ಮಿತವ್ಯಯ ಎಂಬ ಜಾಣ್ಮೆ

ಇಂದಿನ ಕಾಲವನ್ನು ‘ಕೊಳ್ಳುವ ಕಾಲ’, ‘ಭೋಗವೇ ಬದುಕು’ ಎನ್ನುವ ಕಾಲ ಎನ್ನಬಹುದು. ಇದನ್ನೇ ‘ಕೊಳ್ಳುಬಾಕುತನ’ ಎನ್ನುವುದು. ಇಂದಿನ ಆರ್ಥಿಕ ‘ವ್ಯವಸ್ಥೆ’ಗಳು ಕೂಡ ಇದನ್ನೇ ಪ್ರೋತ್ಸಾಹಿಸುತ್ತವೆ. ಅವು ಸಾಲದ ಆಮಿಷವನ್ನು ತೋರಿಸುತ್ತವೆ; ನಾಳೆಯ ಸಂಪಾದನೆಯನ್ನು ಇಂದೇ ಖರ್ಚು ಮಾಡುವಂತೆ ಹುರಿದುಂಬಿಸುತ್ತವೆ.

ಕೈಯ್ಯಲ್ಲಿ ದುಡ್ಡು ಇಲ್ಲದಿದ್ದರೂ ಬೇಕಾದ ವಸ್ತುಗಳನ್ನು ಪಡೆಯಲು ಸಾಧ್ಯ ಎಂಬಂಥ ಅವಕಾಶ ಇದ್ದಾಗ ಸುಮ್ಮನಿರಲು ಸಾಧ್ಯವೆ? ಸಾಲವನ್ನು ಮಾಡುತ್ತೇವೆ; ಸುಖವನ್ನು ಪಡೆಯಬಹುದು ಎಂಬ ಕನಸಿನಲ್ಲಿ ಬೇಡದ ವಸ್ತುಗಳನ್ನೂ ಇರದ ಕಾಸಿನಲ್ಲಿ ಕೊಂಡು ಸಾಲದ ಮಕ್ಕಳಾಗುತ್ತವೆ. ಸಾಲವನ್ನು ತೀರಿಸಲು ಜೀವನದುದ್ದಕ್ಕೂ ಹೋರಾಟ ಮಾಡಬೇಕಾಗುತ್ತದೆ; ನಾವು ದುಡಿಯುವುದೆಲ್ಲ ಸಾಲದ ಪಾವತಿಗೇ ಎಂದಾಗುತ್ತದೆ ನಮ್ಮ ಪಾಡು. ಸುಖ ಎಲ್ಲಿದ್ದೀತು? ಇದು ನಮ್ಮ ಇಂದಿನ ಸಮಸ್ಯೆ ಅಲ್ಲವೆನಿಸುತ್ತದೆ. ಮನುಷ್ಯನಿಗೆ ದುರಾಸೆ ಹುಟ್ಟಿದ ದಿನದಿಂದಲೂ ಈ ಸಮಸ್ಯೆ ಇದೆಯೆನಿಸುತ್ತದೆ; ಅಥವಾ ಮನುಷ್ಯನಲ್ಲಿ ತೋರಿಕೊಂಡ ದುರಾಸೆಯೇ ಈ ಸಮಸ್ಯೆಗೆ ಮೂಲ ಎನ್ನಲೂಬಹುದು. ಸಂಸ್ಕೃತದ ಸುಭಾಷಿತವೊಂದನ್ನು ಇಲ್ಲಿ ಸ್ಮರಿಸಿಕೊಳ್ಳಬಹುದು: ಇದಮೇವ ಹಿ ಪಾಂಡಿತ್ಯಂ ಚಾತುರ್ಯಮಿದಮೇವ ಹಿ | ಇದಮೇವ ಸುಬುದ್ಧತ್ತ್ವಮಾಯಾದಲ್ಪತರೋ ವ್ಯಯಃ || ‘ಪಾಂಡಿತ್ಯ ಎಂದರೆ ಇದೇ; ಜಾಣ್ಮೆ ಎಂದರೆ ಇದೇ; ಬುದ್ಧಿವಂತಿಕೆ ಎಂದರೂ ಇದೇ – ಆದಾಯಕ್ಕಿಂತ ಕಡಿಮೆಯಾಗಿ ವ್ಯಯ ಮಾಡುವುದು.’ ‘ಹಾಸಿಗೆ ಇದ್ದಷ್ಟು ಕಾಲು ಚಾಚು’ ಎಂಬ ಗಾದೆ ನಮಗೆ ಗೊತ್ತಿದೆ. ನಮ್ಮಲ್ಲಿ ಎಷ್ಟು ಸಂಪನ್ಮೂಲತೆ ಇದೆಯೋ ಅದಕ್ಕೆ ತಕ್ಕ ಜೀವನಶೈಲಿಯನ್ನು ರೂಪಿಸಿಕೊಳ್ಳಬೇಕೆಂಬುದು ಇದರ ಧ್ವನಿ. ಇಂದು ದುಡಿದುದೆಲ್ಲವನ್ನೂ ಇಂದೇ ಖರ್ಚು ಮಾಡಿದರೆ ನಾಳೆ ಕಷ್ಟ ಎದುರಾದರೆ ಆಗ ಮಾಡುವುದೇನು? ಇಂತ ಆಲೋಚನೆ ನಮ್ಮಲ್ಲಿ ಉಂಟಾಗಬೇಕು. ದುಂದುಗಾರಿಕೆ ಚಟವೇ ಹೊರತು ಅದು ಅನಿವಾರ್ಯವಾಗಿರಲಾರದು. ಆದುದರಿಂದ ನಮ್ಮ ಸಂಪಾದನೆಯಲ್ಲಿ ಸ್ವಲ್ಪ ಭಾಗವನ್ನಾದರೂ ಕೂಡಿಡುವ ಬುದ್ಧಿಯನ್ನು ನಾವು ಸಂಪಾದಿಸಿಕೊಳ್ಳಬೇಕು. ಇರುವುದೆಲ್ಲವೂ ಇಂದೇ ತಿಂದು ತೇಗಿದರೆ ನಾಳೆ ಪರರ ಮುಂದೆ ಕೈಯೊಡ್ಡಿ, ತಲೆ ಬಗ್ಗಿಸಿ ನಿಲ್ಲಬೇಕಾಗುತ್ತದೆ. ಅಂಥದೊಂದು ಪರಿಸ್ಥಿತಿ ಎದುರಾಗದಿರಲು ಮಿತವ್ಯಯ ಎನ್ನುವ ಪಾಂಡಿತ್ಯವನ್ನೂ ಜಾಣ್ಮೆಯನ್ನೂ ಬುದ್ಧಿವಂತಿಕೆಯನ್ನೂ ಸಂಪಾದಿಸಬೇಕು. . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಿತವ್ಯಯ ಎಂಬ ಜಾಣ್ಮೆ

