ಭಾನುವಾರ, ಫೆಬ್ರವರಿ 28, 2021
20 °C

ಅಸ್ಸಾಂನಲ್ಲಿ ಸರ್ಕಾರಿ ಮದರಸಗಳ ರದ್ದು: ಮಸೂದೆ ಮಂಡನೆ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಗುವಾಹಟಿ: ಸರ್ಕಾರಿ ಮದರಸಗಳನ್ನು ರದ್ದು ಮಾಡಿ, ಅವುಗಳನ್ನು 2021 ಏ.1ರಿಂದ ಸಾಮಾನ್ಯ ಶಾಲೆಗಳಾಗಿ ಪರಿವರ್ತಿಸುವ ಮಸೂದೆಯನ್ನು ಅಸ್ಸಾಂ ಸರ್ಕಾರ ಸೋಮವಾರ ಮಂಡಿಸಿತು.

ಸರ್ಕಾರದ ಈ ನಿರ್ಧಾರಕ್ಕೆ ವಿರೋಧಪಕ್ಷಗಳು ಆಕ್ಷೇಪ ವ್ಯಕ್ತಪಡಿಸಿದರೂ, ಮೂರು ದಿನಗಳ ಚಳಿಗಾಲದ ಅಧಿವೇಶದ ಮೊದಲ ದಿನವೇ ಶಿಕ್ಷಣ ಸಚಿವ ಹಿಮಂತ ಬಿಸ್ವಾ ಶರ್ಮಾ ಅವರು ಈ ಮಸೂದೆ ಮಂಡಿಸಿದರು.

ಪ್ರಸ್ತುತ ಇರುವ ಅಸ್ಸಾಂ ಮದರಸ ಕಾಯ್ದೆ 1995 ಹಾಗೂ ಅಸ್ಸಾಂ ಮದರಸ ಶಿಕ್ಷಣ ಕಾಯ್ದೆ 2018 ಅನ್ನು ರದ್ದುಗೊಳಿಸುವ ಪ್ರಸ್ತಾವವನ್ನು ಹೊಸ ಮಸೂದೆಯು ಒಳಗೊಂಡಿದೆ.

‘ಖಾಸಗಿ ಮದರಸಗಳನ್ನು ನಿಯಂತ್ರಿಸುವ ಅಥವಾ ಅವುಗಳನ್ನು ರದ್ದುಗೊಳಿಸುವುದು ಮಸೂದೆಯ ಉದ್ದೇಶವಲ್ಲ. ಮಸೂದೆಯಲ್ಲಿ ತಪ್ಪಾಗಿ ಖಾಸಗಿ ಎಂಬ ಪದದ ಬಳಕೆಯಾಗಿದೆ. ಸರ್ಕಾರಿ ಮದರಸಗಳನ್ನು ಪ್ರಾಥಮಿಕ, ಪ್ರೌಢ ಶಾಲೆಗಳಾಗಿ ಪರಿವರ್ತಿಸಲಾಗುವುದು. ಶಿಕ್ಷಕರು ಹಾಗೂ ಇತರೆ ಸಿಬ್ಬಂದಿಯ ವೇತನ, ಅನುದಾನದಲ್ಲಿ ಯಾವುದೇ ಬದಲಾವಣೆ ಆಗುವುದಿಲ್ಲ’ ಎಂದು ಶರ್ಮಾ ಅವರು ತಿಳಿಸಿದರು. ರಾಜ್ಯದಲ್ಲಿ ಒಟ್ಟು 610 ಸರ್ಕಾರಿ ಮದರಸಗಳು ಇವೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು