ವರ್ಷದ ಮೊದಲಾರ್ಧದಲ್ಲಿ ಇಲ್ಲಿಯವರೆಗೆ ಶಿವರಾಜ್ಕುಮಾರ್ ನಟನೆಯ ‘ಕರಟಕ ದಮನಕ’ ಹೊರತುಪಡಿಸಿ, ಸ್ಟಾರ್ ನಟರ ಸಿನಿಮಾಗಳೇ ಬಿಡುಗಡೆಯಾಗಿಲ್ಲ. ಕಳೆದ ಮಾರ್ಚ್ 15ರಂದು ಪುನೀತ್ ರಾಜ್ಕುಮಾರ್ ನಟನೆಯ ಹಿಟ್ ಸಿನಿಮಾ ‘ಜಾಕಿ’ ರಿರಿಲೀಸ್ ಆಗಿತ್ತು. ಇದಾದ ಬಳಿಕ ಕಳೆದ ಶುಕ್ರವಾರ(ಮೇ 10) ಪುನೀತ್ ನಟನೆಯ ‘ಪವರ್’ ಹಾಗೂ ‘ಅಂಜನಿಪುತ್ರ’ ರಿರಿಲೀಸ್ ಆದವು. ಬೆನ್ನಲ್ಲೇ ‘ಎ’ ಸಿನಿಮಾವನ್ನು ಮತ್ತೆ ತೆರೆಗೆ ತರುತ್ತಿದ್ದಾರೆ ಉಪೇಂದ್ರ. ಆ.15ಕ್ಕೆ ಶಿವರಾಜ್ಕುಮಾರ್ ನಟನೆಯ ‘ಭೈರತಿ ರಣಗಲ್’ ಬಿಡುಗಡೆಯಾಗುತ್ತಿದೆ. ಅಲ್ಲಿಯವರೆಗೆ ಸ್ಟಾರ್ ನಟರ ಸಿನಿಮಾಗಳು ಇಲ್ಲಿಯವರೆಗೂ ಘೋಷಣೆಯಾಗಿಲ್ಲ. ಈ ಅವಧಿಯಲ್ಲಿ ಅದೆಷ್ಟು ಸಿನಿಮಾಗಳು ರಿರಿಲೀಸ್ ಆಗಲಿವೆ ಎಂದು ಕಾದುನೋಡಬೇಕು.