ರಕ್ಷಿತ್ ಶೆಟ್ಟಿ ನಟನೆಯ ಈ ಸಿನಿಮಾ ‘ಸೈಡ್–A’ ಹಾಗೂ ‘ಸೈಡ್–B’ ಎಂಬ ಅಡಿಬರಹದಡಿ ಬಿಡುಗಡೆಯಾಗುತ್ತಿದ್ದು, ‘ಸೈಡ್–A’ ಇದೇ ಸೆ.1ರಂದು ತೆರೆಕಾಣಲಿದೆ. ಇದಾಗಿ 50 ದಿನಗಳಲ್ಲೇ ಎಂದರೆ ಅ.20ರಂದು ‘ಸೈಡ್–B’ ಬಿಡುಗಡೆಯಾಗಲಿದೆ. ಚಿತ್ರದಲ್ಲಿ ‘ಮನು’ ಎಂಬ ಪಾತ್ರವನ್ನು ರಕ್ಷಿತ್ ಶೆಟ್ಟಿ ಅವರು ನಿಭಾಯಿಸಿದ್ದು, ಅವರಿಗೆ ಎರಡು ಶೇಡ್ಸ್ ಇವೆ. ದಶಕದ ಹಿಂದೆ ನಡೆಯುವ ಒಂದು ತೀವ್ರವಾದ ಪ್ರೇಮಕಥೆಯನ್ನು ಈ ಸಿನಿಮಾ ಹೊಂದಿದೆ. ‘ಸೈಡ್–A’ಯಲ್ಲಿ ‘ಮನು’ವಿನ ಪ್ರೀತಿಯ ಆರಂಭಿಕ ಹೆಜ್ಜೆಗಳನ್ನು ಹಿಡಿದಿಟ್ಟಿರುವಂತಿದೆ. ‘ಸೈಡ್–B’ಯಲ್ಲಿ ‘ಮನು’ವಿನ ಇನ್ನೊಂದು ಮುಖ ಅನಾವರಣಗೊಂಡಿದೆ. ಚಿತ್ರದಲ್ಲಿ ನಟಿ ರುಕ್ಮಿಣಿ ವಸಂತ್ ‘ಪ್ರಿಯಾ’ ಎಂಬ ಪಾತ್ರದ ಮೂಲಕ ಹಾಗೂ ‘ಸುರಭಿ’ ಎಂಬ ಪಾತ್ರದ ಮೂಲಕ ನಟಿ ಚೈತ್ರಾ ಆಚಾರ್, ರಕ್ಷಿತ್ಗೆ ಜೋಡಿಯಾಗಿದ್ದಾರೆ.