ವಿಜಯ ದೇವರಕೊಂಡ ನಟನೆಯ ಲೈಗರ್ ಬಿಡುಗಡೆ ದಿನಾಂಕ ನಾಳೆ ಪ್ರಕಟ

ಇತ್ತೀಚೆಗೆ ಚಿತ್ರದ ಫಸ್ಟ್‌ಲುಕ್ ಬಿಡುಗಡೆಯಾಗಿದ್ದು ಅಭಿಮಾನಿಗಳಿಂದ ಅಪಾರ ಮೆಚ್ಚುಗೆ ಗಳಿಸಿತ್ತು. ಈ ಸಿನಿಮಾದ ಬಿಡುಗಡೆ ದಿನಾಂಕವನ್ನು ನಾಳೆ ತಿಳಿಸಲಿದೆ ಚಿತ್ರತಂಡ. ಈ ವಿಷಯವನ್ನು ತಿಳಿಸಲು ಚಾರ್ಮಿ ಹಾಗೂ ಅನನ್ಯಾ ಕಡೆಯಿಂದ ವಿಶೇಷ ವಿಡಿಯೊವೊಂದನ್ನು ತಯಾರಿಸಿ ಬಿಡುಗಡೆ ಮಾಡಿದೆ ಚಿತ್ರತಂಡ. ಈ ವಿಡಿಯೊದಲ್ಲಿ ನಾಳೆ ಬೆಳಿಗ್ಗೆ 8.14ಕ್ಕೆ ರೆಡಿಯಾಗಿ ಇರುವಂತೆ ಅಭಿಮಾನಿಗಳಿಗೆ ತಿಳಿಸಿದ್ದಾರೆ ಚಾರ್ಮಿ ಹಾಗೂ ಅನನ್ಯಾ.

ಈಗಾಗಲೇ ಅನೇಕ ದೊಡ್ಡ ಬಜೆಟ್‌ ಸಿನಿಮಾಗಳು ಬಿಡುಗಡೆ ದಿನಾಂಕವನ್ನು ತಿಳಿಸಿವೆ. ಈಗ ವಿಜಯ್‌ ಹಾಗೂ ಪುರಿ ಕಾಂಬಿನೇಷನ್‌ನ ಲೈಗರ್ ಯಾವಾಗ ತೆರೆ ಮೇಲೆ ಬರಲಿದೆ ಎಂಬುದು ನಾಳೆ ತಿಳಿಯಲಿದೆ. ಈ ಸಿನಿಮಾಕ್ಕಾಗಿ ವಿಜಯ್‌ ಮಾರ್ಷಲ್ ಆರ್ಟ್ ತರಬೇತಿಯನ್ನು ಪಡೆದಿದ್ದರು.

ಇದು ವಿಜಯ್‌ಗೆ ಮೊದಲ ಬಾಲಿವುಡ್‌ ಸಿನಿಮಾ. ಬುಡ್ಡಾ ಹೋಗಾ ತೇರಾ ಬಾಪ್ ಸಿನಿಮಾದ ನಂತರ ಪುರಿ ಮತ್ತೆ ಬಾಲಿವುಡ್‌ನಲ್ಲಿ ಕಮಾಲ್ ಮಾಡಲು ಸಜ್ಜಾಗಿದ್ದಾರೆ.