ದೇವರು ಬೇಕಾಗಿದ್ದಾರೆ...

ಮನುಷ್ಯ ಮೂಲತಃ ಕಾಡಿನಿಂದ ನಾಡಿಗೆ ಬಂದ ಪ್ರಾಣಿ. ಆದರೆ, ಬರುವಾಗ ಮನುಷ್ಯತ್ವವನ್ನು ಮಾತ್ರ ಕಾಡಿನಲ್ಲೇ ಬಿಟ್ಟುಬಂದಿದ್ದಾನೆ. ಎಲ್ಲರಿಗೂ ದೇವರಮನೆ ಗೊತ್ತು; ಆದರೆ, ದೇವರು ಎಲ್ಲಿದ್ದಾನೆ ಎನ್ನುವುದು ಯಾರಿಗೂ ಗೊತ್ತಿಲ್ಲ... ಇಂತಹ ಅರ್ಥಪೂರ್ಣ ಸಂಭಾಷಣೆಗಳಿರುವ ‘ದೇವರು ಬೇಕಾಗಿದ್ದಾರೆ’ ಸಿನಿಮಾದ ಟ್ರೇಲರ್ ಪ್ರೇಕ್ಷಕರ ಗಮನ ಸೆಳೆಯುವಂತಿದೆ.

. ಚಿತ್ರೀಕರಣ ಮುಗಿಸಿ ಬಿಡುಗಡೆಗೆ ಸಜ್ಜಾಗಿರುವ ಈ ಚಿತ್ರದ ಟ್ರೇಲರ್ ಅನ್ನು ನಿರ್ದೇಶಕ ಸತ್ಯಪ್ರಕಾಶ್ ಮತ್ತು ನಟ ಮಾಸ್ತಿ ಬಿಡುಗಡೆ ಮಾಡಿದರು.

. ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಹಿರಿಯ ನಟ ಶಿವರಾಂ ‘ನನಗೇನು ದೇವರು ಬೇಕಾಗಿಲ್ಲ. ಆದರೆ, ಯಾರಿಗೆ ದೇವರು ಬೇಕೋ ಅವರೊಟ್ಟಿಗೆ ನಾನು ಸೇರಿಕೊಂಡಿದ್ದೇನೆ. ಕನ್ನಡದಲ್ಲಿ ದೊಡ್ಡ ದೊಡ್ಡ ನಟರೆನಿಸಿಕೊಂಡವರ ಜತೆಗೆ ನಟಿಸುವ ಯೋಗ್ಯತೆ ಕಳೆದುಕೊಂಡಿದ್ದೇನೆ’ ಎಂದು ಬೇಸರದಲ್ಲೇ ಮಾತು ಆರಂಭಿಸಿದರು.

. ‘ಸೃಜಶೀಲತೆಗೆ ಅರ್ಥಬರುವಂತೆ ನಡೆದುಕೊಳ್ಳುವವರ ಜತೆಗೆ ಸಿನಿಮಾ ಮಾಡುತ್ತಿದ್ದೇನೆ. ಸೃಜನಶೀಲನಿರ್ದೇಶಕರಿಂದ ಸಿನಿಮಾ ರಂಗ ಮುನ್ನಡೆಯಬೇಕು. ಆ ಬಗ್ಗೆ ನನಗೆ ಕಾಳಜಿ ಇದೆ. ಹಾಗಾಗಿ ನನ್ನ ನಟನೆಗೆ ಬೆಲೆ ನಿಗದಿಪಡಿಸಿಕೊಳ್ಳದೆ, ಸೃಜನಶೀಲರ ಜತೆ ಕೆಲಸ ಮಾಡುತ್ತಿದ್ದೇನೆ. ಬಾಲ ನಟ ಅನೂಪ್ ಜತೆಗೆ ತುಂಬಾ ಹೆಮ್ಮೆಯಿಂದ ನಟಿಸಿದ್ದೇನೆ. ಆ ಬಾಲಕನಿಂದಲೂ ಸಾಕಷ್ಟು ಕಲಿತೆ’ ಎಂದರು.

. ‘ಕನ್ನಡ ಚಿತ್ರರಂಗ ಇಂದಿಗೂ ಸ್ವಾವಲಂಬಿಯಾಗಿಲ್ಲ. ಪರವಾಲಂಬಿಯಾಗಿಯೇ ಮುನ್ನಡೆಯುತ್ತಿದೆ.ಸ್ವಾವಲಂಬಿಯಾಗಿಸುವಕಿಚ್ಚು, ನಿರ್ದೇಶಕರು ಮತ್ತು ನಿರ್ಮಾಪಕರಲ್ಲಿ ಬರಬೇಕು. ಆಗ ಮಾತ್ರ ಕನ್ನಡ ಚಿತ್ರರಂಗದಲ್ಲೂ ನಾವು ರಾಮೋಜಿ ಫಿಲ್ಮ್ ಸಿಟಿಯಂತಹ ಚಿತ್ರನಗರಿ ಕಾಣಬಹುದು’ ಎಂದರು.

