ಸೌತೆಕಾಯಿ ಬಗೆಬಗೆ ಖಾದ್ಯ

ಸೌತೆಕಾಯಿ ಸಿಪ್ಪೆ ಚಟ್ನಿ ಬೇಕಾಗುವ ಸಾಮಗ್ರಿಗಳು ಸೌತೆಕಾಯಿ ಸಿಪ್ಪೆ – (ಒಂದು ಇಡಿ ಸೌತೆಕಾಯಿಯದ್ದು) ಹಸಿಮೆಣಸಿನಕಾಯಿ – 2 ಉಪ್ಪು – ರುಚಿಗೆ ತೆಂಗಿನ ತುರಿ – 1ಕಪ್ ಹುಣಸೆಹಣ್ಣು – ಸ್ವಲ್ಪ ಇಂಗು – ಚಿಟಿಕೆ ಕಾಳುಮೆಣಸು – 5 ಗಟ್ಟಿ ಮೊಸರು – ಸ್ವಲ್ಪ ಸಾಸಿವೆ – ಸ್ವಲ್ಪ ತಯಾರಿಸುವ ವಿಧಾನ: ಸೌತೆಕಾಯಿ ಸಿಪ್ಪೆಯನ್ನು ಸಣ್ಣಗೆ ಹೆಚ್ಚಿ, ಅದಕ್ಕೆ ಕಾಯಿತುರಿ, ಉಪ್ಪು, ಇಂಗು, ಹಸಿಮೆಣಸು, ಕಾಳುಮೆಣಸು ಮತ್ತು ಹುಣಸೆಹಣ್ಣು ಸೇರಿಸಿ ರುಬ್ಬಿದ ನಂತರ ಸಾಸಿವೆ ಒಗ್ಗರಣೆ ಸೇರಿಸಿ ಮೊಸರನ್ನು ಹಾಕಿ ಕಲೆಸಿದರೆ ರುಚಿಯಾದ ಚಟ್ನಿ ಸವಿಯಲು ಸಿದ್ಧ.

. ಸೌತೆಕಾಯಿ ಹಸಿ ಗೊಜ್ಜು ಬೇಕಾಗುವ ಸಾಮಗ್ರಿಗಳು ಸಿಪ್ಪೆ ತೆಗೆದ ಸೌತೆಕಾಯಿ ಚೂರುಗಳು – 1ಕಪ್ ಕಡ್ಲೇಬೇಳೆ – 2,1/2 ಚಮಚ ಇಂಗು –ಚಿಟಿಕೆ ಕಾಯಿತುರಿ – 1/2 ಕಪ್ ಉಪ್ಪು –ರುಚಿಗೆ ಕೆಂಪುಮೆಣಸು – 5ರಿಂದ 6 ಹುಣಸೆ ಹಣ್ಣು – 1 1/2 ಇಂಚು ಸಿಡಿಸಿದ ಸಾಸಿವೆಕಾಳು – 1/4 ಚಮಚ ತಯಾರಿಸುವ ವಿಧಾನ: ಕಡ್ಲೆಬೇಳೆ ಮತ್ತು ಕೆಂಪು ಮೆಣಸನ್ನು ಮೊದಲು ಹುರಿದಿಟ್ಟುಕೊಳ್ಳಿ. ನಂತರ ಮಿಕ್ಸಿಗೆ ಹುರಿದಿಟ್ಟುಕೊಂಡ ಸಾಮಗ್ರಿಗಳು, ಇಂಗು, ಕಾಯಿತುರಿ, ಉಪ್ಪು, ಹುಣಸೆಹಣ್ಣು ಸೇರಿಸಿ ರುಬ್ಬಿಕೊಳ್ಳಿ. ಆ ಮಿಶ್ರಣಕ್ಕೆ ಸೌತೆಕಾಯಿ ಮತ್ತು ಸಿಡಿಸಿದ ಸಾಸಿವೆ ಸೇರಿಸಿ ಕಲೆಸಿ. ಇದು ಅನ್ನಕ್ಕೆ ಹೊಂದುತ್ತದೆ.

