಜಾಸ್ತಿ. ವರ್ಷದಲ್ಲಿ ಎರಡು ಬೆಳೆ ಬೆಳೆದು ಕಡಿಮೆ ಅವಧಿಯಲ್ಲಿ ಲಕ್ಷಾಂತರ ಆದಾಯ ಪಡೆಯಬಹುದು

–ಬಾಹುಬಲಿ ಭೀಮನಗೌಡ ಆಯತವಾಡ ಪೇರು ಬೆಳೆ ರೈತ ಬಾಬಾನಗರ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಜಪಾನಿಸ್ ರೆಡ್ ಡೈಮಂಡ್ ಪೇರು ಬೆಳೆದು ಲಾಭ ಕಂಡ ತಿಕೋಟಾ ರೈತ

ಚಿನಕುರುಳಿ: ಗುರುವಾರ, 12 ಫೆಬ್ರುವರಿ 2026

ಗುಂಡಣ್ಣ: ಗುರುವಾರ, 12 ಫೆಬ್ರುವರಿ 2026

ಪೈಲಟ್‌ ಇಂಧನ ಬಂದ್‌ ಮಾಡಿದ್ದೇ AI-171 ವಿಮಾನ ಪತನಕ್ಕೆ ಕಾರಣ: ಕೊರಿಯರ್ ವರದಿ

ಸಚಿನ್ ತೆಂಡೂಲ್ಕರ್ ಸೊಸೆಯಾಗುತ್ತಿರುವ ಸಾನಿಯಾ ಚಂದೋಕ್ ಹಿನ್ನೆಲೆಯೇನು?

ನಿಮ್ಮ ಮೊಕದ್ದಮೆಯ ಭಾಷಾಂತರಕ್ಕೆ ₹ 10 ಲಕ್ಷ ಪಾವತಿಸಿ: ಧೋನಿಗೆ ಕೋರ್ಟ್ ಸೂಚನೆ

ಹುಬ್ಬಳ್ಳಿ: ಕ್ರೀಡಾ ಸಂಕೀರ್ಣ ಉದ್ಘಾಟನೆಗೆ ಸಿದ್ಧ; 22 ಕ್ರೀಡೆಗಳಿಗೆ ಅಂಕಣ

ಪ್ರೊ ಲೀಗ್ ಹಾಕಿ: ಭಾರತ ವಿರುದ್ಧ ಅರ್ಜೆಂಟೀನಾಕ್ಕೆ ದಾಖಲೆ ಜಯ

T20 World Cup: ಆಸ್ಟ್ರೇಲಿಯಾಕ್ಕೆ ಮಾರ್ಷ್‌ ಫಿಟ್ನೆಸ್‌ ಚಿಂತೆ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಒಳನೋಟ | ಕುಸಿದ ಬೆಲೆ: ರಬ್ಬರ್‌ ಉಳಿಯುವುದೇ?

ಒಳನೋಟ: ಪ್ರತಿಜೀವಕಗಳೇ ಜೀವಕ್ಕೆ ಕುತ್ತು?

ಚಿನಕುರುಳಿ: ಗುರುವಾರ, 12 ಫೆಬ್ರುವರಿ 2026

ಗುಂಡಣ್ಣ: ಗುರುವಾರ, 12 ಫೆಬ್ರುವರಿ 2026

ಪೈಲಟ್‌ ಇಂಧನ ಬಂದ್‌ ಮಾಡಿದ್ದೇ AI-171 ವಿಮಾನ ಪತನಕ್ಕೆ ಕಾರಣ: ಕೊರಿಯರ್ ವರದಿ

ಸಚಿನ್ ತೆಂಡೂಲ್ಕರ್ ಸೊಸೆಯಾಗುತ್ತಿರುವ ಸಾನಿಯಾ ಚಂದೋಕ್ ಹಿನ್ನೆಲೆಯೇನು?