ಸೋಮವಾರ, ಜನವರಿ 17, 2022
27 °C

ಇಲಿಯಾನ ಮಾಲ್ಡೀವ್ಸ್ ಮೋಹ: ಅಭಿಮಾನಿಗಳಿಗೆ ಫೋಟೊ, ವಿಡಿಯೊ ನೋಡುವ ಕಾತರ

ಪ್ರಜಾವಾಣಿ ವೆಬ್‌ ಡೆಸ್ಕ್‌‌ Updated:

ಅಕ್ಷರ ಗಾತ್ರ : | |

Istagram/ileana_official

ಬಹುಭಾಷಾ ನಟಿ ಇಲಿಯಾನ ಡಿಕ್ರೂಸ್‌ ಮಾಲ್ಡೀವ್ಸ್ ಪ್ರವಾಸದ ಫೋಟೊ, ವಿಡಿಯೊಗಳನ್ನು ನಿರಂತರವಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತಿರುವುದು ಅಭಿಮಾನಿಗಳಿಗೆ ಸಂತಸವನ್ನುಂಟು ಮಾಡಿದೆ. ಕಳೆದ ವಾರವೇ ಮಾಲ್ಡೀವ್ಸ್ ದ್ವೀಪದಿಂದ ಹಿಂತಿರುಗಿದ್ದರೂ ಅಲ್ಲಿನ ಮೋಹಕ ಬೀಚ್‌ ನೆನಪಿನಿಂದ ಇಲಿಯಾನ ಹೊರಗೆ ಬಂದಿಲ್ಲ.

ಡಿಕ್ರೂಸ್‌ ಅವರಿಗೆ ಮಾಲ್ಡೀವ್ಸ್‌ ನಲ್ಲಿ ಕಳೆದ ದಿನಗಳನ್ನು ಮರೆಯಲಾಗುತ್ತಿಲ್ಲ ಎಂಬುದಕ್ಕೆ ಅವರು ಹಂಚಿಕೊಳ್ಳುತ್ತಿರುವ ಫೋಟೊ, ವಿಡಿಯೊಗಳೇ ಸಾಕ್ಷಿ. ಬಿಳಿ ಬಣ್ಣದ ಬಿಕಿನಿಯಲ್ಲಿ ಸಮುದ್ರದ ಮಧ್ಯೆ ಬಿಸಿಲಿಗೆ ಮೈಯೊಡ್ಡಿ ಕ್ಲಿಕ್ಕಿಸಿಕೊಂಡಿರುವ ಸೆಲ್ಫಿ ಮತ್ತು ವಿಡಿಯೊ ಅಭಿಮಾನಿಗಳನ್ನು ಮೈಮರೆಯುವಂತೆ ಮಾಡಿದೆ.

ಮಾಲ್ಡೀವ್ಸ್‌ನ ರೆಸಾರ್ಟ್‌ಗೆ ಆಗಮಿಸಿದ್ದು, ಶ್ವೇತ ವರ್ಣದ ಬಿಕಿನಿಯಲ್ಲಿ ದಿನ ಕಳೆದಿದ್ದು ಎಲ್ಲದರ ಸಣ್ಣಸಣ್ಣ ತುಣುಕುಗಳ ಗುಚ್ಛದ ವಿಡಿಯೊವನ್ನು ಇಲಿಯಾನ ಹಂಚಿಕೊಂಡಿದ್ದಾರೆ. ಬೆನ್ನಲ್ಲೇ ಕುಡ ವಿಲ್ಲಿಂಗಿಲಿ ರೆಸಾರ್ಟ್‌ನಲ್ಲಿ ನೇರಳೆ ಬಣ್ಣದ ಬಿಕಿನಿಯಲ್ಲಿ ಪೋಸ್‌ ನೀಡುತ್ತಿರುವ ಫೋಟೊವನ್ನು ಹಂಚಿಕೊಂಡಿದ್ದಾರೆ.

ಶುಭ್ರವಾಗಿ, ಪ್ರಶಾಂತವಾಗಿ ಕಾಣಿಸುತ್ತಿರುವ ಮಾಲ್ಡೀವ್ಸ್‌ನ ಪ್ರಸಿದ್ಧ 'ವಿಟಮಿನ್‌ ಸೀ' ಬೀಚ್‌ ವಿಡಿಯೊವನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಇಲಿಯಾನಾ, 'ಇಲ್ಲಿ ಯಾರಾದರೂ ಇದ್ದೀರಾ?' ಎಂದು ಕೇಳಿದ್ದಾರೆ.

ಇಲಿಯಾನರ ಮಾಲ್ಡೀವ್ಸ್ ಪ್ರವಾಸದ ಮತ್ತಷ್ಟು ಫೋಟೊ, ವಿಡಿಯೊಗಳಿಗೆ ಅಭಿಮಾನಿಗಳು ಕಾತರದಿಂದ ಕಾದಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು