ಗುರುವಾರ , ಏಪ್ರಿಲ್ 9, 2020
19 °C

‘ಜೊತೆ ಜೊತೆಯಲಿ’ ಧಾರಾವಾಹಿಗೆ 100 ಕಂತು ಪೂರೈಸಿದ ಸಂಭ್ರಮ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಜೀ ಕನ್ನಡ ತನ್ನ ಜನಪ್ರಿಯ ಫಿಕ್ಷನ್‌ ಮತ್ತು ನಾನ್‌ ಫಿಕ್ಷನ್ ಕಾರ್ಯಕ್ರಮಗಳಿಂದ ನಾಡಿನ ಜನರ ಮನ ಗೆದ್ದಿರುವುದು ಎಲ್ಲರಿಗೂ ಗೊತ್ತು. ಈ ವಾಹಿನಿಯಲ್ಲಿ ಪ್ರಸಾರವಾಗುವ ‘ಜೊತೆ ಜೊತೆಯಲಿ’ ಧಾರಾವಾಹಿಯು ಜ. 23ರಂದು 100 ಕಂತುಗಳನ್ನು ಪೂರೈಸಿದೆ. 

ಎರಡು ಭಿನ್ನ ತಲೆಮಾರಿನ ಪ್ರೇಮಕಥೆಯೇ ಈ ಧಾರಾವಾಹಿಯ ಜೀವಾಳ. ಪ್ರಾರಂಭದ ಎಲ್ಲ ದಾಖಲೆಗಳನ್ನೂ ಮುರಿದು ಕನ್ನಡ ಕಿರುತೆರೆಯಲ್ಲಿಯೇ ಧಾರಾವಾಹಿಗಳ ಪೈಕಿ ಅಗ್ರಸ್ಥಾನ ಪಡೆದಿದ್ದು, ‘ಜೊತೆ ಜೊತೆಯಲಿ’ ತಂಡದ ಹೆಗ್ಗಳಿಕೆ. ಈ ವರ್ಷದ ಮೊದಲ ವಾರದಲ್ಲಿ 14.7 ಟಿ.ವಿ.ಆರ್ ಪಡೆದಿದೆ. ‘ಜೊತೆ ಜೊತೆಯಲಿ’ ತಂಡವು ಈ ಸಂಭ್ರಮವನ್ನು ಜೊತೆ ಜೊತೆಯಲಿ ಲಾಂಛನದ ಕೇಕ್‌ ಕತ್ತರಿಸುವ ಮೂಲಕ ಆಚರಿಸಿತು.

ಆರ್ಯವರ್ಧನ್ ಈ ಧಾರಾವಾಹಿಯ ನಾಯಕ. ಆತನಿಗೆ ಅನು ಸಿರಿಮನೆ ಜೋಡಿ. ಆಕೆ ನಿದ್ರೆಯಲ್ಲಿದ್ದಾಳೆ ಎಂದು ತಿಳಿದು ತನ್ನ ಪ್ರೀತಿ ನಿವೇದಿಸುತ್ತಾನೆ ಆರ್ಯವರ್ಧನ್‌.

ಈ ನಡುವೆಯೇ ಆರ್ಯನ ಕಚೇರಿಯಲ್ಲಿ ಅನುವಿಗೆ ಪರಿಪೂರ್ಣ ಜೋಡಿಯಾದ ನೀಲ್‌ನ ಪ್ರವೇಶವಾಗುತ್ತದೆ. ಮತ್ತೊಂದೆಡೆ ಆರ್ಯನ ಆಪ್ತ ಸಹಾಯಕಿ ಮೀರಾ ಹೆಗ್ಡೆ, ಆರ್ಯ ಮತ್ತು ಅನು ವಿರುದ್ಧ ಸಂಚು ರೂಪಿಸುತ್ತಾಳೆ. ಈ ಜೋಡಿಯು ಎಲ್ಲಾ ಅಡೆತಡೆ ವಿರುದ್ಧ ಹೋರಾಟ ನಡೆಸಿ ತಮ್ಮ ಪ್ರೀತಿ ಉಳಿಸಿಕೊಳ್ಳುತ್ತದೆಯೇ? ಎಂಬುದು ಕುತೂಹಲ ಮೂಡಿಸಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)