ಚಿತ್ರೀಕರಣ ವೇಳೆ ಶಾಹಿದ್‌ಗೆ ಚೆಂಡು ತಗುಲಿ ತುಟಿಗೆ ಬಿದ್ದಿತ್ತು 25 ಹೊಲಿಗೆ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ಬಾಲಿವುಡ್ ನಟ ಶಾಹೀದ್ ಕಪೂರ್ ಇತ್ತೀಚೆಗೆ ಅಭಿಮಾನಿಗಳ ಜೊತೆಗಿನ ಲೈವ್‌ ಸಂವಾದದಲ್ಲಿ ತಮ್ಮ ಮುಂಬರುವ ಚಿತ್ರ 'ಜೆರ್ಸಿ' ಚಿತ್ರೀಕರಣದ ವೇಳೆ ಚೆಂಡು ತಗುಲಿದ್ದರಿಂದ 25 ಹೊಲಿಗೆಗಳನ್ನು ಹಾಕಿಸಿಕೊಂಡಿದ್ದಾಗಿ ಬಹಿರಂಗ ಪಡಿಸಿದ್ದಾರೆ.
ಅಭಿಮಾನಿಯೊಬ್ಬರ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಶಾಹೀದ್ ಕಪೂರ್, 'ಈ ಸಿನಿಮಾ ಚಿತ್ರೀಕರಣದ ವೇಲೆ ಚೆಂಡು ತಗುಲಿ ನನ್ನ ತುಟಿ ಒಡೆದು ಹೋಯಿತು. ಇದು 'ಜೆರ್ಸಿ' ಸಿನಿಮಾದ ನನ್ನ ಕೆಟ್ಟ ನೆನಪು. ನಾನು ಮೊದಲಿನಂತೆ ಕಾಣುವುದಿಲ್ಲ ಎಂದೇ ಭಾವಿಸಿದ್ದೆ' ಎಂದು ತಿಳಿಸಿದ್ದಾರೆ.
'ಕೆಳಗಿನ ತುಟಿಗೆ ಚೆಂಡು ಬಡಿಯಿತು. ತುಟಿ ಒಡೆದಿದ್ದರಿಂದ ಚಿತ್ರೀಕರಣವನ್ನು ಎರಡು ತಿಂಗಳ ಕಾಲ ಸ್ಥಗಿತಗೊಳಿಸುವಂತಾಯಿತು. ನನಗೆ ಸುಮಾರು 25 ಹೊಲಿಗೆಗಳು ಬಿದ್ದವು. ನನ್ನ ತುಟಿ ಮೊದಲಿನಂತೆ ಸಾಮಾನ್ಯ ರೂಪಕ್ಕೆ ಬರಲು ಮೂರು ತಿಂಗಳು ಬೇಕಾಯಿತು. ಈಗಲೂ ನನಗೆ ತುಟಿಯ ಗಾಯ ಸರಿ ಹೋಗಿದೆ ಎಂದೆನಿಸುತ್ತಿಲ್ಲ. ತುಟಿಯ ಈ ಭಾಗದಲ್ಲಿ ಚರ್ಮ ಸುಕ್ಕುಗಟ್ಟಿದೆ ಎಂದೆನಿಸುತ್ತದೆ (ತುಟಿಯ ಭಾಗವನ್ನು ತೋರಿಸುತ್ತ...). ಹಾಗಾಗಿ ನಾನು ಈ ಸಿನಿಮಾಗೆ ರಕ್ತವನ್ನು ನೀಡಿದ್ದೇನೆ' ಎಂದು ಶಾಹೀದ್ ಕಪೂರ್ ಲೈವ್‌ ಸಂವಾದದಲ್ಲಿ ಹೇಳಿದ್ದಾರೆ.
ಗೌತಮ್‌ ತಿನ್ನಾನುರಿ ನಿರ್ದೇಶನದ ಜೆರ್ಸಿ ಸಿನಿಮಾವನ್ನು ಅಲ್ಲು ಅರವಿಂದ ನಿರ್ಮಿಸಿದ್ದಾರೆ. ಚಿತ್ರದಲ್ಲಿ ಮೃಣಾಲ್‌ ಠಾಕೂರ್‌, ಪಂಕಜ್‌ ಕಪೂರ್, ರೋನಿತ್‌ ಕರ್ಮಾ ಮುಂತಾದ ಪಾತ್ರವರ್ಗವಿದೆ. ಇದು 2019ರ ತೆಲುಗು ಚಿತ್ರ 'ಜೆರ್ಸಿ' ರೀಮೇಕ್‌ ಚಿತ್ರವಾಗಿದೆ.
ಫಾರ್ಮ್‌ ಹೌಸ್‌ನಲ್ಲಿ ಜಾಕ್ವೆಲಿನ್‌ಗೆ ತೋಟ ಅಗೆಯಲು ಹೇಳಿದ್ದರಂತೆ ಸಲ್ಮಾನ್‌ ಖಾನ್‌
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