. ಸೌತೆಕಾಯಿ ಪಕೋಡ ಬೇಕಾಗುವ ಸಾಮಗ್ರಿಗಳು ಸಿಪ್ಪೆ ತೆಗೆದ ಸೌತೆಕಾಯಿ ಚೂರು – 1/2 ಕಪ್ ಅಕ್ಕಿ – 1/2 ಕಪ್ ಕೆಂಪು ಮೆಣಸು – 5ರಿಂದ 6 ಉಪ್ಪು– ರುಚಿಗೆ ಜೀರಿಗೆ – 1/2 ಚಮಚ ಕೊತ್ತುಂಬರಿ, ಸಾಸಿವೆ, ಶುಂಠಿ, ಕೊತ್ತುಂಬರಿ ಸೊಪ್ಪು – ಸ್ವಲ್ಪ ಹುಣಸೆ ಹಣ್ಣು – ಸ್ವಲ್ಪ ತಯಾರಿಸುವ ವಿಧಾನ: ಅಕ್ಕಿಯನ್ನು 3 ಗಂಟೆ ನೆನೆಸಿ, ಮೇಲೆ ತಿಳಿಸಿದ ಎಲ್ಲಾ ಸಾಮಗ್ರಿಗಳನ್ನು ಸೇರಿಸಿ ರುಬ್ಬಿ. ಅದು ಹಿಟ್ಟಿನ ರೂಪಕ್ಕೆ ಬಂದಿರುತ್ತದೆ. ನಂತರ ಆ ಹಿಟ್ಟನ್ನು ಒಲೆಯ ಮೇಲಿಟ್ಟು ಸ್ವಲ್ಪ ಗಟ್ಟಿ ಮಾಡಿಕೊಳ್ಳಿ. ನಂತರ ಬಾಣಲಿಯಲ್ಲಿ ಸಾಕಷ್ಟು ಎಣ್ಣೆಯನ್ನು ಹಾಕಿ ಕಾದ ಎಣ್ಣೆಗೆ ಸ್ವಲ್ಪ ಸ್ವಲ್ಪವೇ ಹಿಟ್ಟನ್ನು ಉಂಡೆಯಾಕಾರದಲ್ಲಿ ಹಾಕಿ. ಆಮೇಲೆ ಎರಡು ಕಡೆ ಕಾಯಿಸಿದರೆ ಪಕೋಡ ರೆಡಿ.

. ಸೌತೆಕಾಯಿ ಪಾಯಸ ಬೇಕಾಗುವ ಸಾಮಗ್ರಿಗಳು ಸೌತೆಕಾಯಿ – 1 ಬೆಲ್ಲ – 1ಕಪ್ ಉಪ್ಪು – ಚಿಟಿಕೆ ಏಲಕ್ಕಿ ಪುಡಿ – ಸ್ವಲ್ಪ ತೆಂಗಿನತುರಿ– 1 ಕಪ್ ನೆನೆಸಿದ ಕಪ್ – ಸ್ವಲ್ಪ ತಯಾರಿಸುವ ವಿಧಾನ: ಸೌತೆಕಾಯಿ ಸಿಪ್ಪೆ ತೆಗೆದು ಸಣ್ಣಗೆ ಹೆಚ್ಚಿಕೊಂಡು ಬೇಯಿಸಬೇಕು. ನೆನೆದ ಅಕ್ಕಿ, ಕಾಯಿತುರಿ ರುಬ್ಬಿ ಬೆಂದ ಸೌತೆಯ ಹೋಳುಗಳಿಗೆ ಸೇರಿಸಿ ಸ್ವಲ್ಪ ಹೊತ್ತು ಬೇಯಿಸಿ, ಬೆಲ್ಲ ಮತ್ತು ಏಲಕ್ಕಿ ಪುಡಿ ಹಾಗೂ ಉಪ್ಪು ಸೇರಿಸಿ ಕುದಿಸಿದರೆ ರುಚಿಯಾದ ಪಾಯಸ ಸವಿಯಲು ರೆಡಿ.