ಚಿನಕುರುಳಿ: ಶನಿವಾರ 21 ಫೆಬ್ರುವರಿ 2026

ಗುಂಡಣ್ಣ: ಶನಿವಾರ, 21 ಫೆಬ್ರುವರಿ 2026

ಚುರುಮುರಿ | ಬಿಟ್‌ ಬಿಟ್‌ ಪರೀಕ್ಷೆ!

ಬಳ್ಳಾವೂರು‌ ತಾಂಡಾ: ಅಲ್ಪಭೂಮಿಯಲ್ಲಿ ಅಧಿಕ ಲಾಭ ಗಳಿಸಿದ ರೈತ ಮಹಿಳೆ

ಬಿಎಫ್‌ಸಿಗೆ ‘ಹೈಲ್ಯಾಂಡರ್ಸ್’ ಸವಾಲು

ಜೈನ್ ಹೆರಿಟೇಜ್ ಸ್ಪೋರ್ಟ್ಸ್ ಸ್ಕೂಲ್‌ಗೆ ಚಾಲನೆ

ಟಿ20 ವಿಶ್ವಕಪ್ | ಮಳೆಗೆ ಮುಳುಗಿದ ಪಂದ್ಯ: ನ್ಯೂಜಿಲೆಂಡ್–ಪಾಕ್‌ಗೆ ತಲಾ ಒಂದು ಅಂಕ

ರಣಜಿ; ಜಮ್ಮು– ಕಾಶ್ಮೀರ ತಂಡ ಅಭ್ಯಾಸ

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಚಿನಕುರುಳಿ: ಶನಿವಾರ 21 ಫೆಬ್ರುವರಿ 2026

ಗುಂಡಣ್ಣ: ಶನಿವಾರ, 21 ಫೆಬ್ರುವರಿ 2026

ಚುರುಮುರಿ | ಬಿಟ್‌ ಬಿಟ್‌ ಪರೀಕ್ಷೆ!

ಬಳ್ಳಾವೂರು‌ ತಾಂಡಾ: ಅಲ್ಪಭೂಮಿಯಲ್ಲಿ ಅಧಿಕ ಲಾಭ ಗಳಿಸಿದ ರೈತ ಮಹಿಳೆ