ಸೋಮವಾರ, ಅಕ್ಟೋಬರ್ 18, 2021
22 °C

ದೀರ್ಘಾವಧಿಯಲ್ಲಿ ಕೋವಿಡ್‌ ಸೋಂಕು ಪ್ರಸರಣ –ಡಬ್ಲ್ಯೂಎಚ್‌ಒ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ (ಪಿಟಿಐ): ಕೋವಿಡ್ ಸೋಂಕು ದೀರ್ಘಾವಧಿಯಲ್ಲಿ ಪ್ರಸರಣವಾಗಲಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ (ಡಬ್ಲ್ಯೂಎಚ್ಒ) ಹಿರಿಯ ಅಧಿಕಾರಿ ಪೂನಂ ಕ್ಷೇತ್ರಪಾಲ್‌ ಸಿಂಗ್ ಹೇಳಿದ್ದಾರೆ.

ಇದು, ದೀರ್ಘಾವಧಿಯಲ್ಲಿ ಸಾಂಕ್ರಾಮಿಕವಾಗಿ ಉಳಿಯಲಿದೆಯೇ ಎಂಬುದನ್ನು ಲಸಿಕೆ ಮೂಲಕ ಜನರಲ್ಲಿ ಇರುವ ಪ್ರತಿರೋಧ ಶಕ್ತಿ, ಈ ಹಿಂದಿನ ಸೋಂಕು ಪರಿಣಾಮವನ್ನು ಆಧರಿಸಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ವಿಶ್ವ ಆರೋಗ್ಯ ಸಂಸ್ಥೆಯ ಪೂರ್ವ ಏಷ್ಯಾ ವಲಯದ ಪ್ರಾದೇಶಿಕ ನಿರ್ದೇಶಕಿಯಾಗಿರುವ ಅವರು, ಸೋಂಕಿನ ಮೇಲೆ ಸಂಪೂರ್ಣ ನಿಯಂತ್ರಣವಿದೆ ಎಂಬ ಪರಿಸ್ಥಿತಿ ಈಗಿನ ಅಗತ್ಯವಾಗಿದೆ ಎಂದು ಹೇಳಿದರು.

ಸೋಂಕಿನ ಜೊತೆಗೆ ಬದುಕಬಹುದು ಎಂದು ಜನರು ಅರ್ಥಮಾಡಿಕೊಂಡ ಅವಧಿಯಲ್ಲಿ ಸೋಂಕು ಪರಿಣಾಮ ಅಂತ್ಯವಾಗಲಿದೆ. ಈ ಹಿಂದೆ ಹೆಚ್ಚಿನ ಜನರಿಗೆ ಸೋಂಕು ಆಗಿರುವುದು ಅಥವಾ ಹೆಚ್ಚಿನ ಪ್ರಮಾಣದಲ್ಲಿ ಲಸಿಕೆ ಪಡೆದಿರುವ ಜನಸಂಖ್ಯೆಯನ್ನು ಸೋಂಕು ಪರಿಣಾಮವು ಆಧರಿಸಿದೆ ಎಂದು ಹೇಳಿದರು.

ದೇಶೀಯ ಕೋವ್ಯಾಕ್ಸಿನ್ ಲಸಿಕೆಯ ತುರ್ತುಬಳಕೆಗೆ ಅನುಮೋದನೆ ಕುರಿತಂತೆ ಅವರು, ಭಾರತ್‌ ಬಯೊಟೆಕ್‌ನ ಈ ಲಸಿಕೆಯನ್ನು ವಿಶ್ವಆರೋಗ್ಯ ಸಂಸ್ಥೆಯ ತುರ್ತು ಬಳಕೆ ಪಟ್ಟಿ ಸಮಿತಿಯು ಪರಿಶೀಲಿಸಲಿದೆ. ಆ ಬಳಿಕವೇ ಫಲಿತಾಂಶ ತಿಳಿಯಲಿದೆ ಎಂದು ಹೇಳಿದರು.

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು