ಪುತ್ರನ ಜೊತೆಗೆ ದರ್ಶನ್‌ ಕುದುರೆ ಸವಾರಿ

ದರ್ಶನ್‌ ಮಗನೊಟ್ಟಿಗೆ ಈಗ ಮೈಸೂರು ಸಮೀಪದ ತಮ್ಮ ‘ತೂಗುದೀಪ ಫಾರ್ಮ್‌ಹೌಸ್‌’ನಲ್ಲಿ ಹೊಸ ವರ್ಷದ ಸಂಭ್ರಮದಲ್ಲಿ ಮುಳುಗಿದ್ದಾರೆ. ದರ್ಶನ್‌ ಅವರು ‍ಪುತ್ರನೊಟ್ಟಿಗೆ ಅಲ್ಲಿ ಏನು ಮಾಡುತ್ತಿದ್ದಾರೆ ಎಂಬ ಕುತೂಹಲಕ್ಕೆ ಅವರೇ ಟ್ವಿಟರ್‌ನಲ್ಲಿ ವಿಡಿಯೊವೊಂದನ್ನು ಹರಿಬಿಟ್ಟಿದ್ದಾರೆ. ತನ್ನ ಮಗನಿಗೆ ಅವರು ಕುದುರೆ ಸವಾರಿಯ ಪಟ್ಟುಗಳನ್ನು ಹೇಳಿಕೊಡುತ್ತಿದ್ದು, ಈ ವಿಡಿಯೊ ವೈರಲ್‌ ಆಗಿದೆ.

ದರ್ಶನ್‌ ಪ್ರಾಣಿಪ್ರಿಯರು ಹೌದು. ಅವರ ಫಾರ್ಮ್‌ಹೌಸ್‌ನಲ್ಲಿ ಕುದುರೆ ಸೇರಿದಂತೆ ಹಲವು ಪ್ರಾಣಿ, ಪಕ್ಷಿಗಳನ್ನು ಸಾಕಿದ್ದಾರೆ. ಫಾರ್ಮ್‌ಹೌಸ್‌ಗೆ ಭೇಟಿ ನೀಡಿದಾಗಲೆಲ್ಲಾ ಕುದುರೆ ಸವಾರಿ ಮಾಡುವುದು ಅವರ ಹವ್ಯಾಸ. ಮಗನಿಗೆ ದರ್ಶನ್‌ ಅವರು ಕುದುರೆ ಸವಾರಿಯನ್ನು ಹೇಳಿಕೊಡುತ್ತಿರುವುದಕ್ಕೆ ಅವರ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.