ಸ್ಟೂಡೆಂಟ್ ಆಫ್ ದಿ ಇಯರ್ ಭಾಗ–2ರಲ್ಲಿ ಆಲಿಯಾ ಜತೆಗೆ ಟೈಗರ್ ಶ್ರಾಫ್, ಅನನ್ಯಾ ಪಾಂಡೆ, ತಾರಾ ಸುತಾರಿಯಾ ನಟಿಸುತ್ತಿದ್ದಾರೆ. ಈಚೆಗಷ್ಟೇ ಈ ಚಿತ್ರದ ಎರಡು ಹಾಡುಗಳು ಬಿಡುಗಡೆಯಾಗಿದ್ದವು. ಇದೀಗ ಚಿತ್ರದ ಮೂರನೇ ಹಾಡು ’ಹುಕ್ ಅಪ್’ ಬಿಡುಗಡೆಯಾಗಿದ್ದು, ಇದರಲ್ಲಿ ಆಲಿಯಾ ಮಾದಕವಾಗಿ ಕಾಣಿಸಿಕೊಂಡಿದ್ದಾರಂತೆ. ಮುಗ್ಧತೆಯಿಂದ ಸೆಕ್ಸಿ ಲುಕ್‌ವರೆಗೆ ಆಲಿಯಾ ಶಿಫ್ಟ್ ಆಗುವ ರೀತಿ ಬೆರಗುಗೊಳಿಸುವಂಥದ್ದು. ಈ ಹಾಡು ಅದ್ಭುತವಾಗಿ ಮೂಡಿಬಂದಿದೆ. ಇದಕ್ಕಾಗಿ ಆಲಿಯಾಗೆ ಬರೀ ಕೃತಜ್ಞತೆ ಹೇಳಿದರಷ್ಟೇ ಸಾಲದು ಎಂದು ನಿರ್ದೇಶಕ ಪುನೀತ್ ಅಭಿಪ್ರಾಯಪಟ್ಟಿದ್ದಾರೆ.
