ಪ್ರಧಾನಿ ಮೋದಿ, ಭಾರತ ಹಾಗೂ ಭಾರತೀಯರನ್ನು ಉದ್ದೇಶಿಸಿ ಮರುನಾಮಕರಣ ಮಾಡಿಲ್ಲ ಎಂದು ‘ಪಿಟಿಐ’ ಫ್ಯಾಕ್ಟ್ ಚೆಕ್ ಪ್ರಕಟಿಸಿದೆ. ಯುಎಇ ಸರ್ಕಾರವು ಜನವರಿ 29ರಂದು ಹೊರಡಿಸಿರುವ ಮರುನಾಮಕರಣ ಆದೇಶ ಸುದ್ದಿಯು ಮಾಧ್ಯಮಗಳಲ್ಲಿ ಪ್ರಕಟವಾಗಿದೆ. ಯಾವ ಮಾಧ್ಯಮವೂ ಭಾರತ, ಹಿಂದೂಗಳು, ಪ್ರಧಾನಿ ಮೋದಿ ಅವರ ಹೆಸರನ್ನು ವರದಿಯಲ್ಲಿ ಪ್ರಸ್ತಾಪಿಸಿಲ್ಲ. ‘ಹಿಂದ್’ ಪದಕ್ಕೆ ಅರೇಬಿಕ್ನಲ್ಲಿ ಬೇರೆ ಬೇರೆ ಅರ್ಥಗಳಿವೆ. ಶೇಖ್ ಅವರ ಹಿರಿಯ ಪತ್ನಿಯ ಹೆಸರಿನಲ್ಲೂ ‘ಹಿಂದ್’ ಪದವಿದೆ. ಮರುನಾಮಕರಣಕ್ಕೆ ನಿಖರ ಕಾರಣವನ್ನು ಯುಎಇ ತಿಳಿಸಿಲ್ಲ. ಆದರೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರತದ ಜೊತೆ ಇದನ್ನು ತಳಕು ಹಾಕುವುದು ದಾರಿತಪ್ಪಿಸುವ ಚರ್ಚೆ ಎಂದು ಪಿಟಿಐ ಅಭಿಪ್ರಾಯಪಟ್ಟಿದೆ.