. ಚಿತ್ರದ ಕೆಂಜಾ ಚೇತನ್ ಕುಮಾರ್, ನನ್ನ ಬಾಲ್ಯದಲ್ಲಿ ನಡೆದ ಒಂದು ಘಟನೆ ಈ ಚಿತ್ರದ ಕಥೆ ಹುಟ್ಟಲು ಪ್ರೇರಣೆಯಾಯಿತು. ಚಿತ್ರಕಥೆ ಬರೆಯುವ ಮುನ್ನವೇ ಪಾತ್ರಕ್ಕೆ ಹಿರಿಯ ನಟ ಶಿವರಾಂ ಅವರ ಹೆಸರು ಮನಸಿನಲ್ಲಿ ಮೂಡಿತ್ತು. ಐದಾರು ವರ್ಷದ ಬಾಲಕನ ಪಾತ್ರಕ್ಕೆ ಬಾಲನಟನಿಗೆ ಶೋಧ ನಡೆಸುತ್ತಿದ್ದಾಗ, ಪುನೀತ್ ರಾಜ್ಕುಮಾರ್ ನಡೆಸಿಕೊಡುವ‘ಫ್ಯಾಮಿಲಿ ಫವರ್’ ಕಾರ್ಯಕ್ರಮದಲ್ಲಿ ಕಣ್ಣಿಗೆ ಬಿದ್ದವನು ಈ ಮಾಸ್ಟರ್ಅನೂಪ್. ಈತನ ಕಾಲ್ ಶೀಟ್ ಪಡೆಯಲು ಮೂರು ತಿಂಗಳು ಕಾಯಬೇಕಾಯಿತು ಎನ್ನುವ ಮಾಹಿತಿ ನೀಡಿದರು.

. ಸಂಗೀತ ನಿರ್ದೇಶನಕ್ಕೆ ಮುಂಗಡ ಅರ್ಧ ಹಣ ಪಡೆದಿದ್ದಸಂಗೀತ ನಿರ್ದೇಶಕ ವಂಚಿಸಿ, ಓಡಿ ಹೋದ. ನನಗಷ್ಟೇ ಅಲ್ಲ, ಆ ವ್ಯಕ್ತಿ ಇನ್ನೂ ಆರು ನಿರ್ದೇಶಕರಿಗೆ ಇದೇ ರೀತಿ ವಂಚಿಸಿದ್ದಾನೆ. ಆ ವ್ಯಕ್ತಿಯಸ್ಟುಡಿಯೋದಲ್ಲಿ ಪರಿಚಿತರಾದ ಜುವಿನ್ ಸಿಂಗ್ ಈ ಸಿನಿಮಾಕ್ಕೆ ಸಂಗೀತ ನಿರ್ದೇಶನಮಾಡಿದ್ದಾರೆ.ಐದು ಹಾಡುಗಳು ಸೊಗಸಾಗಿವೆ. ಸಿನಿಮಾಕ್ಕೆ 16 ಮಂದಿ ಬಂಡವಾಳ ಹೂಡಿದ್ದು, ಕ್ರೌಡ್ ಫಂಡಿಂಗ್ನಿಂದ ಸಿನಿಮಾ ಮಾಡಿದ್ದೇವೆ ಎಂದರು.

. ಈ ಸಿನಿಮಾ ಪ್ರೇಕ್ಷಕರ ಮನ ಕಲಕಲಿದೆ. ಚಿತ್ರಮಂದಿರಕ್ಕೆದೇವರ ರೂಪದಲ್ಲಿ ಬರುವ ಪ್ರೇಕ್ಷಕರು ನಮಗೆ ಬೇಕಾಗಿದ್ದಾರೆ ಎನ್ನುವ ಮಾತು ಸೇರಿಸಿದರು ಕಲಾವಿದರಾದ ಪ್ರಸಾದ್ ವಸಿಷ್ಠ, ಸತ್ಯನಾಥ್, ಶ್ರೀನಾಥ್, ಶಾರದಾ.

. ಛಾಯಾಗ್ರಹಣ ನೀಡಿರುವ ರುದ್ರಮುನಿ ಬೆಳಗೆರೆ, ನಿರ್ದೇಶಕ ಚೇತನ್ಕುಮಾರ್ ಪಾರ್ಕಿನಲ್ಲಿ ಕುಳಿತು ಸ್ಕ್ರಿಪ್ಟ್ ಹೇಳುತ್ತಿದ್ದಂತೆ ಕಣ್ಣಿನಲ್ಲಿ ನೀರಿಳಿಯಿತು. ದೊಡ್ಡ ಬಜೆಟ್ ಮತ್ತು ದೊಡ್ಡ ಕಲಾವಿದರ ಸಿನಿಮಾ ಮಾಡಲು ಕಾಯದೆ, ತಕ್ಷಣ ಈ ಸಿನಿಮಾ ಕೈಗೆತ್ತಿಕೊಳ್ಳುವಂತೆ ನಾನೇ ಒತ್ತಾಯಿಸಿದ್ದೆ ಎನ್ನುವ ಸಂಗತಿ ತೆರೆದಿಟ್ಟರು.

. ವಯಸ್ಸು ಎಂಟು; ಸಿನಿಮಾ ಆರು

. ಮಾಸ್ಟರ್ ಅನೂಪ್ ಪಿ.ಡಿ. ಯಾರಿಗೆ ಗೊತ್ತಿಲ್ಲ? ಕಿರುತೆರೆ ವಾಹಿನಿಗಳನ್ನು ನೋಡುವ ವೀಕ್ಷಕರಿಗಂತೂ ಈ ಬಾಲ ಕಲಾವಿದ ಚಿರಪರಿಚಿತ.ಈಗಷ್ಟೇ ಏಳು ವರ್ಷ ತುಂಬಿ ಎಂಟರ ಹರೆಯಕ್ಕೆ ಕಾಲಿಟ್ಟಿರುವ ಈ ಪೋರ, ಈವರೆಗೆ ಆರು ಸಿನಿಮಾಗಳಲ್ಲಿ ನಟಿಸಿದ್ದಾನೆ.

. ಡ್ರಾಮಾ ಜೂನಿಯರ್ ಮೂರನೇ ಆವೃತ್ತಿಯ ಗ್ರಾಂಡ್ ಫಿನಾಲೆಯವರೆಗೂ ಬಂದಿದ್ದ ಈ ಪೋರ, ತನ್ನ ನಟನೆ ಮತ್ತು ನೃತ್ಯದಿಂದ ಎಲ್ಲರ ಮನ ಸೆಳೆದಿದ್ದಾನೆ.ಡಾನ್ಸ್ ಕರ್ನಾಟಕ ಡಾನ್ಸ್ ಶೋನಲ್ಲೂ ಸ್ಪರ್ಧಿಯಾಗಿ ಭಾಗವಹಿಸಿದ್ದಾನೆ.

. ಈ ಪೋರ ಮತ್ತೀಕೆರೆಯ ಸೆಂಟ್ ಲೂರ್ಡ್ಸ್ ಅಕಾಡೆಮಿ ಐಸಿಎಸ್ಸಿ ಶಾಲೆಯಲ್ಲಿಮೂರನೇ ತರಗತಿ ವಿದ್ಯಾರ್ಥಿ.ಪುಟಾಣಿ ಸಫಾರಿ, ರಾಮಧಾನ್ಯ,ಅವತಾರ ಪುರುಷ, ರಾಜಣ್ಣನ ಮಗ, ದೇವರು ಬೇಕಾಗಿದ್ದಾರೆ ಹಾಗೂ ಇನ್ನೊಂದು ಹೆಸರಿಡದ ಸಿನಿಮಾದಲ್ಲಿ ಅಭಿನಯಿಸಿದ್ದಾನೆ.

. ತೆರೆಗೆ ಬರಲು ಸಜ್ಜಾಗಿರುವ ದೇವರು ಬೇಕಾಗಿದ್ದಾರೆ ಚಿತ್ರದಲ್ಲಿ ಅನೂಪ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾನೆ. ಹಿರಿಯ ನಟ ಶಿವರಾಂ ಮತ್ತು ಅನೂಪ್ ನಟನೆ ಪ್ರೇಕ್ಷಕರನ್ನು ಮೋಡಿ ಮಾಡಲಿದೆ. ಈ ಬಾಲ ಕಲಾವಿದನ ಸಹಜ ನಟನೆಗೆ ಪ್ರೇಕ್ಷಕರು ಖಂಡಿತಾ ತಲೆದೂಗಲಿದ್ದಾರೆ ಎನ್ನುವುದು ಚಿತ್ರತಂಡದ ವಿಶ್ವಾಸದ ನುಡಿ.

