IPL 2024 | MI vs KKR: ಸುಧಾರಣೆ ಕಾಣಲು ಕೋಲ್ಕತ್ತಕ್ಕೆ ಅವಕಾಶ

ಮುಂಬೈ: ಪಾಯಿಂಟ್ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿರುವ ಕೋಲ್ಕತ್ತ ನೈಟ್ ರೈಡರ್ಸ್ ಮತ್ತು ಕೊನೆಯಿಂದ ಎರಡನೇ ಸ್ಥಾನದಲ್ಲಿರುವ ಮುಂಬೈ ಇಂಡಿಯನ್ಸ್ ತಂಡಗಳು ಶುಕ್ರವಾರ ಇಲ್ಲಿ ನಡೆಯುವ ಐಪಿಎಲ್ ಪಂದ್ಯದಲ್ಲಿ ಮುಖಾಮುಖಿ ಆಗಲಿವೆ.

. ಒಂಬತ್ತು ಪಂದ್ಯಗಳನ್ನು ಆಡಿ ಆರನ್ನು ಗೆದ್ದಿರುವ ನೈಟ್ ರೈಡರ್ಸ್ ಈಗ ಪ್ಲೇಆಫ್ಗೆ ಸನಿಹದಲ್ಲಿದೆ. ಆದರೆ ಶ್ರೇಯಸ್ ಅಯ್ಯರ್ ಬಳಗ ತನ್ನಲ್ಲಿರುವ ದೋಷ, ದೌರ್ಬಲ್ಯಗಳನ್ನು ತಿದ್ದಿಕೊಂಡು ಸ್ಥಿರ ಪ್ರದರ್ಶನ ಕಂಡುಕೊಳ್ಳಲು ಉಳಿದ ಪಂದ್ಯಗಳು ಅವಕಾಶ ಕಲ್ಪಿಸಲಿವೆ.

. ಕಳೆದ ಆರು ಪಂದ್ಯಗಳಲ್ಲಿ ಕೋಲ್ಕತ್ತ ಮೂರರಲ್ಲಿ ಸೋತಿದೆ. ಪಂಜಾಬ್ ಕಿಂಗ್ಸ್ ತಂಡವು, ದಾಖಲೆಯ ಚೇಸ್ನಲ್ಲಿ ಯಶಸ್ವಿ ಆಗಿದ್ದು ಕೋಲ್ಕತ್ತಕ್ಕೆ ಅನಿರೀಕ್ಷಿತ ಹಿನ್ನಡೆ ಉಂಟುಮಾಡಿತು. ಆದರೆ ಮರುಪಂದ್ಯದಲ್ಲೇ ದೆಹಲಿ ಕ್ಯಾಪಿಟಲ್ಸ್ ವಿರುದ್ಧ ಜಯಗಳಿಸಿ ಹಳಿಗೆ ಮರಳಿದೆ.

. ಆಕ್ರಮಣಕಾರಿ ಬ್ಯಾಟರ್ಗಳನ್ನು ಹೊಂದಿರುವ ಕೆಕೆಆರ್ ತಂಡ ಪ್ರಬಲವಾಗಿದೆ. ಆದರೆ ಬೌಲಿಂಗ್ ಬಗ್ಗೆ ಇದೇ ಮಾತನ್ನು ಹೇಳುವಂತಿಲ್ಲ. ಈ ವಿಭಾಗದಲ್ಲಿ ಸುಧಾರಣೆ ಅಗತ್ಯವಿದೆ. ಐಪಿಎಲ್ನ ಅತಿ ದುಬಾರಿ ಆಟಗಾರ ಎನಿಸಿರುವ ಮಿಚೆಲ್ ಸ್ಟಾರ್ಕ್ ಅವರು ಪ್ರತಿ ಓವರಿಗೆ 12 ರನ್ ನೀಡಿದ್ದಾರೆ. ಎಂಟು ಪಂದ್ಯಗಳಿಂದ ಅವರು ಪಡೆದಿರುವುದು ಏಳು ವಿಕೆಟ್ಗಳನ್ನಷ್ಟೇ. ಅದರ ಯಶಸ್ವಿ ಬೌಲರ್ ಹರ್ಷಿತ್ ರಾಣಾ, ಅತಿಯಾದ ಸಂಭ್ರಮಾಚರಣೆ ಕಾರಣ ಒಂದು ಪಂದ್ಯದ ನಿಷೇಧಕ್ಕೆ ಒಳಗಾಗಿದ್ದಾರೆ.

