ನವದೆಹಲಿ: ದಕ್ಷಿಣ ದೆಹಲಿಯ ಹಲವೆಡೆ ಬುಧವಾರ ಬೆಳಿಗ್ಗೆ 7.30ರ ಸುಮಾರಿಗೆ ಆಲಿಕಲ್ಲು ಸಹಿತ ಮಳೆ ಸುರಿದಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ತಿಳಿಸಿದೆ.
ದೆಹಲಿಯ ಇನ್ನೂ ಕೆಲವೆಡೆ ಬುಧವಾರ ಆಲಿಕಲ್ಲು ಸಹಿತ ಮಳೆಯಾಗುವ ಸಾಧ್ಯತೆಯಿದೆ ಎಂದು ಐಎಂಡಿ ಮುನ್ನೆಚ್ಚರಿಕೆ ನೀಡಿದೆ.
ದೆಹಲಿಯಲ್ಲಿ ಮಂಗಳವಾರ ಸಂಜೆ 5.30ರ ತನಕ 1.3 ಮಿ.ಮೀ ಮಳೆ ಸುರಿದಿದೆ. ಪಾಲಂ, ಲೋಧಿ ಮತ್ತು ರಿಡ್ಜ್ ರಸ್ತೆಯಲ್ಲಿ ಕ್ರಮವಾಗಿ 5.3 ಮಿ.ಮೀ, 0.4 ಮಿ.ಮೀ ಮತ್ತು 4.8 ಮಿ.ಮೀ ಮಳೆ ಸುರಿದಿದೆ ಎಂದು ಸಫ್ದರ್ಜಂಗ್ ವೀಕ್ಷಣಾಲಯವು ಹೇಳಿದೆ.
ಆದರೆ ದೆಹಲಿಯ ಕನಿಷ್ಠ ತಾಪಮಾನವು 13.2 ಡಿಗ್ರಿ ಸೆಲ್ಸಿಯಸ್ಗೆ ಏರಿಕೆಯಾಗಿದ್ದು, ಗರಿಷ್ಠ ತಾಪಮಾನ 20.8 ಡಿಗ್ರಿ ಸೆಲ್ಸಿಯಸ್ಗೆ ತಲುಪಿದೆ.