‘ಕ್ವಾಡ್’ ರಾಷ್ಟ್ರಗಳ ಸಚಿವರ ಮಟ್ಟದ ಸಭೆಯಲ್ಲಿ ಭಾಗವಹಿಸಲು ಟೋಕಿಯೊಗೆ ತೆರಳಿರುವ ವಿದೇಶಾಂಗ ಸಚಿವ ಎಸ್.ಜೈಶಂಕರ್ ಅವರು, ಬುಧವಾರಜಪಾನ್ನ ವಿದೇಶಾಂಗ ಸಚಿವ ಟೊಶಿಮಿಸು ಮೊಟೆಗಿ ಜೊತೆ ಸಭೆ ನಡೆಸಿದರು. ಈ ಸಂದರ್ಭದಲ್ಲಿ ‘ಇಂಡೊ–ಪೆಸಿಫಿಕ್ ಓಷಿಯನ್ಸ್ ಇನಿಷಿಯೇಟಿವ್’ಗೆ(ಐಪಿಒಐ) ಮುಖ್ಯ ಪಾಲುದಾರ ರಾಷ್ಟ್ರವಾಗಲು ಜಪಾನ್ ಒಪ್ಪಿಕೊಂಡಿದೆ. ಇಂಡೊ–ಪೆಸಿಫಿಕ್ ಭಾಗದಲ್ಲಿ ಚೀನಾ ತನ್ನ ಸೇನಾ ವ್ಯಾಪ್ತಿಯನ್ನು ವಿಸ್ತರಿಸುತ್ತಿದ್ದು, ಈ ಭಾಗದಲ್ಲಿ ಸುರಕ್ಷಿತ ವಲಯವನ್ನು ನಿರ್ಮಿಸುವುದು ಐಪಿಒಐನ ಮುಖ್ಯ ಉದ್ದೇಶವಾಗಿದೆ.