ಒಟಿಟಿ ವೇದಿಕೆಯಲ್ಲಿ ಬಿಡುಗಡೆಯಾಗುವ ಸಿನಿಮಾಗಳ ಎಚ್‌ಡಿ ವಿಡಿಯೊಗಳನ್ನು ಡೌನ್‌ಲೋಡ್‌ ಮಾಡುವುದು ಸುಲಭ. ಡೌನ್‌ಲೋಡ್‌ ಆಗುವ ಈ ವಿಡಿಯೊಗಳನ್ನು ತಮಿಳ್‌ ರಾಕರ್ಸ್‌ ನೇರವಾಗಿ ತಮ್ಮ ವೆಬ್‌ಸೈಟ್‌ಗೆ ಅಪ್‌ಲೋಡ್‌ ಮಾಡುತ್ತಾರೆ. ಜೊತೆಗೆ, ಯಾವುದೇ ಸಿನಿಮಾಗಳು ಥಿಯೇಟರ್‌ನಲ್ಲಿ ಬಿಡುಗಡೆಗೊಂಡರೂ ತಮಿಳ್‌ ರಾಕರ್ಸ್‌ ಚಿತ್ರಮಂದಿರದಲ್ಲಿಯೇ ಮೊಬೈಲ್‌ಗಳಲ್ಲಿ ಆ ಸಿನಿಮಾವನ್ನು ಚಿತ್ರೀಕರಿಸಿಕೊಂಡು ಸೋರಿಕೆ ಮಾಡುತ್ತಾರೆ. ಅವರ ಈ ಕಾಟಕ್ಕೆ ಚಿತ್ರ ನಿರ್ಮಾಣ ಸಂಸ್ಥೆಗಳು ಮತ್ತು ನಿರ್ಮಾಪಕರು ಸಾಕಷ್ಟು ನಷ್ಟ ಅನುಭವಿಸುವಂತಾಗಿದೆ.
