ಛತ್ತೀಸಗಡ: ಚಲಿಸುತ್ತಿರುವ ರೈಲಿನ ಮುಂದೆ ಹಾರಿ ತಾಯಿ, ಐವರು ಮಕ್ಕಳು ಆತ್ಮಹತ್ಯೆ

‘ಮಹಾಸಮುಂಡ್ ಮತ್ತು ಬೆಲ್ಸೊಂಡ ಕ್ರಾಸ್ಸಿಂಗ್‌ ನಡುವೆ ಬುಧವಾರ ಮಧ್ಯರಾತ್ರಿ ಈ ಘಟನೆ ನಡೆದಿದೆ’ ಎಂದು ಅವರು ಹೇಳಿದರು.

‘ಬೆಮ್ಚ ಗ್ರಾಮದ ನಿವಾಸಿ ಉಮಾ ಸಾಹು(45) ಅವರು ತನ್ನ ಪತಿಯೊಂದಿಗೆ ಜಗಳವಾಡಿದ್ದಾರೆ. ಇದರಿಂದ ಬೇಸರಗೊಂಡ ಅವರು ತನ್ನ ಐವರು ಹೆಣ್ಣು ಮಕ್ಕಳಾದ ಅನ್ನಪೂರ್ಣ(18), ಯಶೋದಾ(16), ಭೂಮಿಕಾ(14), ಕುಂಕುಮ್‌(12) ಮತ್ತು ತುಳಸಿಯೊಂದಿಗೆ(10) ಆತ್ಮಹತ್ಯೆಗೆ ಶರಣಾಗಿದ್ದಾರೆ ಎಂಬುದು ಪ್ರಾಥಮಿಕ ವರದಿಯಲ್ಲಿ ತಿಳಿದುಬಂದಿದೆ’ ಎಂದು ಹೆಚ್ಚುವರಿ ಪೊಲೀಸ್‌ ವರಿಷ್ಠಾಧಿಕಾರಿ ಮೇಘಾ ತೆಂರ್ಬುಕರ್‌ ಸಾಹು ಅವರು ಮಾಹಿತಿ ನೀಡಿದರು.

‘ಈವರೆಗೆ ಯಾವುದೇ ಮರಣ ಪತ್ರ ಸಿಕ್ಕಿಲ್ಲ. ಈ ಪ್ರಕರಣ ಸಂಬಂಧ ತನಿಖೆ ನಡೆಸುತ್ತಿದ್ದೇವೆ’ ಎಂದು ಪೊಲೀಸರು ಹೇಳಿದರು.