ರೋಹಿತ್ ಶೆಟ್ಟಿ ನಿರ್ದೇಶನದ `ಬೋಲ್ ಬಚ್ಚನ್~ ಚಿತ್ರೀಕರಣ ಜೈಪುರದಲ್ಲಿ ನಡೆದಿತ್ತು. ರಿಕ್ಷಾ ಹಿಂದೆ ಓಡುವ ಆ್ಯಕ್ಷನ್ ಸನ್ನಿವೇಶದಲ್ಲಿ ಭಾಗವಹಿಸಿದ್ದ ಅಭಿಷೇಕ್ ಬಚ್ಚನ್ ಆಯತಪ್ಪಿ ನೆಲಕ್ಕೆ ಬ್ದ್ದಿದ. ತಕ್ಷಣ ರೋಹಿತ್ ಶೆಟ್ಟಿ ಅಭಿಷೇಕ್ಗೆ ಪ್ರಥಮ ಚಿಕಿತ್ಸೆ ಕೊಡಿಸಿ, ಆಸ್ಪತ್ರೆಗೆ ಕಳಿಸಿಕೊಟ್ಟರು.
`ಅಭಿಷೇಕ್ ಕೈಕಾಲಿಗೆ ಸಣ್ಣಪಟ್ಟು ಗಾಯಗಳಾಗಿವೆ. ಆದರೆ ಬಲಗಣ್ಣಿನ ಪಕ್ಕದಲ್ಲಿ ಕೊಂಚ ದೊಡ್ಡ ಗಾಯವಾಗಿದೆ. ಅಲ್ಲಿಗೆ ಆರು ಹೊಲಿಗೆ ಹಾಕಲಾಗಿದ್ದು. ಇದೀಗ ಅವರು ವಿಶ್ರಾಂತಿ ತೆಗೆದುಕೊಳ್ಳುತ್ತಿದ್ದಾರೆ~ ಎಂದು ರೋಹಿತ್ ತಿಳಿಸಿದ್ದಾರೆ.
`ಅಭಿಷೇಕ್ ಕಣ್ಣಿಗೆ ಗಾಯವಾಗಿದೆ ಎಂದು ಹರಡಿದ ಸುದ್ದಿಯಿಂದ ನಾವು ತುಂಬಾ ಗಾಬರಿಗೊಂಡೆವು. ಆದರೆ ಅವನನ್ನು ಪ್ರತ್ಯಕ್ಷ ನೋಡಿದ ನಂತರವೇ ನಮಗೆ ನೆಮ್ಮದಿಯಾಗಿದ್ದು~ ಎಂದು ಅಮಿತಾಬ್ ಬಚ್ಚನ್ ಹೇಳಿಕೊಂಡಿದ್ದಾರೆ.
ಚಿತ್ರದಲ್ಲಿ ಅಭಿಷೇಕ್ ಜೊತೆ ನಟಿಸುತ್ತಿರುವ ಅಜಯ್ ದೇವಗನ್, ಅಸಿನ್, ಪ್ರಾಚಿ ದೇಸಾಯಿ ಆಸ್ಪತ್ರೆಗೆ ಭೇಟಿ ನೀಡಿದ್ದರು.