‘ಬಿಗ್ ಬಿ’ ನಿವೃತ್ತಿ?
ಅಕ್ಷರ ಗಾತ್ರ :ಆ |ಆ |ಆ
ಸಮಕಾಲೀನ ನಟರೆಲ್ಲ ಮೂಲೆ ಸೇರಿರುವಾಗ ಬಾಲಿವುಡ್‌ನಲ್ಲಿ ಇನ್ನೂ ಬ್ಯುಸಿಯಾಗಿರುವ ಏಕೈಕ ನಟ ಅಮಿತಾಭ್ ಬಚ್ಚನ್. 77ರ ಈ ಇಳಿ ವಯಸ್ಸಿನಲ್ಲೂ ಅಭಿಮಾನಿಗಳ ಮನರಂಜಿಸುತ್ತಿದ್ದಾರೆ. ಮುಂಬೈನ ಜುಹೂ ಬೀಚ್‌ನಲ್ಲಿರುವ ‘ಪ್ರತೀಕ್ಷಾ’ದಿಂದ (ಅಮಿತಾಬ್ ಮನೆ) ಅಭಿಮಾನಿಗಳಿಗೆ ಬೇಸರದ ಸುದ್ದಿಯೊಂದು ಹೊರ ಬಿದ್ದಿದೆ. ಈ ಕಹಿ ಸುದ್ದಿಯನ್ನು ನೀಡಿದ್ದು ಸ್ವತಃ ‘ಬಿಗ್ ಬಿ’!
ಹಿಂದಿ ಚಿತ್ರರಂಗದಲ್ಲಿ 50 ವಸಂತ ಪೂರೈಸಿರುವ ಮೆಗಾಸ್ಟಾರ್‌ ಅಮಿತಾಭ್ ಬಚ್ಚನ್ ಅವರ ಆರೋಗ್ಯದ ದೃಷ್ಟಿಯಿಂದ ಚಿತ್ರಗಳಲ್ಲಿ ನಟಿಸದಂತೆ ವೈದ್ಯರು ಸಲಹೆ ನೀಡಿದ್ದಾರೆ. ಈ ವಿಷಯವನ್ನು ಸ್ವತಃ ಅವರೇ ಹಂಚಿಕೊಂಡಿದ್ದಾರೆ. ಮನೆಯಲ್ಲಿ ವೈದ್ಯರೊಂದಿಗೆ ಸಮಾಲೋಚನೆ ನಡೆಸುತ್ತಿರುವ ಚಿತ್ರಗಳನ್ನು ಬ್ಲಾಗ್‌ನಲ್ಲಿ ಹಂಚಿಕೊಂಡಿರುವ ಅವರು, ‘ನನಗೂ ವಯಸ್ಸಾಯ್ತಲ್ಲ...’ ಎಂದು ಬರೆದಿದ್ದಾರೆ.
‘ವಯಸ್ಸು ಮತ್ತು ಆರೋಗ್ಯವನ್ನು ಗಮನದಲ್ಲಿಟ್ಟುಕೊಂಡು ಕೆಲಸದ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳುವಂತೆ ವೈದ್ಯರು ಸಲಹೆ ನೀಡಿದ್ದಾರೆ. ಇಲ್ಲದಿದ್ದರೆ...’ ಅವರು ಬರೆದುಕೊಂಡಿದ್ದಾರೆ. ಕಿರುತೆರೆಯಲ್ಲಿ ‘ಕೌನ್‌ ಬನೇಗಾ ಕರೋಡ್‌ಪತಿ’ ಕಾರ್ಯಕ್ರಮದ ಜತೆಗೆ ಐದಾರು ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ.
ಇದನ್ನೂ ಓದಿ: ಅಮಿತಾಬ್ ಬಚ್ಚನ್‌ಗೆ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
