ಮುಂಬೈ: ಬಾಲಿವುಡ್ ನಟಿಯರು ತೆರೆ ಮೇಲೆ ಸ್ನೇಹಿತೆಯರಾಗಿ ಕಾಣಿಸಿಕೊಂಡ ಹಾಗೆ ಆಫ್-ಸ್ಕ್ರೀನ್‌ನಲ್ಲಿ ಸ್ನೇಹಿತೆಯರಾಗಿರುವುದನ್ನು ನಾವು ಅಷ್ಟಾಗಿ ನೋಡುವುದಿಲ್ಲ. ಆದರೆ, ಆ ಮಾತಿಗೆ ಅಪವಾದವೆಂಬಂತೆ ಸೈಫ್ ಅಲಿಖಾನ್ ಪುತ್ರಿ ನಟಿ ಸಾರಾ ಅಲಿ ಖಾನ್ ಮತ್ತು ದಿವಂಗತ ನಟಿ ಶ್ರೀದೇವಿ ಪುತ್ರಿ ಜಾಹ್ನವಿ ಕಪೂರ್ ಒಟ್ಟೊಟ್ಟಿಗೆ ವರ್ಕೌಟ್ ಮಾಡುವ ಮೂಲಕ ಸ್ನೇಹ ಪ್ರದರ್ಶಿಸಿದ್ದಾರೆ.
ಹಿಂದಿ ಚಲನಚಿತ್ರೋದ್ಯಮದ ಸಮಕಾಲೀನ ನಟಿಯರಾಗಿರುವ ಸಾರಾ ಮತ್ತು ಜಾಹ್ನವಿ ಇತ್ತೀಚೆಗೆ ಮಾಲ್ಡೀವ್ಸ್‌ ಪ್ರವಾಸಕ್ಕೆ ತೆರಳಿದ್ದಾಗ ಹೊರಾಂಗಣದಲ್ಲಿ ಸೆಲೆಬ್ರಿಟಿ ಟ್ರೈನರ್ ನಮ್ರತಾ ಪುರೋಹಿತ್ ಅವರ ಸೂಚನೆ ಮೇರೆಗೆ ವರ್ಕೌಟ್ ಮಾಡಿದ್ದಾರೆ.
ಈ ವಿಡಿಯೊವನ್ನು ಸಾರಾ ಅಲಿ ಖಾನ್ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ‘ಗೋ ವಿತ್ ದಿ ಫ್ಲೋ.. ಸ್ಲೋ ಅಂಡ್ ಸ್ಟಡಿ’ ಎಂದು ಶೀರ್ಷಿಕೆ ನೀಡಿದ್ದಾರೆ.