. ‘ಫಿನಿಷರ್’ ರಿಂಕು ಸಿಂಗ್ ಪ್ರದರ್ಶನದ ಮೇಲೂ ಗಮನವಿಡಲಾಗಿದೆ. ವಿಶ್ವಕಪ್ ತಂಡದಿಂದ ಕೈಬಿಟ್ಟಿರುವುದಕ್ಕೆ 26 ವರ್ಷದ ಬ್ಯಾಟರ್ ಮೇಲೆ ಅನುಕಂಪ ವ್ಯಕ್ತವಾಗಿದೆ.

. ಮುಂಬೈ ತಂಡಕ್ಕೆ ಐದು ಪಂದ್ಯಗಳು ಆಡಲು ಇದ್ದರೂ ಪ್ಲೇ ಆಫ್ ಬಾಗಿಲು ಬಹುತೇಕ ಮುಚ್ಚಿದೆ. ಉಳಿದೆಲ್ಲ ಪಂದ್ಯಗಳನ್ನು ಗೆದ್ದರಷ್ಟೇ ಸಾಲದು, ಉಳಿದ ಪಂದ್ಯಗಳ ಫಲಿತಾಂಶ ಅದು ಬಯಸಿದಂತೆ ಬಂದರೆ ಮಾತ್ರ ಕ್ಷೀಣ ಅವಕಾಶವಿದೆ.

. ಜಸ್ಪ್ರೀತ್ ಬೂಮ್ರಾ (14 ವಿಕೆಟ್) ಮತ್ತು ಜೆರಾಲ್ಡ್ ಕೋಝಿ (13) ಅವರು ಮುಂಬೈ ಪರ ಯಶಸ್ವಿ ಬೌಲರ್ಗಳೆನಿಸಿದ್ದಾರೆ. ಬೌಲಿಂಗ್ ಪರಿಣಾಮಕಾರಿ ಎನಿಸಿದರೂ, ಬ್ಯಾಟರ್ಗಳು ಸಾಂಘಿಕ ಪ್ರದರ್ಶನ ನೀಡುತ್ತಿಲ್ಲ. ಹೀಗಾಗಿ ಐದು ಬಾರಿಯ ಚಾಂಪಿಯನ್ ತಂಡ ಪರದಾಡುತ್ತಿದೆ. ತಿಲಕ್ ವರ್ಮಾ ಮೂರು ಅರ್ಧ ಶತಕ ಸಹಿತ 343 ರನ್ ಗಳಿಸಿದ್ದು, ಅದರ ಯಶಸ್ವಿ ಬ್ಯಾಟರ್ ಎನಿಸಿದ್ದಾರೆ. ಆದರೆ ಅವರ ಆಟ ಇತರ ಬ್ಯಾಟರ್ಗಳ ವೈಫಲ್ಯ ಮುಚ್ಚುವಂತಿರಲಿಲ್ಲ.

. ನಾಯಕ ಹಾರ್ದಿಕ್ ಪಾಂಡ್ಯ ಬ್ಯಾಟ್ನಿಂದಾಗಲಿ, ಚೆಂಡಿನಿಂದಾಗಲಿ ಮಿಂಚಲು ವಿಫಲರಾಗಿದ್ದಾರೆ. ಆದರೆ ವಿಶ್ವಕಪ್ ತಂಡಕ್ಕೆ ಉಪನಾಯಕನಾಗಿ ಆಯ್ಕೆ ಆಗಿರುವುದು ಅವರಿಗೆ ಸ್ಫೂರ್ತಿ ನೀಡಬಹುದೇ ಎಂಬುದನ್ನು ಕಾದುನೋಡಬೇಕಾಗಿದೆ.

. ಪಂದ್ಯ ಆರಂಭ: ರಾತ್ರಿ 7.30.

. ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್ ನೆಟ್ವರ್ಕ್ ಮತ್ತು ಜಿಯೊ ಸಿನಿಮಾ ಆ್ಯಪ್.

. ಮುಖಾಮುಖಿ

. ಒಟ್ಟು ಪಂದ್ಯಗಳು: 32

. ಮುಂಬೈ ಗೆಲುವು: 23

. ಕೆಕೆಆರ್ ಗೆಲುವು 9

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

IPL 2024 | MI vs KKR: ಸುಧಾರಣೆ ಕಾಣಲು ಕೋಲ್ಕತ್ತಕ್ಕೆ ಅವಕಾಶ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