ಟಿಕಮ್ಗಡ (ಮಧ್ಯಪ್ರದೇಶ): ನಿವೃತ್ತ ಸರ್ಕಾರಿ ನೌಕರ, ಪತ್ನಿ, ಪುತ್ರ ಸೇರಿದಂತೆ ಒಂದೇ ಕುಟುಂಬದ ಐವರು ಶಂಕಾಸ್ಪದ ರೀತಿಯಲ್ಲಿ ಮೃತಪಟ್ಟಿದ್ದು, ನೇಣು ಬಿಗಿದುಕೊಂಡಿರುವ ಸ್ಥಿತಿಯಲ್ಲಿ ಅವರ ಶವಗಳು ಇಲ್ಲಿನ ಕರಗ್ ಪುರದ ಅವರ ನಿವಾಸದಲ್ಲಿ ಭಾನುವಾರ ಪತ್ತೆಯಾಗಿವೆ.
ಪ್ರಾಥಮಿಕ ತನಿಖೆಯ ಪ್ರಕಾರ, ಕುಟುಂಬ ಸದಸ್ಯರು ಸಾಮೂಹಿಕವಾಗಿ ಆತ್ಮಹತ್ಯೆ ಮಾಡಿಕೊಂಡಿರಬಹುದು. ಆದರೆ ಸ್ಥಳದಲ್ಲಿ ಯಾವುದೇ ಮರಣಪತ್ರ ದೊರೆತಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
ನಿವೃತ್ತ ಸರ್ಕಾರಿ ನೌಕರ ಧರ್ಮದಾಸ್ ಸೋನಿ, ಅವರ ಪತ್ನಿ, ಪುತ್ರ, ಸೊಸೆ ಮತ್ತು ನಾಲ್ಕು ವರ್ಷದ ಮೊಮ್ಮಗ ಮೃತರು. ಪುತ್ರ ಹೊರತುಪಡಿಸಿ ಉಳಿದ ಎಲ್ಲರ ಶವಗಳು ಒಂದೇ ಕೊಠಡಿಯಲ್ಲಿ ಕಂಡುಬಂದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.