ಸೋಮವಾರ, ಅಕ್ಟೋಬರ್ 26, 2020
24 °C

‘ಯೋಗ ಬ್ರೇಕ್’ ಕಾರ್ಯಕ್ರಮ ಪುನರಾರಂಭ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಕೋವಿಡ್-19 ಕಾರಣದಿಂದಾಗಿ ಸ್ಥಗಿತಗೊಳಿಸಲಾಗಿದ್ದ ಯೋಗವನ್ನು ಪ್ರಚುರಪಡಿಸುವ ‘ಯೋಗ ಬ್ರೇಕ್’ ಕಾರ್ಯಕ್ರಮವನ್ನು ಆಯುಷ್ ಸಚಿವಾಲಯ ಶುಕ್ರವಾರ ಪುನರಾರಂಭಿಸಿತು.

ಐದು ನಿಮಿಷ ಅವಧಿಯ ಈ ಶಿಷ್ಟಾಚಾರ ಕಾರ್ಯಕ್ರಮವು ಜನರು ತಮ್ಮ ಕೆಲಸದ ಸ್ಥಳದಲ್ಲಿಯೇ ಬಿಡುವು ಮಾಡಿಕೊಂಡು ಯೋಗ ಮಾಡುವುದನ್ನು ಉತ್ತೇಜಿಸಲಿದೆ. ಇದರಿಂದ ಮನಸ್ಸು ಚೇತೋಹಾರಿಯಾಗಲಿದೆ ಎಂದು ಹೇಳಿಕೆ ತಿಳಿಸಿದೆ.

ಯೋಗ ಭಾರತದ ಪ್ರಾಚೀನ ಹವ್ಯಾಸ. ವ್ಯಕ್ತಿಗೆ ಮಾನಸಿಕ, ದೈಹಿಕ ಮತ್ತು ಭಾವನಾತ್ಮಕವಾಗಿ ಸಮತೋಲನ ಕಾಯ್ದುಕೊಳ್ಳಲು ಸಹಕಾರಿಯಾಗಿದೆ. ಮುಖ್ಯವಾಗಿ, ಕಂಪ್ಯೂಟರ್ ಎದುರು ಮತ್ತು ನಿರಂತರವಾಗಿ ದೀರ್ಘ ಕಾಲ ಕುಳಿತು ಕೆಲಸ ಮಾಡುವ ಬಹುಸಂಖ್ಯಾತ ಶ್ರಮಿಕರು ಒತ್ತಡದಿಂದ ಬಳಲುತ್ತಾರೆ. ಇದನ್ನು ಕುಗ್ಗಿಸಲು ಮತ್ತು ಉತ್ಸಾಹಿಗಳಾಗಿ ಮತ್ತೆ ಕೆಲಸದಲ್ಲಿ ತೊಡಗಲು ಯೋಗ ನೆರವಾಗಲಿದೆ ಎಂದು ಸಚಿವಾಲಯವು ತಿಳಿಸಿದೆ.

ಆಯುಷ್ ಸಚಿವಾಲಯವು ಮೊರಾರ್ಜಿ ದೇಸಾಯಿ ರಾಷ್ಟ್ರೀಯ ಯೋಗ ಸಂಸ್ಥೆಯ ಸಹಯೋಗದಲ್ಲಿ ಐದು ನಿಮಿಷ ಅವಧಿಯ ‘ಯೋಗ ಬ್ರೇಕ್’‌ ಕಾರ್ಯಕ್ರಮ ರೂಪಿಸಿದೆ. ಕೆಲಸದ ಸ್ಥಳಗಳಲ್ಲಿ ಅನುಸರಿಸಲು ಇದನ್ನು 2019ರಲ್ಲಿ ಜಾರಿಗೊಳಿಸಿತ್ತು. ಕಟಿ ಚಕ್ರಾಸನ, ಪ್ರಾಣಾಯಾಮ, ಧ್ಯಾನ ಸೇರಿದಂತೆ ವಿವಿಧ ಆಸನಗಳನ್ನು ಒಳಗೊಂಡ ಈ ಕಾರ್ಯಕ್ರಮವನ್ನು ಯೋಗ ಪರಿಣಿತರು ರೂಪಿಸಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು