ಪುಣೆ: ಸಹಕಾರ ನಿರ್ವಹಣೆಯ ಕೋರ್ಸುಗಳಿಗಾಗಿ ಕೇಂದ್ರ ಸರ್ಕಾರ ಶೀಘ್ರದಲ್ಲೇ ರಾಷ್ಟ್ರೀಯ ವಿಶ್ವವಿದ್ಯಾಲಯವೊಂದನ್ನು ಸ್ಥಾಪಿಸಲಿದೆ ಎಂದು ಗೃಹ ಹಾಗೂ ಸಹಕಾರ ಸಚಿವ ಅಮಿತ್‌ ಶಾ ಭಾನುವಾರ ಪ್ರಕಟಿಸಿದ್ದಾರೆ.
ಇಲ್ಲಿಯ ವೈಕುಂಠ ಮೆಹ್ತಾ ಸಹಕಾರಿ ನಿರ್ವಹಣೆಯ ರಾಷ್ಟ್ರೀಯ ಸಂಸ್ಥೆಯ (ವಾಮ್ನಿಕಾಮ್‌) ಘಟಿಕೋತ್ಸವ ಸಮಾರಂಭದಲ್ಲಿ ಅವರು ಮಾತನಾಡಿದರು. ಸರ್ಕಾರವು ಶೀಘ್ರದಲ್ಲಿ ಸಹಕಾರ ನೀತಿಯೊಂದನ್ನು ಜಾರಿಗೆ ತರಲಿದೆ ಎಂದು ಇದೇ ವೇಳೆ ಅವರು ಹೇಳಿದರು.
‘ಈ ಸಂಸ್ಥೆಗಳಲ್ಲಿ ಪದವಿ ಪೂರೈಸಿ ಹೊರಗೆ ಕಾಲಿಡುವ ವಿದ್ಯಾರ್ಥಿಗಳಿಗೆ ಸಹಕಾರಿ ಕ್ಷೇತ್ರದಲ್ಲಿ ವಿಫುಲ ಅವಕಾಶಗಳಿವೆ. ಸಹಕಾರ ನಿರ್ವಹಣೆ ಕೋರ್ಸುಗಳಿಗಾಗಿ ಆರಂಭಿಸುವ ಪ್ರತ್ಯೇಕ ವಿಶ್ವವಿದ್ಯಾಲಯಕ್ಕೆ ಹಲವು ರಾಜ್ಯಗಳ ವಿವಿಗಳು ಸಂಯೋಜನೆ ಹೊಂದಲಿವೆ’ ಎಂದು ಹೇಳಿದರು.
