ಮೈತ್ರಿ ಮಂಜುನಾಥ್ ನಿರ್ಮಾಣದ ಹಫ್ತಾ ಚಿತ್ರಕ್ಕೆ ಪ್ರಾದೇಶಿಕ ಚಲನಚಿತ್ರ ಪ್ರಮಾಣೀಕರಣ ಮಂಡಳಿಯು ‘ಯು/ಎ’ ಪ್ರಮಾಣಪತ್ರ ನೀಡಿದೆ. ಚಿತ್ರದ ನಿರ್ದೇಶನ ಪ್ರಕಾಶ್ ಹೆಬ್ಬಾಳ್ ಅವರದ್ದು. ಸೂರಿ ಸಿನಿಟೆಕ್ ಛಾಯಾಗ್ರಹಣ, ವಿಜಿ ಯಾರ್ಡ್ಲಿ ಸಂಗೀತ, ಗೌತಮ್ ಶ್ರೀವತ್ಸ ಹಿನ್ನೆಲೆ ಸಂಗೀತ ಚಿತ್ರಕ್ಕಿದೆ. ಇದು ಸಂಪೂರ್ಣ ಕಮರ್ಷಿಯಲ್, ಮನರಂಜನೆಯ ಚಿತ್ರ. ಭೂಗತ ಜಗತ್ತಿನ ಹಫ್ತಾ ವಸೂಲಿ ಮತ್ತು ಸುಫಾರಿ ಕಿಲ್ಲರ್‌ಗಳ ಕಥೆ ಇದರಲ್ಲಿ ಇದೆ. ವರ್ಧನ್ ತೀರ್ಥಹಳ್ಳಿ, ಬಿಂಬಶ್ರೀ ನೀನಾಸಂ, ರಾಘವ್‍ನಾಗ್, ಸೌಮ್ಯ ತತೀರ, ಬಲರಾಜ್ ವಾಡಿ, ದಶಾವರ ಚಂದ್ರು, ಉಗ್ರಂ ರವಿ, ಚಂದ್ರು ತಾರಾಗಣದಲ್ಲಿ ಇದ್ದಾರೆ.