. ಸೌತೆಕಾಯಿ ಸಾಂಬಾರ್ ಬೇಕಾಗುವ ಸಾಮಗ್ರಿಗಳು ಸಾಂಬಾರ್ ಸೌತೆಕಾಯಿ (ಸಿಪ್ಪೆ ಸಹಿತ ಹೋಳು)– 1 ಕಪ್ ತೊಗರಿಬೇಳೆ– 1/4 ಕಪ್ ಉಪ್ಪು –ರುಚಿಗೆ ಹುಣಸೆರಸ– 1/2 ಚಮಚ ಬೆಲ್ಲ – 1 ಚೂರು ಕರಿಬೇವು – 6 ಎಲೆ ಸಾಸಿವೆ ಹಾಗೂ ಎಣ್ಣೆ– ಒಗ್ಗರಣೆಗೆ ಸಾಂಬಾರ್ ಪುಡಿ – 1/2 ಚಮಚ ತಯಾರಿಸುವ ವಿಧಾನ: ತೊಗರಿಬೇಳೆ ಮತ್ತು ಸೌತೆಯ ಹೋಳುಗಳನ್ನು ಸಾಕಷ್ಟು ನೀರಿನಲ್ಲಿ ಬೇಯಿಸಿ. ಮೇಲೆ ತಿಳಿಸಿದ ಎಲ್ಲಾ ಸಾಮಗ್ರಿಗಳನ್ನು ಸೇರಿಸಿ ಕುದಿಸಿ. ಕೊನೆಗೆ ಸಾಸಿವೆಯನ್ನು ಎಣ್ಣೆಯಲ್ಲಿ ಸಿಡಿಸಿ ಹಾಕಿದರೆ ಸಾಂಬಾರ್ ರೆಡಿ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸೌತೆಕಾಯಿ ಬಗೆಬಗೆ ಖಾದ್ಯ

ಚಿನಕುರುಳಿ: ಶುಕ್ರವಾರ, 26 ಡಿಸೆಂಬರ್ 2025

14ಕ್ಕೆ ಮದುವೆ, 18ಕ್ಕೆ ಎರಡು ಮಕ್ಕಳ ತಾಯಿ: ‘ಲೇಡಿ ಸಿಂಗಂ’ ಅಂಬಿಕಾ IPS ಯಶೋಗಾಥೆ

ಗುಂಡಣ್ಣ: ಶುಕ್ರವಾರ, 26 ಡಿಸೆಂಬರ್ 2025

ವರ್ಷದ ಹಿನ್ನೋಟ – 2025: ಟ್ರಂಪ್ ಸುಂಕದ ‘ಸುಳಿ’; ಹಳಸಿದ ದ್ವಿಪಕ್ಷೀಯ ಸಂಬಂಧ

ಪ್ಯಾರಾ ಥ್ರೋಬಾಲ್‌ ಚಾಂಪಿಯನ್‌ಶಿಪ್‌: ಶ್ರೀಲಂಕಾದಲ್ಲಿ ಮೋಡಿ ಮಾಡಿದ ಮಾಲತಿ ತಂಡ

ವಿಜಯ್ ಹಜಾರೆ ಟ್ರೋಫಿ: ಬೆಂಗಳೂರಿನಲ್ಲಿ ಕೊಹ್ಲಿ ಆಟದ ಗತ್ತು

ವಿಶ್ವ ರ್‍ಯಾಪಿಡ್ ಚೆಸ್‌: ಅರ್ಜುನ್‌, ಕಾರ್ಲ್‌ಸನ್‌ ಮುನ್ನಡೆ

ರೇಣುಕಾ, ದೀಪ್ತಿ ಮಿಂಚು, ಶಫಾಲಿ ಬಿರುಗಾಳಿ: ಟಿ20 ಸರಣಿ ಭಾರತದ ಕೈವಶ

ಒಳನೋಟ: ಹಾವೇರಿಯ ಬೀಜ ಕ್ರಾಂತಿ, ಚಿಗುರಿದ ಆರ್ಥಿಕತೆ

ಒಳನೋಟ | ಯುಕೆಪಿಗೆ ಇಚ್ಛಾಶಕ್ತಿ ಕೊರತೆ

ಒಳನೋಟ | ನಿಗಮ– ಮಂಡಳಿಗಳು: ಸರ್ಕಾರ ಸಾಕುವ ಬಿಳಿಯಾನೆ

ಒಳನೋಟ: ಖಾಲಿಯಿವೆ ಬಿ.ಇ ಸೀಟು!

ಚಿನಕುರುಳಿ: ಶುಕ್ರವಾರ, 26 ಡಿಸೆಂಬರ್ 2025

14ಕ್ಕೆ ಮದುವೆ, 18ಕ್ಕೆ ಎರಡು ಮಕ್ಕಳ ತಾಯಿ: ‘ಲೇಡಿ ಸಿಂಗಂ’ ಅಂಬಿಕಾ IPS ಯಶೋಗಾಥೆ

ಗುಂಡಣ್ಣ: ಶುಕ್ರವಾರ, 26 ಡಿಸೆಂಬರ್ 2025

ವರ್ಷದ ಹಿನ್ನೋಟ – 2025: ಟ್ರಂಪ್ ಸುಂಕದ ‘ಸುಳಿ’; ಹಳಸಿದ ದ್ವಿಪಕ್ಷೀಯ ಸಂಬಂಧ