ವಿಆರ್‌ಎಲ್‌ ಸಂಸ್ಥೆಯ ವಿಆರ್‌ಎಲ್‌ ಫಿಲ್ಮ್ ಪ್ರೊಡಕ್ಷನ್ಸ್‌ ಲಾಂಛನದ ಅಡಿಯಲ್ಲಿ ಉದ್ಯಮಿ ವಿಜಯ ಸಂಕೇಶ್ವರ ಅವರ ಜೀವನಗಾಥೆ ಆಧರಿತ ಚಿತ್ರ ‘ವಿಜಯಾನಂದ’ದ ಟೀಸರ್‌ ಬಿಡುಗಡೆಯಾಗಿದೆ.
ಟೀಸರ್‌ ನಲ್ಲಿ ವಿಜಯ ಸಂಕೇಶ್ವರ ಅವರ ತಾರುಣ್ಯದ ದಿನಗಳು, ಉದ್ಯಮ ಆರಂಭಿಸಿದ ಸಂದರ್ಭಗಳನ್ನು ಸಂಕ್ಷಿಪ್ತವಾಗಿ ತೋರಿಸಲಾಗಿದೆ. ನಿಹಾಲ್‌ ಈ ಚಿತ್ರದ ನಾಯಕ. ಮಂಡಿಯೊಂದರ ಸಾಹುಕಾರನಾಗಿ ರವಿಚಂದ್ರನ್‌, ವಿಜಯ ಸಂಕೇಶ್ವರರ ತಂದೆಯ ಪಾತ್ರದಲ್ಲಿ ಅನಂತನಾಗ್‌ ಕಾಣಿಸಿಕೊಂಡಿದ್ದಾರೆ. ಟೀಸರೇ ಒಂದು ಹೊಸ ಕಥೆಯನ್ನು ಹೇಳುವಂತೆ ಮೂಡಿಬಂದಿದೆ.ರಿಷಿಕಾ ಶರ್ಮಾ ಈ ಚಿತ್ರದ ನಿರ್ದೇಶಕಿ.
ತಮಿಳು, ತೆಲುಗು ಮತ್ತು ಮಲಯಾಳಂ ಭಾಷೆಗಳಲ್ಲೂ ಈ ಚಿತ್ರ ಡಬ್‌ ಆಗಲಿದೆ.ವಿನಯಾ ಪ್ರಸಾದ್, ಪ್ರಕಾಶ್ ಬೆಳವಾಡಿ, ಅನೀಶ್ ಕುರುವಿಲ್ಲಾ, ಸಿರಿ ಪ್ರಹ್ಲಾದ್ ಮತ್ತು ಭರತ್ ಬೋಪಣ್ಣ ತಾರಾಗಣದಲ್ಲಿದ್ದಾರೆ.
ಗೋಪಿ ಸುಂದರ್ ಅವರ ಸಂಗೀತವಿದೆ. ಈ ಚಿತ್ರಕ್ಕೆ ರಘು ನಿಡುವಳ್ಳಿ ಸಂಭಾಷಣೆ ಬರೆದಿದ್ದಾರೆ. ರವಿವರ್ಮಾ ಅವರ ಸಾಹಸ ನಿರ್ದೇಶನವಿದೆ.
