ಟಫ್‌ ಕಾಪ್‌ ಪಾತ್ರದಲ್ಲಿ ಕೀರ್ತಿ
ಅಕ್ಷರ ಗಾತ್ರ :ಆ |ಆ |ಆ
ಹಾಲಿವುಡ್‌ನ ‘ದಿ ಗರ್ಲ್‌ ಆನ್‌ ದಿ ಟ್ರೈನ್‌’ ಹಿಂದಿಯಲ್ಲೂ ಬರುತ್ತಿದೆ. ರಿಭು ದಾಸ್‌ ಗುಪ್ತಾ ನಿರ್ದೇಶನದ ಹಿಂದಿ ರಿಮೇಕ್‌ನಲ್ಲಿ ಪರಿಣಿತಿ ಚೋಪ್ರಾ ಹಾಗೂ ಆದಿತಿ ರಾವ್‌ ಹೈದರಿ ನಾಯಕಿಯರಾಗಿ ಮತ್ತು ನಟಿ ಕೀರ್ತಿ ಕುಲ್ಹಾರಿ ಅವರು ಆಲಿಯಾ ಶೆರ್ಗಿಲ್‌ ಎಂಬ ಬ್ರಿಟಿಷ್‌ ಪೊಲೀಸ್‌ ಅಧಿಕಾರಿ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಲಂಡನ್‌ನಲ್ಲಿ ಇದೇ ತಿಂಗಳು ಚಿತ್ರೀಕರಣ ಆರಂಭವಾಗಲಿದ್ದು, ತಿಂಗಳ ಕಾಲ ನಡೆಯಲಿದೆ. ಚಿತ್ರ 2020ರಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.
ಆಗಸ್ಟ್ 15ಕ್ಕೆ ಬಿಡುಗಡೆಯಾಗುತ್ತಿರುವ ‘ಮಿಷನ್‌ ಮಂಗಲ’ ಚಿತ್ರದಲ್ಲಿ ಕೀರ್ತಿ ಪ್ರಮುಖ ಪಾತ್ರವೊಂದಕ್ಕೆ ಬಣ್ಣ ಹಚ್ಚಿದ್ದಾರೆ. ಈಗ ಅವರ ಮತ್ತೊಂದು ಸಿನಿಮಾ ಸೆಟ್ಟೇರುತ್ತಿದೆ.
ರಿಭು ದಾಸ್‌ ಗುಪ್ತಾ ನಿರ್ದೇಶನದ ನೆಟ್‌ಫ್ಲಿಕ್ಸ್‌ ಸರಣಿ ‘ಬಾರ್ಡ್‌ ಆಫ್‌ ಬ್ಲಡ್‌’ನಲ್ಲಿ ಕೀರ್ತಿ ನಟಿಸಿದ್ದರು. ಚಿತ್ರೀಕರಣ ಸಮಯದಲ್ಲಿ ಇಬ್ಬರೂ ಉತ್ತಮ ಸ್ನೇಹಿತರಾಗಿದ್ದರು. ಆಗ ಈ ಸಿನಿಮಾದ ಚಿತ್ರಕತೆ ಓದುವಾಗ ಪೊಲೀಸ್‌ ಪಾತ್ರವು ಕೀರ್ತಿಗೆ ಆಸಕ್ತಿ ಕೆರಳಿಸಿತ್ತು. ಹಾಗಾಗಿ ಆ ಪಾತ್ರವನ್ನು ಅವರು ಒಪ್ಪಿಕೊಂಡರು.
‘ಪಿಂಕ್‌’ ನಂತರ ಇದು ನನ್ನ ನಾಲ್ಕನೇ ಚಿತ್ರ. ರಿಭು ದಾಸ್‌ ಗುಪ್ತಾ ಅವರ ಜೊತೆ ಎರಡನೇ ಬಾರಿ ಕೆಲಸ ಮಾಡುತ್ತಿದ್ದೇನೆ ಎಂದು ಕೀರ್ತಿ ಹೇಳಿದ್ದಾರೆ. ‘ಉರಿ– ದಿ ಸರ್ಜಿಕಲ್‌ ಸ್ರ್ಟೈಕ್‌‘ ಚಿತ್ರದಲ್ಲೂ ಕೀರ್ತಿ ನಟಿಸಿದ್ದಾರೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
