ವಿಚ್ಛೇದನಕ್ಕೆ ಮೆಸೇಜ್‌ ಮಾಡಲೇಬೇಕು!

7
ಹೊಸ ಕಾನೂನು ಜಾರಿಗೊಳಿಸಿದ ಸೌದಿ ಅರೇಬಿಯಾ ಸರ್ಕಾರ

ವಿಚ್ಛೇದನಕ್ಕೆ ಮೆಸೇಜ್‌ ಮಾಡಲೇಬೇಕು!

Published:
Updated:

ಲಂಡನ್‌: ಸೌದಿ ಅರೇಬಿಯಾದಲ್ಲಿ ಪತ್ನಿಗೆ ವಿಚ್ಛೇದನ ನೀಡಬೇಕೆಂದರೆ ಪುರುಷರು ಲಿಖಿತ ಸಂದೇಶದ (ಟೆಕ್ಸ್ಟ್‌ ಮೆಸೇಜ್‌) ಮೂಲಕ ಮಾಹಿತಿ ನೀಡಬೇಕು ಎಂದು ಸರ್ಕಾರ ಹೊಸ ಕಾನೂನು ರೂಪಿಸಿದೆ. 

ಸೌದಿ ಮಹಿಳೆಯರಿಗೆ ತಮ್ಮ ವಿವಾಹ ಸಂಬಂಧ ಕೊನೆಗೊಂಡಿದ್ದರ ಬಗ್ಗೆ ಈ ಮೊದಲು ಮಾಹಿತಿಯೂ ಇರುತ್ತಿರಲಿಲ್ಲ!

‘ಭಾನುವಾರದಿಂದಲೇ (ಡಿ.6)  ನೂತನ ಕಾನೂನು ಜಾರಿಗೆ ಬಂದಿದೆ. ಮಹಿಳೆಯರು ತಮ್ಮ ವಿವಾಹ ಸಂಬಂಧ ಸ್ಥಿತಿಗತಿ ಬಗ್ಗೆ ತಿಳಿದುಕೊಂಡಿರಬೇಕು ಮತ್ತು ಜೀವನಾಂಶ ಪಡೆಯುವ ಅವರ ಹಕ್ಕನ್ನು ರಕ್ಷಿಸಬೇಕು ಎಂಬ ಉದ್ದೇಶದಿಂದ ಈ ಕಾನೂನು ಜಾರಿಗೆ ತರಲಾಗಿದೆ’ ಎಂದು ಸರ್ಕಾರ ಹೇಳಿದೆ.

ಸಾಂಪ್ರದಾಯಿಕ ದೇಶದಲ್ಲಿ ಮಹಿಳಾ ಹಕ್ಕುಗಳನ್ನು ರಕ್ಷಿಸುವ ಕುರಿತು ಯುವರಾಜ ಮೊಹಮ್ಮದ್‌ ಬಿನ್‌ ಸಲ್ಮಾನ್‌ ಮಾತನಾಡಿದ್ದರು. ಅಲ್ಲದೆ, ಇತ್ತೀಚೆಗೆ, ಮಹಿಳೆಯರು ವಾಹನ ಓಡಿಸುವುದಕ್ಕೆ ಇದ್ದ ನಿರ್ಬಂಧವನ್ನು ಅವರು ತೆಗೆದು ಹಾಕಿದ್ದರು.

ತಮ್ಮ ವೈವಾಹಿಕ ಸ್ಥಿತಿಗತಿ ಬಗ್ಗೆ ತಿಳಿದುಕೊಳ್ಳಲು ಸಚಿವಾಲಯದ ವೆಬ್‌ಸೈಟ್‌ಗೆ ಭೇಟಿ ನೀಡಬಹುದು ಅಥವಾ ಸಂಬಂಧಿತ ನ್ಯಾಯಾಲಯಕ್ಕೆ ತೆರಳಿ ವಿವಾಹ ವಿಚ್ಛೇದನಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ಪಡೆದುಕೊಳ್ಳಬಹುದು ಎಂದು ಸೌದಿ ಕಾನೂನು ಸಚಿವಾಲಯ ಹೇಳಿದೆ.

‘ಬಹುತೇಕ ಅರಬ್‌ ದೇಶಗಳಲ್ಲಿ ಪುರುಷರು ತಮ್ಮ ಪತ್ನಿಗೆ ಯಾವುದೇ ಮಾಹಿತಿ ನೀಡದೇ ವಿಚ್ಛೇದನ ನೀಡುತ್ತಾರೆ’ ಎಂದು ಗ್ಲೋಬಲ್‌ ರೈಟ್ಸ್‌ ಗ್ರೂಪ್‌ನ ಸಾವುದ್‌ ಅಬು ದಯ್ಯೆಹ್‌ ಹೇಳುತ್ತಾರೆ.

‘ತಾವು ವಿಚ್ಛೇದನ ಪಡೆದಿರುವ ಬಗ್ಗೆ ಮಹಿಳೆಯರಿಗೆ ಕನಿಷ್ಠ ಮಾಹಿತಿಯಾದರೂ ಇರಬೇಕು. ಈ ನಿಟ್ಟಿನಲ್ಲಿ ಸರ್ಕಾರ ಇದೊಂದು ಸಣ್ಣ ಹೆಜ್ಜೆ ಇಟ್ಟಿದೆ. ಆದರೆ, ಅದು ಸರಿಯಾದ ದಿಕ್ಕಿನಲ್ಲಿದೆ’ ಎಂದು ಅವರು ಹೇಳಿದ್ದಾರೆ.

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !