ನೀರಿನಲ್ಲಿ ಸಹಾಯಕ್ಕಾಗಿ ಅಂಗಲಾಚುತ್ತಿದ್ದ ಯೋಧರು, ತೇಲಿ ಬರುತ್ತಿದ್ದ ಪುಟ್ಟ ದೋಣಿಗಳನ್ನು ನೆನಪಿಸಿಕೊಳ್ಳುವ ಸ್ಟರ್ಡಿ, ಆ ಯುದ್ಧದ ಸಮಯದಲ್ಲಿ 20 ವರ್ಷದ ಯುವಕ. ರಾಯಲ್ ನೌಕಾದಳದಲ್ಲಿ ಸೂಚನೆ ಕೊಡುವ ಕಾರ್ಯದಲ್ಲಿ ನಿರತರಾಗಿದ್ದರು. ಡನ್ಕಿರ್ಕ್ನ ಸಮುದ್ರ ತೀರದಲ್ಲಿ ಬೀಡುಬಿಟ್ಟಿದ್ದ ಫ್ರೆಂಚ್ ಮತ್ತು ಬ್ರಿಟಿಷ್ ಸೇನೆ ಮೇಲೆ ಜರ್ಮನಿ ಸೇನೆ ಆಕ್ರಮಣ ನಡೆಸುತ್ತಿತ್ತು. 4 ಲಕ್ಷಕ್ಕೂ ಅಧಿಕ ಯೋಧರು ಸಮುದ್ರ ದಾಟಿ ತಮ್ಮ ನೆಲೆಯನ್ನು ಸೇರುವ ತವಕದಲ್ಲಿದ್ದಾಗ ಆದಂತಹ ದುರಂತ, ರಕ್ಷಣಾ ಕಾರ್ಯ, ಹೋರಾಟದ ಮರುಸೃಷ್ಟಿ ಈ ಸಿನಿಮಾದಲ್ಲಿ ಆಗಿದೆ.