. ಅನೂಪ್ ತಂದೆ ಪ್ರಭು, ಮೂಲತಃಹಾವೇರಿ ಜಿಲ್ಲೆಯ ಬಾಳಹಳ್ಳಿಯವರು.ಗಜಮುಖ ಟ್ರಾವೆಲ್ಸ್ ಮಾಲೀಕರು. ತಾಯಿ ಪುನೀತಾ, ಶಿರಸಿಯವರು. ಅಣ್ಣ ಅಮೋಘ್ ಏಳನೇ ತರಗತಿ ಓದುತ್ತಿದ್ದಾನೆ. ‘ನಾವು ಬೆಂಗಳೂರಿನಲ್ಲೇ ನೆಲೆಸಿದ್ದೇವೆ. ನಮ್ಮೂರು ಈಗ ಬೆಂಗಳೂರೇ’ ಎಂದು ಅನೂಪ್ ಪಟಪಟನೆ ಮಾತನಾಡುತ್ತಾನೆ.

. ‘ಸಿನಿಮಾ, ಟಿ.ವಿ ಕಾರ್ಯಕ್ರಮಗಳಿಗಾಗಿ ತರಗತಿಗಳಿಗೆ ಚಕ್ಕರ್ ಹೊಡೆಯುವಂತಾಗಿದೆ. ನಮ್ಮ ಟೀಚರ್, ನನಗೆ ಶೂಟಿಂಗ್ಗೆ ಹೋಗಲು ಅನುಮತಿ ಕೊಡ್ತಾರೆ. ತರಗತಿ ತಪ್ಪಿಸಿದಾಗ, ಸ್ನೇಹಿತರಿಂದ ನೋಟ್ಸ್ ಪಡೆದು ಮನೆಯಲ್ಲಿಯೇ ಓದಿಕೊಳ್ಳುತ್ತೇನೆ’ ಎನ್ನುವ ಮಾತನ್ನು ಸೇರಿಸುತ್ತಾನೆ ಅನೂಪ್.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದೇವರು ಬೇಕಾಗಿದ್ದಾರೆ...

ಮುಸ್ಲಿಂ ಯುವತಿಯರನ್ನು ಮದುವೆಯಾಗುವ ಹಿಂದೂ ಯುವಕರಿಗೆ ₹5 ಲಕ್ಷ: ಯತ್ನಾಳ

ಬೆಳಗಾವಿ: ವಂದೇ ಭಾರತ್‌ ರೈಲಿಗೆ ಅದ್ದೂರಿ ಸ್ವಾಗತ

Karnataka Rains | ಅಥಣಿ: ಯಲ್ಲಮ್ಮ ದೇವಿ ದೇವಸ್ಥಾನ ಜಲಾವೃತ

ಚಿನಕುರುಳಿ Cartoon: 10 ಆಗಸ್ಟ್ 2025

ಮಹಾರಾಜ ಟ್ರೋಫಿ ಟ್ವೆಂಟಿ–20 ಕ್ರಿಕೆಟ್‌: ಚುಟುಕು ಕ್ರಿಕೆಟ್‌ ಹಬ್ಬಕ್ಕೆ ಸಜ್ಜು

ಮಹಿಳಾ T20 ಕ್ರಿಕೆಟ್: ಭಾರತಕ್ಕೆ ಸೋಲು; ಕ್ಲೀನ್‌ಸ್ವೀಪ್ ಸಾಧಿಸಿದ ಆಸ್ಟ್ರೇಲಿಯಾ

ವಿಶ್ವ ಅಥ್ಲೆಟಿಕ್ಸ್ ಕಾಂಟಿನೆಂಟಲ್ ಟೂರ್: ಕುಜೂರ್‌,ಅನ್ನುರಾಣಿ,ಮುರಳಿಗೆ ಪ್ರಶಸ್ತಿ

ಮಹಾರಾಣಿ ಟ್ರೋಫಿ: ಹುಬ್ಬಳ್ಳಿ ಚಾಂಪಿಯನ್, ಫೈನಲ್‌ನಲ್ಲಿ ಎಡವಿದ ಮೈಸೂರು

ಒಳನೋಟ: ಮಹದೇವಪುರದ ‘ಮತ’ ಮಹಾತ್ಮೆ

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಮುಸ್ಲಿಂ ಯುವತಿಯರನ್ನು ಮದುವೆಯಾಗುವ ಹಿಂದೂ ಯುವಕರಿಗೆ ₹5 ಲಕ್ಷ: ಯತ್ನಾಳ

ಬೆಳಗಾವಿ: ವಂದೇ ಭಾರತ್‌ ರೈಲಿಗೆ ಅದ್ದೂರಿ ಸ್ವಾಗತ

Karnataka Rains | ಅಥಣಿ: ಯಲ್ಲಮ್ಮ ದೇವಿ ದೇವಸ್ಥಾನ ಜಲಾವೃತ

ಚಿನಕುರುಳಿ Cartoon: 10 ಆಗಸ್ಟ್ 2025